រាជធានីភ្នំពេញ ៖ ដោយសារតែសង្កេតឃើញពីតម្រូវការ និងការស្ថាបនាហេដ្ឋារចនាសម្ព័ន្ធនានានៃ បណ្ឌិត្យសភានគរបាលជាតិ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន…
រាជធានីភ្នំពេញ ៖ ដោយសារតែសង្កេតឃើញពីតម្រូវការ និងការស្ថាបនាហេដ្ឋារចនាសម្ព័ន្ធនានានៃ បណ្ឌិត្យសភានគរបាលជាតិ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស បានឧបត្ថម្ភថវិកាចំនួន ៦ ម៉ឺនដុល្លារ បង់អង្គុយចំនួន ១០០ បង់ បន្ថែម និងភេសជ្ជៈសរុប ៧៥០ កេស ដើម្បីជួយសម្រាលបន្ទុកនៃការរៀបចំ និងការស្ថាបនាផ្សេងៗ ក្នុងពិធីប្រគល់សញ្ញាបត្រដល់និស្សិតជ័យលាភីថ្នាក់បរិញ្ញាបត្រ នៃបណ្ឌិត្យសភានគរបាលជាតិ ។
តាមរយៈការឧបត្ថម្ភរបស់ ខ្មែរ ប៊ែវើរីជីស នេះគឺជាចំណែកមួយក្នុងការចូលរួមលើកកម្ពស់ការបណ្ដុះបណ្ដាលធនធានមនុស្ស និងផ្ដល់ភាពងាយស្រួលដល់និស្សិត និងសិក្ខាកាមដែលកំពុងសិក្សានៅបណ្ឌិត្យសភានគរបាលជាតិទាំងមូល ដែលនិស្សិតទាំងអស់សុទ្ធសឹងតែជាធនធានបម្រើដល់ប្រយោជន៍ជាតិ មាតុភូមិ ការពារសុខសុវត្ថិភាព និងសន្តិភាពជូនប្រជាពលរដ្ឋទូទាំងប្រទេសកម្ពុជា ។ ក្នុងនាមសហគ្រិនខ្មែរ ដែលតែងតែប្ដេជ្ញាកសាងម៉ាកយីហោផលិតផលខ្មែរ “MADE IN CAMBODIA” គុណភាពកម្រិតអន្តរជាតិ របស់ក្រុមហ៊ុន ខ្មែរ ប៊ែវើរីជីស ឱ្យលេចមុខមាត់ដូចបណ្ដាប្រទេសផ្សេងៗ ពិតជាមានសេចក្ដីសោមនស្សរីករាយយ៉ាងខ្លាំង ដែលបានឧបត្ថម្ភដល់បណ្ឌិត្យសភានគរបាលជាតិ ។
ការឧបត្ថម្ភនេះជាលើកទី ២ ហើយ ដោយលើកទី ១ ក្នុងឱកាសនៃពិធីបុណ្យចូលឆ្នាំខ្មែរ ខ្មែរ ប៊ែវើរីជីស បានឧបត្ថម្ភភេសជ្ជៈ ៧៥០ កេស និងបង់អង្គុយចំនួន ១៥០ បង់ ដែលចំណាយសរុបលើការឧបត្ថម្ភទាំងទី ២ លើកនេះប្រមាណជាង ១២ ម៉ឺនដុល្លារហើយ ។ ការឧបត្ថម្ភរបស់ក្រុមហ៊ុន ខ្មែរ ប៊ែវើរីជីស ជាហូរហែនេះ គឺដើម្បីបម្រើជាប្រយោជន៍រួម ក្នុងគោលបំណងរួមចំណែកលើកស្ទួយដល់ការបណ្ដុះបណ្ដាល និងលើកកម្ពស់សោភណភាពជូនស្ថាប័ន ៕ អត្ថបទសហការ
ចែករំលែកព័តមាននេះ