កម្ពុជា-ថៃចូលរួមជិះកង់ ដើម្បីមិត្តភាព សុខភាព ទេសចរណ៍ និងបរិស្ថាន
- បាត់ដំបង
ខេត្តបាត់ដំបង ៖ អភិបាលខេត្តកម្ពុជា-ថៃ ចូលរួមជិះកង់ ដើម្បីមិត្តភាព សុខភាព ទេសចរណ៍ និងបរិស្ថាន នៅព្រឹកថ្ងៃទី២៩ ខែធ្នូនេះ…
ខេត្តបាត់ដំបង ៖ អភិបាលខេត្តកម្ពុជា-ថៃ ចូលរួមជិះកង់ ដើម្បីមិត្តភាព សុខភាព ទេសចរណ៍ និងបរិស្ថាន នៅព្រឹកថ្ងៃទី២៩ ខែធ្នូនេះ…
ខេត្តបាត់ដំបង ៖ អភិបាលខេត្តកម្ពុជា-ថៃ ចូលរួមជិះកង់ ដើម្បីមិត្តភាព សុខភាព ទេសចរណ៍ និងបរិស្ថាន នៅព្រឹកថ្ងៃទី២៩ ខែធ្នូនេះ ដោយលោក ងួន រតនៈ អភិបាលខេត្តបាត់ដំបងបានចូលរួមព្រឹត្តិការណ៍ជិះកង់ដែលមានរយៈចម្ងាយ២០គីឡូម៉ែត្រ ចាប់ពីមុខសាលាខេត្តដល់តំបន់ទេសចរណ៍ឡូរី ជើងភ្នំបាណន់ ។
នៅក្នុងកម្មវិធីនេះក៏មានការអញ្ជើញចូលរួមជិះកង់ពីសំណាក់ភាគីថៃដែលដឹកនាំដោយឯកឧត្តមអភិបាលខេត្តចន្ទបូរី ប្រទេសថៃ កុងស៊ុលវៀតណាម ប្រចាំខេត្ត និងមានការអញ្ជើញចូលរួមពីក្រុមជិះកង់នៅតាមខេត្តមួយចំនួនដូចជា ក្រុមជិះកង់មកពីរាជធានីភ្នំពេញ ប៉ែលិន បន្ទាយមានជ័យ សៀមរាប និងមន្ត្រីរាជការមន្ទីរអង្គភាពជុំវិញខេត្ត ព្រមទាំងសិស្សានុសិស្ស ក្នុងខេត្តបាត់ដំបង សរុប ប្រមាណជាង១ពាន់នាក់ ។
លោក ងួន រតនៈ បានឲ្យដឹងថា ការជិះកង់នេះមានគោលបំណង ដើម្បីរឹតចំណងមិត្តភាព សុខភាព ទេសចរណ៍ និងបរិស្ថាន ម្យ៉ាងវិញទៀត គឺដើម្បីអបអរសាទរខួបលើកទី២១ នៃការចប់សង្គ្រោមស៊ីវិលនៅប្រទេសកម្ពុជាផងដែរ ។ លោកបានបញ្ជាក់បន្ថែមទៀតថា ការរៀបចំព្រឹត្តិការណ៍ជិះកង់នេះរដ្ឋបាលខេត្តបាត់ដំបងនឹងធ្វើការរៀបចំព្រឹត្តិការណ៍នេះជារាល់ឆ្នាំដែលធ្វើការសហការណ៍ជាមួយភាគីថៃ ដោយធ្វើលើទឹកដីខេត្តបាត់ដំបងផង និងនៅលើទឹកដីខេត្តចន្ទបូរី ប្រទេសថៃ ដើម្បីបានរៀបចំព្រឹត្តិការណ៍នេះផ្លាស់ប្តូរគ្នាបានម្តងម្នាក់ផងដែរ ។
ក្រោយពីព្រឹត្តិការណ៍ជិះកង់នេះទៅដល់គោលដៅហើយមានកម្មវិធីការដាំកូនឈើ និងហូបបាយសាមគ្គី ក្នុងតំបន់ទេសចរណ៍ឡូរី ជើងភ្នំបាណន់ផងដែរ ដោយមានការសហការណ៍គាំទ្រតំបន់ទេសចរណ៍ឡូរីជើងភ្នំបាណន់ ដើម្បីលើកស្ទួយវិស័យទេសចរណ៍ទៅវិញទៅមកបន្ថែមទៀត ៕ កែសម្រួលដោយ ៖ សុឃាក់
ចែករំលែកព័តមាននេះ