រាជធានីភ្នំពេញ ៖ កំពុងតែលង់លក់ក្នុងដំណេកយ៉ាងស្កប់ស្កល់ស្រាប់តែមានអណ្តាតភ្លើងឆាបឆេះផ្ទះអស់មួយខ្នងទាំងស្រុងផ្អើលរថយន្តពន្លត់អគ្គិភ័យមកបាញ់ពន្លត់អស់ចំនួន4គ្រឿង ហេតុការណ៍នេះបានកើតឡើងកាលពីវេលាម៉ោង11និង30នាទីយប់ ថ្ងៃទី17 ខែធ្នូ ឆ្នាំ2019 តាមបណ្តោយផ្លូវជាតិលេខ៥ នៅចំណុចច្រកចូលផ្សារច្រាំងចំរេះ ស្ថិតនៅក្នុងសង្កាត់ច្រាំងចំរេះ2…
រាជធានីភ្នំពេញ ៖ កំពុងតែលង់លក់ក្នុងដំណេកយ៉ាងស្កប់ស្កល់ស្រាប់តែមានអណ្តាតភ្លើងឆាបឆេះផ្ទះអស់មួយខ្នងទាំងស្រុងផ្អើលរថយន្តពន្លត់អគ្គិភ័យមកបាញ់ពន្លត់អស់ចំនួន4គ្រឿង ហេតុការណ៍នេះបានកើតឡើងកាលពីវេលាម៉ោង11និង30នាទីយប់ ថ្ងៃទី17 ខែធ្នូ ឆ្នាំ2019 តាមបណ្តោយផ្លូវជាតិលេខ៥ នៅចំណុចច្រកចូលផ្សារច្រាំងចំរេះ ស្ថិតនៅក្នុងសង្កាត់ច្រាំងចំរេះ2 ខណ្ឌឬស្សីកែវ ។
សាក្សីដែលឃើញហេតុការណ៍បានឱ្យដឹងថា នៅវេលាម៉ោងកើតហេតុខាងលើនេះគឺម្ចាស់ផ្ទះទាំងក្មេងទាំងចាស់សរុបចំនួន5នាក់ខ្លះសំរាកនៅខាងក្រោម អ្នកខ្លះទៀតសំរាកនៅខាងលើយ៉ាងលង់លក់ក្នុងដំណេក លុះពេលដល់ម៉ោងកើតហេតុខាងលើនេះក៏ស្រាប់តែមានអណ្តាតភ្លើងឆាបឆេះចេញមកពីខាងក្រោយនៃជាន់ទី១ជាប្រភេទផ្ទះឈើលើ ថ្មក្រោមមួយខ្នងបង្កឱ្យមានការភ្ញាក់ផ្អើលរាយការណ៍ប្រាប់នគរបាលប៉ុស្តិ៍ច្រាំងចំរេះភ្លាមៗ ។
រួចហើយស្រែកឱ្យអ្នកជិតខាងជួយយកបំពង់ពន្លត់អគ្គិភ័យបាញ់ទប់ស្កាត់មួយជំហ៊ានសិនរងចាំខាងសមត្ថកិច្ចមូលដ្ឋានហៅខាងរថយន្តពន្លត់អគ្គិភ័យមកចំនួន4គ្រឿងមកបាញ់ទប់ស្កាត់បានទាន់ពេលវេលាដោយមិនបានរាលដាលទៅផ្ទះបងប្អូនដទៃទៀតនោះទេ ចំណែកឯផ្ទះជាន់ទីមួយជាប្រភេទឈើនោះគឺឆេះអស់ទាំងស្រុងតែម្តង ។
ចំពោះមូលហេតុដែលបង្កឱ្យមានអគ្គិភ័យកើតឡើងសង្ស័យមកពីទុស្សេខ្សែភ្លើង ក្រោយពេលកើតហេតុខាងលើនេះអគ្គិភ័យបានរលត់អស់ទាំងស្រុងនៅវេលាម៉ោង2យប់ថ្ងៃដដែល ។ អគ្គិភ័យនេះមិនបង្កឲ្យមានអ្នករងរបួសទេ តែត្រូវឆេះផ្ទះអស់មួយខ្នងទាំងស្រុង ៕
កែសម្រួលដោយ ៖ សំណាង
ចែករំលែកព័តមាននេះ