ADផ្ទាំងផ្សព្វផ្សាយពាណិជ្ជកម្ម

វិធី​លើកទឹកចិត្ត​បងប្អូន​បង្កើត ចេះ​ស្រឡាញ់​គ្នា

8 ខែ មុន

រាជធានី​ភ្នំពេញ​៖ តើ​កូន​ៗ​របស់​អ្នក មាន​ទំនាក់​ទំនងជា​បងប្អូន​ល្អ​ទេ? ឬ​មួយ​ក៏​ពួក​គេ​ឈ្លោះ​គ្នា​ច្រើន​ជាង​រីករាយ? ជា​ការ​ពិត​ឪពុក​ម្តាយ មិន​ត្រឹមតែ​ដើរតួ​នាទី​យ៉ាង​សំខាន់ ក្នុង​ការ​ជួយ​ចិញ្ចឹម​បីបាច់​ថែរក្សា​កូន​ៗ​ប៉ុ​ណ្នោះ​ទេ ប៉ុន្តែ​ឪពុក​ម្តាយ​ក៏​មាន​តួនាទី​ដឹង​ពី​ទំនាក់ទំនង​បងប្អូន​ល្អ​របស់​កូន​ៗ​ផង​ដែរ ជា​ពិសេស​អាច​ជួយ​កូន​ៗ​កាត់​បន្ថយ​ការ​ប្រជែង​គ្នា និង​ជម្លោះ​រវាង​បងប្អូន​បង្កើត​…

រាជធានី​ភ្នំពេញ​៖ តើ​កូន​ៗ​របស់​អ្នក មាន​ទំនាក់​ទំនងជា​បងប្អូន​ល្អ​ទេ? ឬ​មួយ​ក៏​ពួក​គេ​ឈ្លោះ​គ្នា​ច្រើន​ជាង​រីករាយ?

ជា​ការ​ពិត​ឪពុក​ម្តាយ មិន​ត្រឹមតែ​ដើរតួ​នាទី​យ៉ាង​សំខាន់ ក្នុង​ការ​ជួយ​ចិញ្ចឹម​បីបាច់​ថែរក្សា​កូន​ៗ​ប៉ុ​ណ្នោះ​ទេ ប៉ុន្តែ​ឪពុក​ម្តាយ​ក៏​មាន​តួនាទី​ដឹង​ពី​ទំនាក់ទំនង​បងប្អូន​ល្អ​របស់​កូន​ៗ​ផង​ដែរ ជា​ពិសេស​អាច​ជួយ​កូន​ៗ​កាត់​បន្ថយ​ការ​ប្រជែង​គ្នា និង​ជម្លោះ​រវាង​បងប្អូន​បង្កើត​ ។ តាម​រយៈ​ការ​លើកទឹកចិត្ត​ដល់​សកម្មភាព ដែល​ជំរុញ​ការ​ធ្វើ​ការងារ​ជា​ក្រុម ការ​រៀបចំ​ឱ្យ​កុមារ​មាន​ភាព​សប្បាយ​រីករាយ​ជាមួយ​គ្នា និង​ផ្តល់​ឱ្យ​កុមារ​នូវ​ឧបករណ៍ ដើម្បី​ដោះស្រាយ​ជម្លោះ​ក្នុង​លក្ខណៈ​ស្ថាបនា រីក​ចម្រើន និង​ប្រកបដោយ​ការ​គោរព ឪពុក​ម្តាយ​អាច​ជួយ​បងប្អូន​បង្កើត​មាន​ទំនាក់ទំនង​ល្អ ដែល​នាំ​ឱ្យ​ពួក​មាន​ទំនាក់ទំនង​ល្អជា​មួយ​គ្នា​ពេញ​មួយ​ជីវិត ​។

ការ​ស្រាវជ្រាវ​បាន​បង្ហាញ​ថា ទំនាក់ទំនង​ល្អ​រវាង​បងប្អូន​បង្កើត ជា​ញឹកញាប់​ដើរតួ​យ៉ាង​សំខាន់ ដែល​នេះ​នឹង​អាច​ផ្តល់​លទ្ធភាព​អោយ​ពួក​គេ​មាន​ទំនាក់ទំនង​ជាមួយ​អ្នក​ដទៃ​ល្អ​ផង​ដែរ ដូច​ជា ជាមួយ​មិត្តភក្តិ ដៃគូ​ស្នេហា និង​អ្នក​ដទៃ ក្នុង​មួយ​ជីវិត​របស់​ពួក​គេ ​។

មិន​ថា​កូន​របស់​អ្នក​ខុស​ពី​គ្នា​យ៉ាងណា​ទេ ចំណង​មេត្រីភាព គឺ​សំខាន់​ ។ ក្នុង​នាម​អ្នកជា​ឪពុក​ម្តាយ មាន​កិច្ចការ​ជា​ច្រើន​ដែល​អ្នក​អាច​ធ្វើ​បាន ដើម្បី​ពង្រឹង​ចំណងមិត្តភាព​រវាង​កូន​របស់​អ្នក ​។

១. កុំ​ប្រៀបធៀប​កូន​របស់​អ្នក
ការ​ប្រៀបធៀប​កូន​របស់​អ្នក នឹង​គ្នា​ទៅ​វិញ​ទៅ​មក គឺជា​វិធី​មួយ ដែល​ពិត​ណាស់​គឺ​ដើម្បី​បញ្ឆេះ​ភ្លើង នៃ​ការ​ប្រជែង​គ្នា​រវាង​បងប្អូន​បង្កើត និង​បង្កើត​ការ​អាក់អន់ចិត្ត​គ្នា​ទៅ​វិញ​ទៅ​មក​។

២. រក​មើល​អ្វី​ដែល​នៅ​ពីក្រោយ​ជម្លោះ​បងប្អូន​បង្កើត
តើ​កូន​របស់​អ្នកមាន​ទំនោរ​ឈ្លោះ​គ្នា​នៅ​ពេល​ណា? នៅ​ពេល​ដែល​អ្នក​ឃើញ​គំរូ​ណាមួយ​ដែល​ល្អ សូម​ឪពុក​ម្តាយ​ចាប់​យក​អាកប្បកិរិយា​នោះ​មក​ពន្យល់​កូន​ៗ​របស់​អ្នក​។ សូម​ព្យាយាម​ដោះស្រាយ​បញ្ហា​ការ​ឈ្លោះ​គ្នា ដើម្បី​កាត់​បន្ថយ​នូវ​ជម្លោះ​ឬ​ការ​ប្រកែក​គ្នា​រវាង​បងប្អូន​បង្កើត ​។

៣. បង្រៀន​បងប្អូន​បង្កើត​ឱ្យ​ចេះ​ដឹងគុណ​គ្នា​ទៅ​វិញ​ទៅ​មក
តើ​អ្នក​មានកូន​ម្នាក់ ដែល​ចូល​ចិត្ត​អង្គុយ​អាន​ស្ងាត់​ៗ ហើយ​ម្នាក់​ទៀត​មិន​ចូល​ចិត្ត​អាន តែ​ចូល​ចិត្ត​លេង​ខ្លាំង​ៗ ​។ នៅ​ពេល​ដែល​កុមារ​មាន​ចំណាប់អារម្មណ៍ និង​និស្ស័យ​ខុស​គ្នា​ខ្លាំង ជម្លោះ​អាច​នឹង​កើត​មាន នេះ​ជា​ធម្មជាតិ​ ។ អ្វី​ដែល​សំខាន់​នោះ គឺ​ត្រូវ​បង្រៀន​កុមារ​ពី​របៀប គោរព​ភាព​និង​ទទួលយក​ភាព​ខុស​គ្នា​រវាង​អ្នក​ទាំង​ពីរ​។ ប្រសិនបើ​កូន​ម្នាក់​ចង់​ជ្រើសរើស​សកម្មភាព​គ្រួសារ ដែល​រួម​បញ្ចូល​សកម្មភាព​ជា​ច្រើន ខណៈ​ពេល​ដែល​កូន​ម្នាក់​ទៀត ចង់​ធ្វើ​អ្វីមួយ​ដែល​ស្ងប់ស្ងាត់ និង​មិនសូវ​សំខាន់ អ្នក​អាច​រៀបចំ​ប្រព័ន្ធ​ដែល​ពួក​គេ​អាច​ធ្វើការ​ជាមួយ​គ្នា ដើម្បី​រៀបចំ​ផែនការ​របៀប​ប្ដូរ​វេន ឬ​ស្វែងរក​ផលប្រយោជន៍​រួម​ផ្សេង​ទៀត ដែល​អាច​រីករាយ​សម្រាប់​បងប្អូន​ទាំង​ពីរ​ ។

៤. ឱ្យ​ពួក​គេ​ធ្វើ​ការងារ​ជា​ក្រុម
ឱ្យ​កូន​ធ្វើការ​រួម​គ្នា​លើ​គម្រោង ឬ​ជួយ​គ្នា​ទៅ​វិញ​ទៅ​មក​ក្នុង​កិច្ចការ​ការងារ​ផ្ទះ​។ អ្នក​ក៏​អាច​ឱ្យ​ក្មេង​ៗ ធ្វើ​កិច្ចការ​ដែល​ល្អ​បំផុត​សម្រាប់​អាយុ និង​សមត្ថភាព​របស់​ពួក​គេ ដូច​ជា​ការ​បោសសម្អាត ឬ​ជួយ​រៀបចំ​អាហារ​ពេល​ល្ងាច ហើយ​ឱ្យ​ពួក​គេ​ប្រកួតប្រជែង​ជាមួយ​មនុស្ស​ធំ​នៅ​ក្នុងផ្ទះ ដើម្បី​មើល​ថា​តើ​អ្នក​ណា​ដែល​ធ្វើ​ការងារ​របស់​ពួក​គេ​លឿន​ជាង​ ។
ការ​ធ្វើ​ឱ្យ​កុមារ​ជា​ក្រុម​មួយ និង​មនុស្ស​ធំ​ផ្សេង​ទៀត អាច​លើកទឹកចិត្ត​កុមារ​ឱ្យធ្វើ​ការ​រួម​គ្នា​ឆ្ពោះទៅ​រក​គោលដៅ​រួម ដែល​ធ្វើ​ឱ្យ​ឪពុក​ម្តាយ​របស់​ពួក​គេ​ពេញចិត្ត​ ។

៥. បង្កើត​ជំនាញ​ស្តាប់​របស់​ពួក​គេ
សមត្ថភាព​ក្នុង​ការ​ស្តាប់ យ៉ាង​ពិតប្រាកដ​នូវ​អ្វី ដែល​នរណា​ម្នាក់​កំពុងនិយាយ គឺជា​ជំនាញ​ដ៏​សំខាន់​មួយ សម្រាប់​ក្មេង​ក្នុង​ការ​អភិវឌ្ឍ ហើយ​ជា​ជំនាញ​មួយ ដែល​ជួយ​ពួក​គេ​រៀន​យល់ចិត្ត​អ្នក​ដទៃ និង​មើលឃើញ​អ្វី​ៗ​តាម​ទស្សនៈ​របស់​អ្នក​ដទៃ ។ ធ្វើ​ឱ្យ​វា​ជា​ចំណុច​មួយ ដើម្បី​ឱ្យ​បងប្អូន​បង្កើត​ស្តាប់ ហើយ​ព្យាយាម​យ៉ាង​ខ្លាំង​ក្នុង​ការ​យល់​ពី​គំនិត​និង​គំនិត​របស់​គ្នា​ទៅ​វិញ​ទៅ​មក​ ។

៦. បង្រៀន​ពី​សារៈសំខាន់​នៃ​ការ​គោរព​គ្នា
ការ​ស្តាប់ គឺជា​មធ្យោបាយ​មួយ ដើម្បី​បង្ហាញ​ពី​ការ​គោរព​គ្នា​ទៅ​វិញ​ទៅ​មក ហើយ​ការ​គោរព គឺ​ចាំបាច់​ក្នុង​ការ​កសាង​ទំនាក់ទំនង​ល្អ មិន​ថា​រវាង​មិត្តភក្តិ ដៃគូ ឬ​បងប្អូន​បង្កើត​នោះ​ទេ​។ ដាស់តឿន​កុមារ​ថា​ពួក​គេ គួរ​ប្រព្រឹត្ត​ចំពោះ​អ្នក​ដទៃ​តាម​របៀប​ដែល​ពួក​គេ​ចង់ឱ្យ​គេ​ប្រព្រឹត្ត ដោយ​សេចក្តី​សប្បុរស និង​ការ​ព្រួយបារម្ភ​ចំពោះ​អារម្មណ៍​របស់​ពួក​គេ​ ។

អត្ថបទ​នេះ ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន វ៉េ​ស្ទ​ឡាញ​ន៍ និង សាលារៀន​ណ​ត្ស​ឡាញ​ន៍ ។ សម្រាប់​បវេសនកាល​ឆ្នាំ​សិក្សា​ថ្មី កម្មវិធី​ចំណេះ​ទូទៅ​ខ្មែរ ពី​ថ្នាក់ ទី ១ ដល់ទី ១២ បន្ត​ទទួល​ចុះ​ឈ្មោះ​ចូល​រៀន​រៀងរាល់ថ្ងៃ ។ សាលារៀន​ផ្តល់​ជូន​ការ​បញ្ចុះ តម្លៃ ១៥% លើ​តម្លៃ​សិក្សា​សម្រាប់​ការ​ចុះ​ឈ្មោះ​ចូល​រៀន ជា​លក្ខណៈ​គ្រួសារ ឬ​ពីរ​កម្មវិធី និង​ផ្តល់​ជូន​ការ​ធានា​រ៉ាប់រង​គ្រោះថ្នាក់ ។

សាលារៀន​ផ្តល់​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់ គ្រង សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕ អត្ថបទ​សហការ