រាជធានីភ្នំពេញ ៖ ដោយមើលឃើញពីស្ថិរភាព និងការអភិវឌ្ឍនៃសេដ្ឋកិច្ចក្នុងប្រទេសកម្ពុជា មានសន្ទុះកើនឡើងយ៉ាងខ្លាំង ព្រមទាំងការសិក្សា វិភាគយ៉ាងល្អិតល្អន់ពីគម្រោងអាជីវកម្ម ក្រុមហ៊ុន លី ហួរ លីស៊ីង ភីអិលស៊ី បានក្លាយខ្លួនទៅជា គ្រឹះស្ថាន អេច អេហ្វ ស៊ី ខេមបូឌា មីក្រូហ្វាយនែន ម.ក ដែលជាមជ្ឈមណ្ឌល ផ្តល់ជូននូវសេវាកម្មបង់រំលស់រថយន្ត និងម៉ូតូដ៏ធំជាងគេមួយ ប្រចាំប្រទេសកម្ពុជា ។
ការបង្កើត គ្រឹះស្ថាន អេច អេហ្វ ស៊ី ខេមបូឌា មីក្រូហ្វាយនែន ម.ក នេះមិនត្រឹមតែជាផ្នែកមួយ ជួយជំរុញដល់ការអភិវឌ្ឍសេដ្ឋកិច្ចជាតិ តាមរយៈការផ្ដល់នូវឱកាសការងារដ៏ច្រើន សម្រាប់ប្រជាជនប៉ុណ្ណោះទេ ប៉ុន្តែថែមទាំងបានជួយចូលរួមចំណែកក្នុងការបំពេញនូវតម្រូវការ ជូនបងប្អូនប្រជាពលរដ្ឋឱ្យទទួលបាននូវយានយន្តក្នុងក្តីស្រមៃរបស់ខ្លួនផងដែរ ។ ការរីកចម្រើនប្រកបដោយនិរន្តរភាពរបស់ក្រុមហ៊ុន គឺមិនមែនជារឿងចៃដន្យនោះទេ គ្រប់យ៉ាងអាស្រ័យមកពីការរួមចំណែកពីភាគទុនិក ព្រមទាំងបុគ្គលិកគ្រប់ជាន់ថ្នាក់ ដែលបានបំពេញនូវសេចក្តីសុចរិត ចំពោះក្រុមហ៊ុន និងអតិថិជន ក្នុងភាពជាអ្នកដឹកនាំ រួមទាំងកិច្ចសហការគ្នាយ៉ាងស្អិតរមួត ជាពិសេសគឺភាពទំនួលខុសត្រូវជារួម និងបន្តស្វែងរកភាពជោគជ័យរួមគ្នា ដើម្បីផ្តល់ជូនការអភិវឌ្ឍផលិតផល និង សេវាកម្ម កាន់តែមានគុណភាព និងទំនុកចិត្តជូនដល់ប្រជាពលរដ្ឋកម្ពុជាបន្តទៀតនៅពេលអនាគត ។
ទស្សនវិស័យរបស់ គ្រឹះស្ថាន អេច អេហ្វ ស៊ី ខេមបូឌា មីក្រូហ្វាយនែន ម.ក គឺជាគ្រឹះស្ថានមីក្រូហិរញ្ញវត្ថុឈានមុខគេក្នុងការផ្តល់សេវាកម្ម ភតិសន្យាហិរញ្ញវត្ថុ និងកម្ចី រថយន្ត ម៉ូតូ ទូទាំងព្រះរាជាណា ចក្រកម្ពុជា ។ ហើយបេសកកម្មរបស់យើង គឺផ្តល់សេវាកម្មភតិសន្យា និងកម្ចី ជូនដល់បុគ្គល និងក្រុមហ៊ុនសហគ្រាស ជាមួយនឹងមធ្យោបាយ ឬធនធានដើម្បីគ្រប់គ្រងប្រភពហិរញ្ញវត្ថុរបស់គេឱ្យមានប្រសិទ្ធភាព និងដើម្បីធ្វើឱ្យជីវភាពរបស់ពួកគេកាន់តែប្រសើរឡើង។ ដើម្បីសម្រេចគោលដៅនេះយើងត្រូវធានានូវអត្ថប្រយោជន៍ដែលមាននិរន្តរភាពជូនដល់ម្ចាស់ភាគហ៊ុន បុគ្គលិករបស់យើង និងសហគមន៍ទាំងមូល។ យើងនឹងបម្រើតាមគោលការណ៍សីលធម៌ខ្ពស់បំផុត គ្រប់ពេលវេលា ដោយគោរពច្បាប់ សង្គម និងបរិស្ថាន ។
សូមរម្លឹកផងដែរថា កាលពីឆ្នាំ ២០១៥ ឧកញ៉ា លី សុភ័ក្ត បានបង្កើត ក្រុមហ៊ុន លី ហួរ លីស៊ីង ភីអិលស៊ី ដោយបានចុះបញ្ជី លេខៈ ០០០០០៦៩៤ នៅក្រសួងពាណិជ្ជកម្មនៅថ្ងៃទី ០៩ ខែកញ្ញា ឆ្នាំ ២០១៥ ជាមួយនឹងដើមទុនដំបូងចំនួន ៣ លានដុល្លារ ដើម្បីជំរុញឱ្យមានសេវាកម្មភតិសន្យារថយន្តនៅលើទីផ្សារ ។ ឆ្នាំ ២០១៦ ធនាគារជាតិនៃកម្ពុជា បានផ្តល់អាជ្ញាប័ណ្ណជាផ្លូវការដល់ ក្រុមហ៊ុន លី ហួរ លីស៊ីង ភី អិលស៊ី នៅថ្ងៃទី ០៨ ខែមេសា ឆ្នាំ ២០១៦ ។ ឆ្នាំ ២០១៧ ក្រុមហ៊ុន លី ហួរ លីស៊ីង ភីអិលស៊ី បានបង្កើតអោយមានសេវាកម្មភតិសន្យាម៉ូតូនៅលើ ទីផ្សារ ។ ឆ្នាំ ២០២១ ក្រុមហ៊ុន លី ហួរ លីស៊ីង ភីអិលស៊ី ចាប់ផ្ដើមធ្វើប្រតិបត្តិការ និងមានការរីកចម្រើនជាបន្តបន្ទាប់ ហើយ ក្រុមហ៊ុន លី ហួរ លីស៊ីង ភីអិលស៊ី បានបង្កើនដើមទុនរហូតដល់ ១០ លានដុល្លារ ។ ឆ្នាំ ២០២២ ដោយមានការរីកចម្រើនជាលំដាប់ទើប ក្រុមហ៊ុន លី ហួរ លីស៊ីង ភីអិលស៊ី បានបង្កើនដើមទុនម្តងទៀតរហូតដល់ ១៦ លានដុល្លារ ។ ឆ្នាំ ២០២៣ ក្រុមហ៊ុន លី ហួរ លីស៊ីង ភីអិលស៊ី បានធ្វើការវិនិយោគរួមគ្នាជាមួយនឹង HOTAI FINANCE CO., LTD. ដែលជាគ្រឹះស្ថានហិរញ្ញវត្ថុឈានមុខគេមួយនៅតៃវ៉ាន់ ៕ អត្ថបទសហការ
ចែករំលែកព័តមាននេះ