កម្រិត និងបរិមាណទឹកភ្លៀងព្រមទាំងផ្គរន្ទះ និងខ្យល់កន្ត្រាក់ នៅចុងរដូវវស្សានេះ ត្រូវបានក្រសួងធនធានទឹក និងឧតុនិយមរាយការណ៍ថា អាចរំខានដល់ដំណើរកម្សាន្តនានា នៅពេលឈប់សម្រាកបុណ្យអុំទូកពី២៥ ទៅ៣៥ភាគរយទៀតដែរ ។…
កម្រិត និងបរិមាណទឹកភ្លៀងព្រមទាំងផ្គរន្ទះ និងខ្យល់កន្ត្រាក់ នៅចុងរដូវវស្សានេះ ត្រូវបានក្រសួងធនធានទឹក និងឧតុនិយមរាយការណ៍ថា អាចរំខានដល់ដំណើរកម្សាន្តនានា នៅពេលឈប់សម្រាកបុណ្យអុំទូកពី២៥ ទៅ៣៥ភាគរយទៀតដែរ ។
ក្រសួងបានជូនដំណឹង កាលពីថ្ងៃទី០២ ខែវិច្ឆិកាថា រហូតដល់ថ្ងៃទី០៤ ខែឆ្នាំដដែលចំនឹងពេលឈប់សម្រាកបុណ្យអុំទូកកម្ពុជា នៅសេសសល់របបទឹកភ្លៀងចុងរដូវវស្សា ២៥ភាគរយសម្រាប់តំបន់ខ្ពង់រាប ហើយតំបន់វាលទំនាប គឺ៣០ភាគរយ រីឯតំបន់មាត់សមុទ្រ គឺនៅសល់ប្រមាណជា៣៥ភាគរយ ។
ប្រភពដដែលបានបន្តថា សម្រាប់កម្រិតសីតុណ្ហភាពមិនក្តៅខ្លាំងទេ គឺរង្វង់ត្រឹមតែ២១ ទៅ ២៩ អង្សាសេប៉ុណ្ណោះ ។ ខេត្តដែលអាចនៅសេសសល់បាតុភូតភ្លៀង ខ្យល់កន្ត្រាក់ ២៥ ភាគរយ គឺមាននៅកំពង់ស្ពឺ ប៉ៃលិន ឧត្តរមានជ័យ ព្រះវិហា ក្រចេះ ស្ទឹងត្រែង រតនៈគីរី ជួភ្នំដងរែក និងតំបន់ជួរភ្នំក្រវាញ ។
ខេត្តដែលនៅមានបាតុភូតទាំងនោះ៣០ភាគរយ គឺមានបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម ត្បូងឃ្មុំ ព្រៃវែង កណ្តាល តាកែវ ស្វាយរៀង និងភ្នំពេញ ។ រីឯខេត្តដែលអាចរងបាតុភូតធម្មជាតិទាំងនោះ៣៥ភាគរយ គឺមានកោះកុង ព្រះសីហនុ កំពត កែប និងជួរភ្នំបូកគោ ៕
ចែករំលែកព័តមាននេះ