កីឡាករ ម៉េសសីុ ខ្សែប្រយុទ្ធក្រុមជម្រើសជាតិអាហ្សង់ទីន មានក្តីសង្ឃឹមយា៉ងមុតមាំថា នឹងជួយក្រុមជម្រើសជាតិរបស់ខ្លួនឱ្យបានឈានដល់វគ្គផ្តាច់ព្រ័ត្រក្នុងការប្រកួតបាល់ទាត់ពិភពលោក២០១៤ នៅប្រទេសប្រេសីុល ជាមួយនឹងក្តីសង្ឃឹមថា នឹងបានជួបជាមួយក្រុមម្ចាស់ផ្ទះប្រេសីុលនៅវគ្គផ្តាច់ព្រ័ត្រ ។
កីឡាករ ម៉េសសីុ ខ្សែប្រយុទ្ធក្រុមជម្រើសជាតិអាហ្សង់ទីន មានក្តីសង្ឃឹមយា៉ងមុតមាំថា នឹងជួយក្រុមជម្រើសជាតិរបស់ខ្លួនឱ្យបានឈានដល់វគ្គផ្តាច់ព្រ័ត្រក្នុងការប្រកួតបាល់ទាត់ពិភពលោក២០១៤ នៅប្រទេសប្រេសីុល ជាមួយនឹងក្តីសង្ឃឹមថា នឹងបានជួបជាមួយក្រុមម្ចាស់ផ្ទះប្រេសីុលនៅវគ្គផ្តាច់ព្រ័ត្រ ។
កីឡាករ ម៉េសសីុ ម្ចាស់ពានរង្វាន់បាល់មាស (Ballon D’or) ចំនួន៤ជំនាន់ជាប់ៗគ្នា ទទួលបន្ទុកជាប្រធានក្រុមជម្រើសជាតិអាហ្សង់ទីន នៅក្នុង World Cup 2014 ហើយកន្លងមកធ្លាប់មានបទពិសោធន៍ជួយក្រុមរបស់ខ្លួនត្រឹមវគ្គ៨ក្រុមចុងក្រោយក្នុងការប្រកួតបាល់ទាត់ពិភពលោក កាលពីឆ្នាំ២០០៦ និង២០១០ ។ សម្រាប់គោលដៅរបស់មេ៉សសីុ គឺត្រូវការជោគជ័យនៅក្នុងក្រុមជម្រើសជាតិដោយដឹកនាំក្រុមឱ្យឈានចូលដល់វគ្គផ្តាច់ព្រ័ត្រក្នុង World Cup 2014 ឱ្យខាងតែបាន ។
កីឡាករឆ្នើមរបស់អាហ្សង់ទីនរូបនេះ បានបញ្ជាក់ថា «ការដឹកនាំក្រុមអាហ្សង់ទីនឱ្យឈានចូលជុំផ្តាច់ព្រ័ត្របាល់ទាត់ពិភពលោកគឺជាក្តីសង្ឃឹមរបស់ខ្ញុំ» ។ បច្ចុប្បន្ន ខ្ញុំមានគំនិតថា មានកត្តាច្រើនយា៉ងដែលយើងត្រូវឈានជើងដល់ចំណុចនោះ និងមានសក្តីសង្ឃឹមថា នឹងបានជួបប្រឡូកជាមួយកីឡាករនីមា៉ ខ្សែប្រយុទ្ធក្រុមជម្រើសជាតិប្រេសីុលនៅជុំផ្តាច់ព្រ័ត្រ ប៉ុន្តែបើមិនមែនជាក្រុមប្រេសីុល ទោះបីជាក្រុមជម្រើសជាតិណាក៏ដោយ យើងអាចចេញមុខប្រឡូកបានទាំងអស់ ដោយគ្មានក្រែងរអែង ។
ម៉េសសីុ ជាកីឡាករមួយរូបទទួលជោគជ័យយា៉ងច្រើននៅក្នុងក្លិប Bacelona ប៉ុន្តែជាមួយក្រុមជ្រើសជាតិអាហ្សង់ទីននៅមិនទាន់ទទួលបានកេរ្តិ៍ឈ្មោះល្បីល្បាញណាមួយនៅឡើយទេ។ នៅក្នុងឆ្នាំនេះក្រុមជម្រើសជាតិអាហ្សង់ទីនស្ថិតនៅពូលF រួមជាមួយក្រុមជម្រើសជាតិអីុរ៉ង់ បូស្នុី និងនីហ្សេរីយា៉ គឺជាក្រុមខ្សោយ ៕
ចែករំលែកព័តមាននេះ