ខេត្តកណ្តាល ៖ មុខសញ្ញាលួចម៉ូតូម្នាក់ត្រូវបាននគរបាលប៉ុស្តិ៍ពើកល្បាតតាមភូមិសាស្ត្រសង្ស័យក៏ឃាត់សួរនាំរួចឃាត់ខ្លួនតែម្តង ។ ហេតុការណ៌នេះបានកើតឡើងនៅថ្ងៃទី១៦ ខែធ្នូ ឆ្នាំ២០១៩ វេលាម៉ោង១៥និង៤០នាទី នៅចំណុចដីឡូត៍ ភូមិត្រពាំងឈើនាង…
ខេត្តកណ្តាល ៖ មុខសញ្ញាលួចម៉ូតូម្នាក់ត្រូវបាននគរបាលប៉ុស្តិ៍ពើកល្បាតតាមភូមិសាស្ត្រសង្ស័យក៏ឃាត់សួរនាំរួចឃាត់ខ្លួនតែម្តង ។ ហេតុការណ៌នេះបានកើតឡើងនៅថ្ងៃទី១៦ ខែធ្នូ ឆ្នាំ២០១៩ វេលាម៉ោង១៥និង៤០នាទី នៅចំណុចដីឡូត៍ ភូមិត្រពាំងឈើនាង ឃុំពើក ស្រុកអង្គស្នួល ខេត្តកណ្តាល ។
ជនសង្ស័យឈ្មោះ គីម សុធី ភេទប្រុស អាយុ៣១ឆ្នាំ មុខរបរមិនពិតប្រាកដ ស្នាក់នៅភូមិទួលពង្រ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ។
នគរបាលស្រុកអង្គស្នួលបានឱ្យដឹងថា មុនពេលកើតហេតុកម្លាំងប៉ុស្តិ៍នគរបាលរដ្ឋបាលពើកល្បាតប្រទះឃើញមុខសញ្ញាកំពុងនៅកន្លែងដីឡូត៍ស្ងាត់ដោយមានការសង្ស័យចូលទៅមើលឃើញមុខសញ្ញាកំពុងតែដោះផ្លាកលេខម៉ូតូចេញទើបហៅមកសួរដំណើររឿង ។
តាមចម្លើយសារភាពរបស់ជនសង្ស័យបានសារភាពថា ខ្លួនបានខ្ចីម៉ូតូពីឈ្មោះ ភាព ភេទស្រី អាយុ២៩ឆ្នាំ មុខកម្មកររោងចក្រនៅម្តុំពោធិ៍ចិនតុង តាំងថ្ងៃទី១៥ ខែធ្នូ ឆ្នាំ២០១៩ មកជិះហើយពេលជិះជ្រុះផ្លាកលេខទើបខ្លួនដោះទុក ដោយឈ្មោះ ភាព នេះស្គាល់គ្នាតាមឆាតមិនស្គាល់កន្លែងស្នាក់នៅទេ ។ ករណីនេះកម្លាំងជំនាញកំពុងបន្តចាត់ការតានីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ