ខេត្តបន្ទាយមានជ័យ ៖ ពលករខ្មែរខុសច្បាប់ជាច្រើនរយនាក់ បានត្រូវអាជ្ញាធរថៃដឹកជញ្ជូនតាមរថយន្តបន្តបន្ទាប់ មកប្រគល់ឲ្យអាជ្ញាធរខ្មែរនៅច្រកទ្វារអន្តរជាតិប៉ោយប៉ែត នៅម៉ោង២និង៣០នាទីរសៀលថ្ងៃទី១០ មិថុនា ២០១៤នេះ ។
គួរបញ្ជាក់ថា ប៉ុន្មានថ្ងៃនេះ ជាពិសេសកាលពីថ្ងៃទី០៩មិថុនាម្សិលមិញ ចាប់តំាងពីព្រឹករហូតដល់ម៉ោង៨យប់ អាជ្ញាធរថៃបានដឹកពលករខ្មែរខុសច្បាប់តាមរថយន្តតូចធំដូចហែរកឋិនខុសប្លែកសព្វមួយដង ដែលតាមការសង្កេតក្នុងមួយរថយន្តធំគឺផ្ទុកពលករខ្មែរខុសច្បាប់ស្ទើរតែមួយរយនាក់ ដោយដឹកមកទម្លាក់នៅរង្វង់មូលក្រុងប៉ោយប៉ែតយ៉ាងណែនណាន់តែម្តង។ ស្របពេលជាមួយគ្នាផងដែរ គេសង្កេតឃើញរថយន្តដឹកឥវ៉ាន់របស់ពលករខ្មែរ ត្រូវអាជ្ញាធរថៃដូយទម្លាក់ចោលនៅច្រកទ្វារអន្តរជាតិប៉ោប៉ែតផងដែរ។ ការដឹកជញ្ជូនកាលពីថ្ងៃចន្ទដដែលនោះ គឺមានចំនួនប្រហែលពី ៥០ទៅ៦០រថយន្ត ។
ទាក់ទងទៅនឹងការដឹកជញ្ចូនពលករខ្មែរខុសច្បាប់មកស្រុកកំណើតវិញនេះ មិនត្រូវបានអាជ្ញាធរទំាងខ្មែរនិងថៃបញ្ជាក់ឲ្យបានច្បាស់លាស់នោះទេ ប៉ុន្តែប្រភពពីពលករខ្មែរមួយចំនួនបានឲ្យកោះសន្តិភាពដឹងថា ដោយសារអាជ្ញាធរថៃបង្គាប់ឲ្យថៅកែជនជាតិថៃទំាងអស់ ប្រគល់លុយឲ្យកម្មករខ្មែរធ្វើដំណើរវិលត្រឡប់ទៅស្រុកវិញជាបន្ទាន់ មិនឲ្យលើសរយៈពេល៣ថ្ងៃ បើមិនដូច្នោះ អាជ្ញាធរថៃនឹងអនុវត្តន៏ច្បាប់អាជ្ញាសឹក ៕
ចែករំលែកព័តមាននេះ