រាជធានីភ្នំពេញ ៖ ការគ្រប់គ្រងភាពតានតឹង និងជំងឺ បូករួមជាមួយការធ្វើជាឪពុកម្តាយ គឺជារឿងស្មុគស្មាញក្នុងជីវិតសម្រាប់មនុស្សជាច្រើន ។ ប្រសិនបើអ្នកកំពុងគ្រប់គ្រងបញ្ហាសុខភាពផ្លូវចិត្ត អ្នកអាចរកឃើញថា អ្នកមានអារម្មណ៍ប្រែប្រួល…
រាជធានីភ្នំពេញ ៖ ការគ្រប់គ្រងភាពតានតឹង និងជំងឺ បូករួមជាមួយការធ្វើជាឪពុកម្តាយ គឺជារឿងស្មុគស្មាញក្នុងជីវិតសម្រាប់មនុស្សជាច្រើន ។ ប្រសិនបើអ្នកកំពុងគ្រប់គ្រងបញ្ហាសុខភាពផ្លូវចិត្ត អ្នកអាចរកឃើញថា អ្នកមានអារម្មណ៍ប្រែប្រួល ឬតស៊ូជាមួយការរក្សាទម្លាប់ដូចជាម៉ោងអាហារ ពេលគេង និងនាំកូនរបស់អ្នកទៅសាលារៀន ។ ប្រសិនបើអ្នក ឬនរណាម្នាក់ដែលអ្នកស្គាល់កំពុងតស៊ូនឹងភាពតានតឹងក្នុងនាមជាឪពុកម្តាយ ជំហានល្អៗខាងក្រោមនេះពិតជាល្អសម្រាប់អ្នក ដើម្បីថែរក្សាសុខភាពផ្លូវចិត្តឱ្យបានល្អប្រសើរ ។
ប្រសិនបើអ្នកមានយុទ្ធសាស្ត្រ ដែលមានប្រសិទ្ធភាពសម្រាប់អ្នករួចហើយ សូមបន្តធ្វើវាចុះ ហើយអ្នកក៏អាចជ្រើសរើសចំណុចមួយ ឬពីរបន្ថែមទៀត ដើម្បីជួយឱ្យសុខភាពផ្លូវចិត្តរបស់អ្នកបានប្រសើរឡើងជាងមុន ។
- សូមសម្រាក និងគេងឱ្យបានល្អ ។
- រក្សាទំនាក់ទំនងជាមួយក្រុមគ្រួសារ និងមិត្តភក្តិជាប់ជានិច្ច ។
- សរសេរអារម្មណ៍របស់អ្នកក្នុងសៀវភៅ ដែលនេះអាចជួយអ្នកឱ្យដឹង ឆ្លុះបញ្ចាំង យល់ និងគ្រប់គ្រងវាឱ្យបានល្អប្រសើរ ។
- ចូលរួមក្រុមគាំទ្រ ឬបណ្តាញអនឡាញ។ ការនិយាយជាមួយអ្នកដទៃក្នុងស្ថានភាពស្រដៀងគ្នាអាចជួយអ្នកបានមួយកម្រិតទៀត ។
- ព្យាយាមមានពេលខ្លះសម្រាប់ខ្លួនឯង ដើម្បីធ្វើអ្វីដែលអ្នកចង់ធ្វើ មិនថា នៅផ្ទះ លេងកីឡា ឬដើរលេង ។
- សកម្មភាពរាងកាយ និងការហាត់ប្រាណ ពិតជាមានប្រយោជន៍សម្រាប់មនុស្សមួយចំនួន ។ អ្នកអាចសាកល្បងដើរ រត់លេង ហែលទឹក ឬវាយសី ។ ប្រសិនបើទាំងនេះមិនសមនឹងអ្នកទេ អ្នកអាចសាកល្បងសកម្មភាពដ៏ទន់ភ្លន់ដូចជា ថែសួន អង្គុយក្បែរបង្អួចបើកចំហ ដើម្បីទទួលខ្យល់អាកាសបរិសុទ្ធជាដើម ។
- ព្យាយាមទទួលទានអាហារដែលមានសុខភាពល្អ ហើយនឹងទឹកឱ្យបានច្រើន ។
- ការរៀបចំផែនការធ្វើដោយខ្លួនឯង ឬជាមួយកូនរបស់អ្នក អាចជួយបង្កើតរចនាសម្ព័ន្ធ និងទម្លាប់ប្រចាំថ្ងៃដ៏ល្អ ។ សាកល្បងចាប់ផ្តើមថ្ងៃរបស់អ្នកជាមួយនឹងបញ្ជីខ្លីៗនៃកិច្ចការតូចៗចំនួន ៤ ដែលអ្នកចង់ធ្វើ ។
- ប្រសិនបើហិរញ្ញវត្ថុបង្កភាពតានតឹងដល់អ្នកបន្ថែម សូមស្វែងរកជំនួយពីក្រុមគ្រួសារ មិត្តភក្តិ និងអ្នកជំនាញសន្សំប្រាក់ ដើម្បីទទួលបានការគាំទ្របន្ថែម ៕ ប្រភព ៖ nspcc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ វគ្គសិក្សាថ្មីចូលរៀនថ្ងៃទី ២៩ ខែមេសា ឆ្នាំ ២០២៤ ខាងមុខនេះ ។ សាលារៀនផ្តល់ជូនអាហារូបករណ៍រហូតដល់ ៤០% និងធានារ៉ាប់រងគ្រោះថ្នាក់បុត្រធីតា និងការការពារសិក្សារហូតដល់ ៥ ឆ្នាំ ។ លើពីនេះសាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ