រាជធានីភ្នំពេញ ៖ សេវាអ៊ិនធឺណិតតាមគេហដ្ឋានត្រូវបានមើលឃើញថាដើរតួរនាទីយ៉ាងសំខាន់ និងត្រូវបានយកចិត្តទុកដាក់កាន់ តែខ្លាំងពីសំណាក់អ្នកប្រើប្រាស់ ។ ក្នុងបរិបទនៃជំងឺកូវីដ ១៩ នេះ ទាំងបុគ្គលិកក្រុមហ៊ុន ការសិក្សា និងការកម្សាន្តនានាត្រូវបានពឹងផ្អែកជាខ្លាំងលើសេវាអ៊ិនធឺណិតតាមគេហដ្ឋាន ដើម្បីបង្ករភាពងាយស្រួលក្នុងប្រតិបត្តិការពីចំងាយ ។
លោក ឃន សុខុន ប្រធានគ្រប់គ្រងទូទៅនៃក្រុមហ៊ុនអ៊ិនធឺណិត TODAY បានប្រាប់ពីគន្លឹះមួយចំនួនដែលអ្នក ប្រើប្រាស់ត្រូវពិចារណាក្នុងការជ្រើសរើស ៖
ទី ១ គឺត្រូវគិតលើគុណភាពនៃសេវាអ៊ិនធឺណិត ៖ ព្រោះកាលណាយេីងជ្រើសរើសសេវាអ៊ិនធឺណិតបាន ល្អនោះយេីងនឹងប្រេីប្រាស់បានស្រួល និងចំណេញពេលវេលាទៀតផង ។
ទី ២ គឺគុណភាពនៃសេវាបម្រើអតិថិជន ៖ តើបញ្ហារបស់លោកអ្នកនឹងត្រូវបានដោះស្រាយលឿនប៉ុណ្ណា តាមរយៈផ្នែកបច្ចេកទេស និងធនធានមនុស្ស ។
ទី ៣ គឺតម្លៃ ៖ ក៏ជារឿងដែលត្រូវពិចារណាព្រោះក្នុងសម័យកូវីដការចំណាយក៏ត្រូវគិតគូរ ហើយការ ចំណាយត្រូវតែសាកសមជាមួយសេវា និងគុណភាពដែលអ្នកនឹងទទួលបាន ។
លោក សុខុន ក៏បានបន្ថែមទៀតថា ក្នុងបរិបទនៃជំងឺកូវីដ ១៩ នេះតម្រូវការនៃសេវាអ៊ិនធឺណិតតាមគេហដ្ឋានមាន កំណើនច្រើនគួរអោយកត់សំគាល់ ហេតុដូចនេះអ្នកប្រើប្រាស់នឹងជួបបញ្ហាស្មុគស្មាញជាច្រើនប្រសិនបើជ្រើសរើសដៃគូរមិនបានត្រឹមត្រូវ ៕ ដោយសហការ
ចែករំលែកព័តមាននេះ