រាជធានីភ្នំពេញ ៖ ទំនុកចិត្ត គឺជាសមត្ថភាពក្នុងការពឹងផ្អែកលើជំនាញ និងភាពខ្លាំងរបស់ខ្លួន ដើម្បីយកឈ្នះលើបញ្ហាប្រឈម ។ សម្រាប់យុវជន កីឡាដើរតួនាទីយ៉ាងសំខាន់ក្នុងការអភិវឌ្ឍន៍ទំនុកចិត្ត ដោយសារវាផ្តល់ឱកាសដល់កូនរបស់អ្នក…
រាជធានីភ្នំពេញ ៖ ទំនុកចិត្ត គឺជាសមត្ថភាពក្នុងការពឹងផ្អែកលើជំនាញ និងភាពខ្លាំងរបស់ខ្លួន ដើម្បីយកឈ្នះលើបញ្ហាប្រឈម ។ សម្រាប់យុវជន កីឡាដើរតួនាទីយ៉ាងសំខាន់ក្នុងការអភិវឌ្ឍន៍ទំនុកចិត្ត ដោយសារវាផ្តល់ឱកាសដល់កូនរបស់អ្នក ដើម្បីជម្នះបញ្ហាប្រឈមថ្មីៗ និងអភិវឌ្ឍជំនាញផ្សេងៗថែមទៀត ។ គ្រូបង្វឹក និងឪពុកម្តាយមិនអាចធ្វើឱ្យកូនវ័យក្មេងមានទំនុកចិត្តនោះទេ ប៉ុន្តែមានជំហានសំខាន់ៗមួយចំនួនដែលអ្នកអាចធ្វើ ដើម្បីជួយកុមារអភិវឌ្ឍទំនុកចិត្តរបស់ពួកគេផ្ទាល់ ។
១. សរសើរការខិតខំប្រឹងប្រែងរបស់កូន ៖ ម្ចាស់ជើងឯក តែងជឿជាក់លើខ្លួនឯង ប៉ុន្តែអ្នកជាឪពុកម្តាយត្រូវជឿជាក់លើពួកគេជាមុន ។ ការសរសើរលើការខិតខំប្រឹងប្រែងហ្វឹកហាត់របស់កូនអាចផ្តល់ឱ្យកុមារនូវមូលដ្ឋានគ្រឹះដ៏រឹងមាំដើម្បីជឿជាក់លើខ្លួនឯង ។ អ្នកមិនអាចគ្រប់គ្រងលទ្ធផលឈ្នះ ចាញ់ ប៉ុន្តែអ្នកអាចគ្រប់គ្រងពីរបៀបដែលអ្នកហ្វឹកហាត់ និងលេងបាន ។ មុនពេលក្មេងៗអាចមានជំនាញ ឬផ្នត់គំនិតដើម្បីឈ្នះ ពួកគេអាចជឿជាក់លើសមត្ថភាពរបស់ខ្លួនឯងក្នុងការហ្វឹកហាត់ ការរៀន និងកែលម្អ ។
២. បង្កើតឱកាសបន្ថែមសម្រាប់ភាពជោគជ័យ ៖ ទំនុកចិត្តនឹងកើតឡើងនៅពេលកូនសម្រេចបានគោលដៅ និងជម្នះឧបសគ្គនានា ។ មាតាបិតា និងគ្រូបង្វឹកអាចបង្កើតកិច្ចការដ៏លំបាកជាបន្តបន្ទាប់ ដូច្នេះកូនអ្នកនឹងទទួលបានភាពជោគជ័យជាបន្តបន្ទាប់ដូចគ្នា ។
៣. លើកទឹកចិត្តលើមោទនភាព ៖ ការដាក់ខ្លួនជារឿងល្អម្យ៉ាង ប៉ុន្តែត្រូវបង្រៀនកូនឱ្យចេះមានមោទនភាព ចំពោះអ្វីដែលពួកគេបានសម្រេច ។ ឱ្យកូនបង្ហាញពីមោទនភាពលើខ្លួនឯងដោយមិនអួតអាង ឬមើលងាយតួនាទីអ្នកដទៃដែលបានលេងជាមួយពួកគេ ។
៤. រក្សាការរំពឹងទុកសមហេតុផល ៖ ទំនុកចិត្ត គឺជាតុល្យភាពរវាងជំនឿ និងការភ័យខ្លាច ។ ប្រសិនបើអ្នកដាក់ការរំពឹងទុកខ្ពស់ពេកកូនទំនងជាខ្លាចការបរាជ័យ ។ ដូច្នេះការរំពឹងទុកគួរតែជាបញ្ហាប្រឈម ប៉ុន្តែពួកគេអាចទៅដល់ ឬអាចសម្រេចបាន ។
៥. ទំនាក់ទំនង ៖ នៅពេលកូនជួបប្រទះនឹងការភ័យខ្លាច និងការសង្ស័យលើខ្លួនឯង អ្នកគឺជាធនធានដ៏អស្ចារ្យ ។ កុមារកាន់តែមានផាសុកភាព និងកាន់តែជឿជាក់លើឪពុកម្តាយ ពួកគេនឹងកាន់តែឆាប់និយាយអំពីការភ័យខ្លាច និងការសង្ស័យរបស់ពួកគេ ។
៦. បង្រៀនកូនឱ្យបង្វែរគំនិតអវិជ្ជមានទៅជាវិជ្ជមាន ៖ ក្មេងហាត់កីឡាទាំងអស់តែងជួបប្រទះការសង្ស័យលើខ្លួនឯង សូម្បីតែជើងឯកក៏ដោយ ។ ចំណុចសំខាន់ គឺកំណត់អត្តសញ្ញាណគំនិតទាំងនោះ ហើយផ្លាស់ប្តូរជាវិជ្ជមានវិញ ។ ឧទាហរណ៍ ជំនួសឱ្យការគិតថា ខ្ញុំមិនអាច ពួកគេអាចគិតថា បាទ ខ្ញុំអាច ប្រសិនបើខ្ញុំគ្រាន់តែបន្តហ្វឹកហាត់វា ៕ ប្រភព ៖ truesport
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ