ខេត្តបន្ទាយមានជ័យ ៖ លោកសូន សុធី សមាជិកក្រុមប្រឹក្សាខេត្តបន្ទាយមានជ័យ និងជាប្រធានក្រុមការងារថ្នាក់ខេត្តចុះជួយស្រុកភ្នំស្រុក រួមដំណើរដោយលោកប្រធានក្រុមប្រឹក្សាស្រុក លោកអភិបាលស្រុកភ្នំស្រុក និងក្រុមការងារខេត្តបន្ទាយមានជ័យកាលពីព្រឹកថ្ងៃទី១៨ មិថុនា បានចុះសួរសុខទុក្ខ និងចូលរួមមរណៈទុក្ខជាមួយក្រុមគ្រួសារសពពលករខ្មែរចំនួន២នាក់នៅស្រុកភ្នំស្រុក និងនាំយកថវិកាទៅចូលរួមក្នុងកម្មវិធីបុណ្យសពផងដែរ ។
សពពលករខ្មែរទាំង២នាក់នោះបានស្លាប់ដោយគ្រោះថ្នាក់ចរាចរណ៍នៅចំណុចណងយ៉ៃ ខេត្តឈុនបូរី ប្រទេសថៃ កាលពីថ្ងៃទី១៥ មិថុនា ២០១៤ ខណៈពេលធ្វើដំណើរពីខេត្តរ៉ាក់យ៉ង ប្រទេសថៃវិលត្រឡប់មកស្រុកកំណើតវិញ គ្រាដែលប្រទេសកាន់អំណាចដោយយោធាថៃធ្វើរដ្ឋប្រហារ និងប្រើអំណាចយោធាចាប់បញ្ជូនពលករបរទេសឱ្យវិលត្រឡប់ទៅប្រទេសកំណើតរបស់ខ្លួនវិញ។
សពពលករខ្មែរទាំង២នាក់ ម្នាក់ឈ្មោះកាន់ ចេន ភេទស្រី អាយុ៤៥ឆ្នាំ មានប្តីឈ្មោះនេម រឿក អាយុ៤៥ឆ្នាំ របួសបាក់ជើង បាក់ដៃសម្រាកព្យាបាលនៅមន្ទីរពេទ្យខេត្តឈុនបុរី ប្រទេសថៃ គ្រួសារនេះមានកូនប្រុស ស្រីតូចៗ៣នាក់ និងសពស្ត្រីម្នាក់ទៀតឈ្មោះភឹម ភឿត អាយុ៤៤ឆ្នាំ មានប្តីឈ្មោះឆើយ រ៉ូ អាយុ៤៧ឆ្នាំ ត្រូវទាហានថៃចាប់យកមកមណ្ឌលប្រមូលផ្តុំពលករដើម្បីខ្មែរដើម្បីដឹកមកខ្មែរវិញ ខណៈពេលយកប្រពន្ធទៅព្យាបាលនៅមន្ទីរពេទ្យ ហើយក៏រងរបួសធ្ងន់ដែរ ដើរមិនរួចពិបាកគ្រា ។ គ្រួសារនេះមានកូនប្រុស ស្រី២នាក់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ