ខេត្តព្រះសីហនុ ៖ រថយន្តល្បាតរបស់កងរាជអាវុធហត្ថស្រុកកំពង់សីលាបើកបរចលត័ល្បាតតាមផ្លូវជាតិលេខ៤ ចំណែកអាវុធហត្ថស្រុកព្រៃនប់ បើកបរចលត័ល្បាតតាមផ្លូវជាតិលេខ៣លេខ៤និងចំណុចមួយចំនួនទៀតក្នុងមូលដ្ឋាន។ បើតាមលោកឧត្តមសេនីយ៍ត្រីហេង ប៊ុនទីមេបញ្ជាការកងរាជអាវុធហត្ថខេត្តព្រះសីហនុបានប្រាប់ឱ្យដឹងថា នៅព្រឹកថ្ងៃទី២០ ធ្នូ ឆ្នាំ២០១៩នេះ…
ខេត្តព្រះសីហនុ ៖ រថយន្តល្បាតរបស់កងរាជអាវុធហត្ថស្រុកកំពង់សីលាបើកបរចលត័ល្បាតតាមផ្លូវជាតិលេខ៤ ចំណែកអាវុធហត្ថស្រុកព្រៃនប់ បើកបរចលត័ល្បាតតាមផ្លូវជាតិលេខ៣លេខ៤និងចំណុចមួយចំនួនទៀតក្នុងមូលដ្ឋាន។
បើតាមលោកឧត្តមសេនីយ៍ត្រីហេង ប៊ុនទីមេបញ្ជាការកងរាជអាវុធហត្ថខេត្តព្រះសីហនុបានប្រាប់ឱ្យដឹងថា នៅព្រឹកថ្ងៃទី២០ ធ្នូ ឆ្នាំ២០១៩នេះ កម្លាំងដែលជិះរថយន្តល្បាតនេះមានភារកិច្ចមួយចំនួនដូចជាផ្តល់កិច្ចអន្តរាគមន៍ទាន់ពេលវេលា ក្នុងហេតុការណ៍ផ្សេងៗក្នុងមូលដ្ឋាន និងជាពិសេសតាមផ្លូវជាតិដូចជាបញ្ហាគ្រោះថ្នាក់ចរាចរណ៍ជាដើម។
លោកឧត្តមសេនីយ៍មេបញ្ជាការបន្ថែមថា នៅផ្លូវជាតិលេខ៤ ក្រៅពីកម្លាំងនគរបាល ឬកម្លាំងកងទព័ ក៏មានកម្លាំងកងរាជអាវុធហត្ថមូលដ្ឋានស្រុកកំពង់សីលា កងរាជអាវុធហត្ថមូលដ្ឋានស្រុកព្រៃនប់ កងរាជអាវុធហត្ថមូលដ្ឋានក្រុងព្រះសីហនុ និងមានកម្លាំងស្នាក់ការសន្តិសុខចំនួន២ទៀត គឺស្នាក់ការសន្តិសុខ៤០១ នៅភូមិមនោរម្យ ឃុំតានៃក្នុង ស្រុកព្រៃនប់ និងស្នាក់ការសន្តិសុខ៤០២នៅជិតផ្លូវបំបែកស្រែអំបិល ក្នុងស្រុកកំពង់សីលា ក្នុងនោះពលរដ្ឋឬអ្នកធ្វើដំណើរតាមផ្លូវជាតិលេខ៤ អាចស្វែងរកអន្តរាគមន៍ពីកម្លាំងមានសមត្ថកិច្ចគ្រប់ពេលតាមរយៈកម្លាំងល្បាតនៅស្នាក់ការក្នុងទីតាំងខាងលើ ។ ការផ្តល់ព័ត៌មានពីផលប៉ះពាល់បញ្ហាសន្តិសុខ សណ្តាប់ធ្នាប់ ជូនសមត្ថកិច្ចគឺជាការចូលរួមរក្សាសន្តិសុខសណ្តាប់ធ្នាប់នឹងសុវត្ថិភាព៕ (កែសម្រួលដោយ ៖ ធីតា)
ចែករំលែកព័តមាននេះ