រាជធានីភ្នំពេញ៖ ឪពុកម្តាយមួយចំនួននិយាយថា កូនៗសព្វថ្ងៃនេះមិនសូវចេះកោតសរសើរ និងមានអំណរគុណនោះទេ ហើយឪពុកម្តាយមួយចំនួនក៏ព្រួយបារម្ភ និងខ្មាស់អៀន ដោយសារទង្វើអាត្មានិយមរបស់កូនៗពួកគេផងដែរ ។ ការដឹងគុណ អាចជួយឱ្យកុមារមានសុខភាពល្អ…
រាជធានីភ្នំពេញ៖ ឪពុកម្តាយមួយចំនួននិយាយថា កូនៗសព្វថ្ងៃនេះមិនសូវចេះកោតសរសើរ និងមានអំណរគុណនោះទេ ហើយឪពុកម្តាយមួយចំនួនក៏ព្រួយបារម្ភ និងខ្មាស់អៀន ដោយសារទង្វើអាត្មានិយមរបស់កូនៗពួកគេផងដែរ ។
ការដឹងគុណ អាចជួយឱ្យកុមារមានសុខភាពល្អ អារម្មណ៍វិជ្ជមានកាន់តែច្រើន ការមានទំនាក់ទំនងរឹងមាំ និងរីករាយជាមួយបទពិសោធន៍កាន់តែច្រើន ។ ទោះជាយ៉ាងណាក៏ដោយ ការដឹងគុណ មិនមែនជាអ្វីដែលកុមារតែងតែទទួលបាន ដោយស្វ័យប្រវត្តិនោះទេ វាត្រូវការពេលវេលា ការចិញ្ចឹមបីបាច់ ដោយប្រើប្រាស់តាមវិធីណាមួយ ដែលសមស្របទៅតាមអាយុពួកគេ ។
១. ធ្វើឱ្យការនិយាយពាក្យ ‘អរគុណ’ ក្លាយជាឃ្លាធម្មតា ឬទម្លាប់
វិធីសាមញ្ញបំផុតដែលឪពុកម្តាយបង្រៀនកូន ឱ្យមានការកោតសរសើរ គឺរំឭកពួកគេឱ្យចងចាំ ពីអាកប្បកិរិយារបស់ពួកគេ ។ ឪពុកម្ដាយបង្រៀនកូន ពីភាពខុសគ្នារវាង ការគួរសម និងការដឹងគុណ ហើយដើម្បីជួយកូនរៀនចេះដឹងគុណ ឪពុកម្ដាយត្រូវបញ្ជាក់អំពីមូលហេតុ ដែលពួកគេសុំឱ្យកូននិយាយ «អរគុណ» ផងដែរ។ ថ្ងៃខួបកំណើត ថ្ងៃឈប់សម្រាក និងកម្មវិធីផ្តល់អំណោយផ្សេងៗ អាចបង្កើតឱកាសសម្រាប់ឪពុកម្តាយ ដើម្បីលើកទឹកចិត្តកូន ឱ្យដឹងគុណចំពោះ អ្នកផ្តល់ឱ្យអំណោយ ។
២. និយាយអំពីការដឹងគុណ
ការឆ្លៀតពេលដើម្បីឆ្លុះបញ្ចាំង ពីអ្វីដែលសមាជិកគ្រួសារ មានអំណរគុណ នៅតុអាហារពេលល្ងាច ឬពេលផ្សេងទៀត គឺជាវិធីមួយផ្សេងទៀត ដែលគ្រួសារអាចលើកឡើងនិងផ្តល់ដំបូន្មានអំពីការដឹងគុណ។ ឪពុកម្ដាយអាចជាការចែករំលែកអ្វី ដែលវិជ្ជមានដែលពួកគេកោតសរសើរ ឬការដឹងគុណទូទៅអំពីសុខភាព គ្រួសារ និងអ្វីដែលពួកគេមាន ។
៣. រួមចំណែកក្នុងការងារគ្រួសារ
ចូរឱ្យកូនៗជួយធ្វើការងារក្នុងផ្ទះ ដើម្បីជួយសម្រាលបន្ទុក ក្នុងក្រុមគ្រួសារស្របទៅតាមអាយុ។ ដើម្បីជួយកុមារតូចៗ ឱ្យយល់ច្បាស់ មាតាបិតា អាចពន្យល់ថា មនុស្សគ្រប់រូបក្នុងគ្រួសារមានទំនួលខុសត្រូវ ក្នុងការជួយគ្នាទៅវិញទៅមក។ ឪពុកម្ដាយអាចជួយកុមារឱ្យដឹងគុណ ចំពោះតួនាទី និងចិញ្ចឹមបីបាច់អារម្មណ៍ នៃការដឹងគុណរបស់ពួកគេ។
៤. ការងារស្ម័គ្រចិត្ត
ឪពុកម្តាយគួរចូលរួមជាមួយកូនរបស់ពួក គេនៅក្នុងសកម្មភាពស្ម័គ្រចិត្ត ឬសេវាកម្មសង្គមមួយចំនួន ។ ការដឹងគុណ មិនមែនជាអ្វីដែលកុមារតែងតែទទួលបាន ដោយស្វ័យប្រវត្តិនោះទេ វាត្រូវការពេលវេលា ការចិញ្ចឹមបីបាច់ តាមវិធីដែលសមស្របតាមអាយុ។
៥. ការផ្តល់ឱ្យ
យុទ្ធសាស្ត្រក្នុងការបង្រៀនការដឹងគុណ គឺការឱ្យកូនបរិច្ចាគប្រដាប់ប្រដាក្មេងលេង ឬសំលៀកបំពាក់ដល់អង្គការសប្បុរសធម៌ និងអ្នកដទៃផ្សេងទៀត៕ (ប្រភព៖michiganmedicine)
អត្ថបទនេះផលិតឡើងក្រោមកិច្ចសហប្រតិបត្តិការ ជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕ អត្ថបទសហការ
ចែករំលែកព័តមាននេះ