មោទកភាពផលិតផល Made in Cambodia ឈានជើងចូលទីផ្សារដ៏ធំបំផុតមួយរបស់ពិភពលោក
រាជធានីភ្នំពេញ ៖ នៅថ្ងៃទី ២៥ ខែកញ្ញា ឆ្នាំ ២០២៤ ក្រុមហ៊ុន SHANGHAI DRINK…
រាជធានីភ្នំពេញ ៖ នៅថ្ងៃទី ២៥ ខែកញ្ញា ឆ្នាំ ២០២៤ ក្រុមហ៊ុន SHANGHAI DRINK…
រាជធានីភ្នំពេញ ៖ នៅថ្ងៃទី ២៥ ខែកញ្ញា ឆ្នាំ ២០២៤ ក្រុមហ៊ុន SHANGHAI DRINK NOD CO. LTD របស់ប្រទេសចិន បានចុះហត្ថលេខាលើអនុស្សរណៈយោគយល់ជាមួយក្រុមហ៊ុន ខ្មែរ ប៊ែវើរីជីស ដែលជាក្រុមហ៊ុនផលិតភេសជ្ជៈ និងស្រាបៀរ គុណភាពស្តង់ដារពិភពលោក ធំជាងគេបង្អស់នៅកម្ពុជា ស្ដីពីការសុំសិទ្ធនាំយកផលិតរបស់ ខ្មែរ ប៊ែវើរីជីស ទៅដាក់លក់នៅក្នុងប្រទេសចិន ជាទីផ្សារដែលមានតម្រូវការខ្ពស់ និងមានអ្នកប្រើប្រាស់ជាង ១,៤ ពាន់លាននាក់ ។
ផលិតផលភេសជ្ជៈ ដែលមានសញ្ញាសម្គាល់ «Made in Cambodia» ត្រូវបានទទួលស្គាល់ពីគុណភាព និងនាំចេញទៅកាន់ទីផ្សារអន្តរជាតិជាហូរហែ តាមរយៈកិច្ចខិតខំប្រឹងប្រែងរបស់ ខ្មែរ ប៊ែវើរីជីស ។ ដោយឡែក ថ្ងៃនេះគឺជាលើកទី ៤ ហើយ ដែលក្រុមហ៊ុន ខ្មែរ ប៊ែវើរីស បានចាប់ដៃគូជាមួយនឹងក្រុមហ៊ុនបរទេសក្នុងការនាំយកផលិតផលរបស់ខ្លួនទៅកាន់ទីផ្សារក្រៅស្រុក ។ កន្លងមក ខ្មែរ ប៊ែវើរីជីស ក៏បានចាប់ដៃគូសហការជាមួយនឹងក្រុមហ៊ុន DC Logistic & Trading របស់សិង្ហបុរី, ក្រុមហ៊ុន Kingsman Holdings SND. BHD របស់ម៉ាឡេស៊ី និងក្រុមហ៊ុន Bao Chau Import Export របស់វៀតណាម ក្នុងការនាំចេញផលិតផលស្រាបៀរ និងភេសជ្ជៈ ទៅកាន់ទីផ្សារនៃប្រទេសក្នុងអាស៊ីអាគ្នាយ៍នេះ ។
អ្នកឧកញ៉ា លាង ម៉េង សហស្ថាបនិក និងប្រធានក្រុមអគ្គនាយក ខ្មែរ ប៊ែវើរីជីស បានមានប្រសាសន៍ថា ៖ «ការចុះហត្ថលេខាលើអនុស្សរណៈនៃការយោគយល់រវាងក្រុមហ៊ុន ខ្មែរ ប៊ែវើរីជីស និងក្រុមហ៊ុន SHANGHAI DRINK NOD CO. LTD ដើម្បីសុំសិទ្ធនាំយកស្រាបៀរ និងភេសជ្ជៈ របស់ ខ្មែរ ប៊ែវើរីជីស ទៅដាក់លក់នៅលើទីផ្សារប្រទេសចិននៅក្នុងថ្ងៃនេះ បានឆ្លុះបញ្ចាំងឱ្យឃើញពីស្ដង់ដារគុណភាពគ្រប់គ្រាន់ និងភាពជឿជាក់របស់ក្រុមហ៊ុនចិន មកលើផលិតផលកម្ពុជា ខណៈកន្លងមកភាគច្រើន យើងធ្លាប់តែនាំចូលទំនិញពីចិន» ។
អ្នកឧកញ៉ាបន្ថែមថា «យើងសង្ឃឹមយ៉ាងមុតមាំថា កិច្ចសហកាក្នុងភាពជាដៃគូពាណិជ្ជកម្មនេះ ជាការបើកច្រកថ្មីមួយបន្ថែមទៀត ដើម្បីធ្វើឱ្យផលិតផលខ្មែរ កាន់តែមានឈ្មោះបោះសំឡេងខ្លាំងឡើងៗនៅលើឆាកអន្តរជាតិ និងជួយពង្រីកទីផ្សារផលិតផលខ្មែរ កាន់តែទូលំទូលាយទៅក្នុងតំបន់ និងពិភពលោក» ៕ អត្ថបទសហការ
ចែករំលែកព័តមាននេះ