រាជធានីភ្នំពេញ ៖ ការចិញ្ចឹមកូន គឺជាការងារលំបាក ។ យើងចង់បានអ្វីដែលល្អបំផុតសម្រាប់កូនៗ ហើយក៏អាចចំណាយពេលច្រើនក្នុងការព្រួយបារម្ភអំពីរបៀបក្លាយជាឪពុកម្តាយដ៏ល្អបំផុតដែលអាចធ្វើសម្រាប់ពួកគេ ។ ប៉ុន្តែជាការពិតណាស់ អ្នកមិនចាំបាច់ត្រូវធ្វើជាម្ដាយទំនើប…
រាជធានីភ្នំពេញ ៖ ការចិញ្ចឹមកូន គឺជាការងារលំបាក ។ យើងចង់បានអ្វីដែលល្អបំផុតសម្រាប់កូនៗ ហើយក៏អាចចំណាយពេលច្រើនក្នុងការព្រួយបារម្ភអំពីរបៀបក្លាយជាឪពុកម្តាយដ៏ល្អបំផុតដែលអាចធ្វើសម្រាប់ពួកគេ ។ ប៉ុន្តែជាការពិតណាស់ អ្នកមិនចាំបាច់ត្រូវធ្វើជាម្ដាយទំនើប ឬប៉ាកំពូលល្អ ដើម្បីនាំមកនូវអ្វីដែលល្អបំផុតសម្រាប់កូនទេ ។ អ្វីដែលកុមារត្រូវការបំផុតក្នុងជីវិត គឺសេចក្ដីស្រឡាញ់ សុវត្ថិភាព ការណែនាំ និងការគាំទ្រ ហើយពេលយើងបំពេញតម្រូវការទាំងនេះ ទោះបីជាតាមវិធីតូចតាចបំផុតក៏ដោយនឹងជួយនាំមកនូវអ្វីដែលល្អបំផុតសម្រាប់កូនៗ ។
ខាងក្រោមនេះ គឺជាវិធីងាយៗចំនួន ២០ ដែលអ្នកអាចផ្តល់កម្លាំងចិត្តដល់កូនរបស់អ្នក និងនាំមកនូវអ្វីដែលល្អបំផុតនៅក្នុងពួកគេ ៖
១. អនុញ្ញាតឱ្យកូនរបស់អ្នករកឃើញចំណាប់អារម្មណ៍ និងចំណង់ចំណូលចិត្តផ្ទាល់ខ្លួនរបស់ពួកគេ ។ ពេលលេងដោយឯករាជ្យ គឺជាពេលវេលាដ៏ល្អមួយ ដើម្បីមើលកូនរបស់អ្នក និងចំណាប់អារម្មណ៍របស់ពួកគេ ។
២. អនុញ្ញាតឱ្យកូនរបស់អ្នកធ្វើខុស ប្រសិនបើកុមារត្រូវបានដាក់សម្ពាធឱ្យមានភាពល្អឥតខ្ចោះគ្រប់ពេលវេលា នោះពួកគេនឹងមិនមានឆន្ទៈក្នុងការប្រថុយប្រថាន ឬហ៊ានធ្វើអ្វីដែលពិបាកនោះទេ ។
៣. កុំបង្ខិតបង្ខំកូនឱ្យចូលរួមក្នុងសកម្មភាពជាក់លាក់ ឬរៀនអំពីរឿងមួយចំនួន ។ ការលើកទឹកចិត្តគឺជាការល្អ ប៉ុន្តែកុំរុញច្រាន ព្រោះវាអាចបង្កឱ្យមានភាពតានតឹង ហត់នឿយ និងអាក់អន់ចិត្ត ។
៤. រក្សាការរំពឹងទុកជាក់ស្តែង ហើយអនុញ្ញាតិឱ្យពួកគេដឹងថា អ្នករំពឹងចង់ឃើញអ្វីខ្លះ ។
៥. ឱ្យកូនរបស់អ្នកចូលទៅក្នុងជីវិតពេញវ័យរបស់អ្នកនៅពេលសមរម្យ ។ ការចែករំលែកអំពីអារម្មណ៍ មិត្តភាព ជីវិតការងារ ជោគជ័យ និងភាពបរាជ័យរបស់អ្នក អាចជួយកូនរបស់អ្នកឱ្យយល់ពីអារម្មណ៍របស់ពួកគេផ្ទាល់ ។
៦. ធ្វើជាគំរូល្អ និងជាអ្នកសិក្សាពេញមួយជីវិត ។
៧. លើកទឹកចិត្តដល់ការច្នៃប្រឌិតនៅផ្ទះ តុបតែងផ្ទះ រៀបចំតុក្កតា សម្ភារផ្ទះបាយ និងឧបករណ៍កីឡា ។ ស្វែងរកកន្លែងនៅក្នុងផ្ទះរបស់អ្នក ដើម្បីបង្ហាញការច្នៃប្រឌិត ឬស្នាដៃសិល្បៈរបស់កូនអ្នក
៨. កុំដាក់ស្លាកសញ្ញា ដាក់នាម ឬឈ្មោះមិនល្អឱ្យកូនរបស់អ្នក ។
៩. លេងជាមួយគ្នាជាគ្រួសារ ដើរលេងសួនកម្សាន្ត លេងហ្គេមក្តារ ចូលរួមព្រឹត្តិការណ៍កីឡា ចូលមើលកុន អានជាមួយគ្នា ស្តាប់តន្ត្រី។ល។
១០. និយាយគ្នាលេង ដោយចំណាយពេលជាទៀងទាត់ ដើម្បីសន្ទនាមួយទល់នឹងមួយជាមួយកូនរបស់អ្នក ។
១១. ធ្វើឱ្យផ្ទះពោរពេញទៅដោយភាពរីករាយ កំប្លែង និងសំណើច ។
១២. សរសើរកូនរបស់អ្នកនៅពេលដែលពួកគេធ្វើបានល្អ ជោគជ័យ ឬមានប្រយោជន៍ ។
១៣. ត្រូវប្រាកដថា កូនរបស់អ្នកមានពេលវេលាច្រើន ដែលមិនមានច្បាប់ ឬរចនាសម្ព័ន្ធក្នុងថ្ងៃរបស់ពួកគេ ដើម្បីអនុញ្ញាតឱ្យការស្រមើលស្រមៃ និងគំនិតរបស់ពួកគេកើនឡើង ។
១៤. ស្វែងរកការសិក្សា ថ្នាក់តន្ត្រី ឬក្រុម ដែលកូនរបស់អ្នកអាចចំណាយពេលជាមួយមិត្តភ័ក្តិដែលមានចំណាប់អារម្មណ៍ស្រដៀងគ្នា ។
១៥. កុំប្រៀបធៀបកូនអ្នកជាមួយអ្នកដទៃ មនុស្សតែម្នាក់គត់ដែលគេគួរប្រៀបធៀបខ្លួនឯង គឺខ្លួនឯង ។
១៦. ផ្តល់ឱ្យកូនរបស់អ្នកនូវជម្រើស នៅពេលកូនធ្វើការសម្រេចចិត្តដោយខ្លួនឯង វាជួយបង្កើតឯករាជ្យភាព និងទំនុកចិត្ត ។
១៧. លើកទឹកចិត្តឯករាជ្យភាពរីកចម្រើនរបស់កូនអ្នក
១៨. ឱ្យកូនយល់ថា ដោយសារតែរឿងដំបូងពិបាក ហើយពួកគេប្រហែលជាមិនដឹងទាំងអស់ឥឡូវនេះ វាមិនមានន័យថា ពួកគេនឹងមិនចេះ ឬមិនធ្វើនោះទេ វាគ្រាន់តែមានន័យថា ពួកគេមិនបានរៀនវានៅឡើយទេ ។
១៩. សុំទោស នៅពេលអ្នកធ្វើខុស នេះជួយកូនរបស់អ្នកមានអារម្មណ៍គោរព និងបង្ហាញពួកគេពីរបៀបដោះស្រាយស្ថានភាព នៅពេលដែលពួកគេធ្វើខុសដោយខ្លួនឯង ។
២០. និយាយដោយសប្បុរសទៅកាន់កូនរបស់អ្នក ហើយឱ្យពួកគេឮអ្នកនិយាយដោយសប្បុរសចំពោះខ្លួនអ្នកផងដែរ ៕ ប្រភព ៖ apolloafterschool
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ