ខេត្តកណ្តាល ៖ យុវជនម្នាក់ត្រូវនគរបាលស្រុកស្អាងចាប់ខ្លួនកាលពីវេលារសៀលថ្ងៃទី១២ មិថុនា នៅភូមិពោធិ៍លើ ឃុំត្រើយស្លា ស្រុកស្អាង តាមដីកាបង្គាប់របស់ចៅក្រមស៊ើបសួររបស់សាលាដំបូងខេត្តកណ្តាលពីបទរំលោ.ភសេពសន្ថវៈមានស្ថានទម្ងន់ទោស បន្ទាប់ពីយុវជននោះបានលួងលោមក្មេងស្រីអាយុ១៤ឆ្នាំម្នាក់ នាំយកទៅរំលោ.ភបូកជាមួយគូកន៣នាក់ទៀតបានសម្រេចគ្រប់ៗគ្នា ។
ខេត្តកណ្តាល ៖ យុវជនម្នាក់ត្រូវនគរបាលស្រុកស្អាងចាប់ខ្លួនកាលពីវេលារសៀលថ្ងៃទី១២ មិថុនា នៅភូមិពោធិ៍លើ ឃុំត្រើយស្លា ស្រុកស្អាង តាមដីកាបង្គាប់របស់ចៅក្រមស៊ើបសួររបស់សាលាដំបូងខេត្តកណ្តាលពីបទរំលោភសេពសន្ថវៈមានស្ថានទម្ងន់ទោស បន្ទាប់ពីយុវជននោះបានលួងលោមក្មេងស្រីអាយុ១៤ឆ្នាំម្នាក់ នាំយកទៅរំលោភបូកជាមួយគូកន៣នាក់ទៀតបានសម្រេចគ្រប់ៗគ្នា ។
មន្ត្រីនគរបាលព្រហ្មទណ្ឌស្រុកស្អាងឱ្យដឹងថា ជនត្រូវចោទដែលចាប់ខ្លួនឈ្មោះ រី ចិត្រា ភេទប្រុស អាយុ១៧ឆ្នាំ មានទីលំនៅភូមិពោធិ៍លើ ឃុំត្រើយស្លា ស្រុកស្អាង ។ ជននេះត្រូវចាប់ខ្លួនតាមដីកាបង្គាប់ឱ្យចាប់ខ្លួនរបស់ចៅក្រមស៊ើបសួរសាលាដំបូងខេត្តកណ្តាល លោកអ៊ិន វ៉ានវិបុល ពីបទរំលោភសេពសន្ថវៈមានស្ថានទម្ងន់ទោស ប្រព្រឹត្តកាលពីថ្ងៃទី២៨ មីនា ឆ្នាំ២០១២ នៅភូមិពោធិ៍លើ ឃុំត្រើយស្លា ស្រុកស្អាង ។ ក្រោយពីបានប្រព្រឹត្តបទល្មើស ជនត្រូវចោទមិនព្រមទទួលខុសត្រូវលើទង្វើរបស់ខ្លួន ហើយមិនចូលខ្លួនមកសាលាដំបូងខេត្ត តាមដីកាកោះហៅរបស់តុលាការ និងព្យាយាមរត់គេចខ្លួន ។
មន្ត្រីនគរបាលឱ្យដឹងទៀតថា ដើមហេតុដែលតុលាការចេញដីកាចាប់ខ្លួនឈ្មោះ រី ចិត្រានេះ គឺនៅយប់ថ្ងៃទី២៨ មីនា ២០១២ ឈ្មោះ រី ចិត្រា បានលោងលោមក្មេងស្រីម្នាក់អាយុ១៤ឆ្នាំ ទៅមើលល្ខោនបាសាក់សម្តែងនៅក្នុងឃុំនោះ ។ ពេលយប់ជ្រៅបន្តិច រី ចិត្រា បានឌុបក្មេងស្រីរងគ្រោះតាមម៉ូតូថាមកផ្ទះវិញ ប៉ុន្តែរី ចិត្រា មិនឌុបមកផ្ទះ បែរជាឌុបក្មេងស្រីនោះទៅឆ្ងាយពីភូមិ ដោយមានបក្សពួក៣នាក់ទៀតទៅតាមពីក្រោយ ។ ពេលទៅដល់កន្លែងស្ងាត់ឈ្មោះ រី ចិត្រា បានចាប់រំលោភក្មេងស្រីរងគ្រោះរហូតបានសម្រេច ហើយគូកន៣នាក់ ក៏បានធ្វើសកម្មភាពចាប់រំលោភក្មេងស្រីរងគ្រោះបានសម្រេចគ្រប់ៗគ្នា ហើយនាំគ្នាគេចខ្លួនអស់ ៕
ចែករំលែកព័តមាននេះ