រាជធានីភ្នំពេញ ៖ ការប្រកួតកីឡាប្រដាល់លើសង្វៀនចល័តដណ្តើមពានរង្វាន់ស្រាបៀរBlack PanTher នឹងធ្វើដំណើរទៅដល់ខេត្តបន្ទាយមានជ័យ នៅថ្ងៃទី៧ មិថុនា ២០១៤ បន្ទាប់ពីប្រកួតវិលជុំសន្សំពិន្ទុបាន៣លើកឆ្លងកាត់ខេត្តកំពង់ធំ កំពង់ចាម និងតាកែវរួចមក។
រាជធានីភ្នំពេញ ៖ ការប្រកួតកីឡាប្រដាល់លើសង្វៀនចល័តដណ្តើមពានរង្វាន់ស្រាបៀរBlack PanTher នឹងធ្វើដំណើរទៅដល់ខេត្តបន្ទាយមានជ័យ នៅថ្ងៃទី៧ មិថុនា ២០១៤ បន្ទាប់ពីប្រកួតវិលជុំសន្សំពិន្ទុបាន៣លើកឆ្លងកាត់ខេត្តកំពង់ធំ កំពង់ចាម និងតាកែវរួចមក។
ការប្រកួតធ្វើឡើងនៅក្រុងសេរីសោភ័ណ្ឌចាប់ផ្តើមពីវេលាម៉ោង៥ល្ងាចតទៅ ដោយអ្នកប្រដាល់ទាំង១២នាក់មកពីក្លិបផ្សេងៗនឹងធ្វើការប្រកួតវិលជុំសន្សំពិន្ទុ ដែលលើកនេះគឺជាជុំទី៤ហើយ ក្នុងការប្រកួតជម្រុះតាមខេត្ត និងគ្រោងបន្តទៅខេត្តឧត្តរមានជ័យនិងព្រះវិហារនៅសប្តាហ៍បន្ទាប់ទៀត។ ។
សមាសភាពគូប្រកួតដែលត្រូវជួបប្រកួតគ្នានោះមានចំនួន៦គូ៖ គូទី១កីឡាករ សល់ ប៊ុនហូវ មកពីក្លិបកុសលកីឡា ដែលមានពិន្ទុសន្សំ៥ពិន្ទុ ធ្លាប់ចាញ់២ ឈ្នះ១ ត្រូវប្រកួតជាមួយកីឡាករ ផល សីហា មកពីក្លិបយុវជនមានជ័យកម្ពុជា ដែល៣ប្រកួតមិនធ្លាប់ឈ្នះសោះមាន៣ពិន្ទុ។ គូទី២ កីឡាករ សោម តឿទី មកពីខ្លារខិនធ្លាប់ឈ្នះ២ ចាញ់១ មាន៧ពិន្ទុ ត្រូវប្រកួតជាមួយកីឡាករ សួស យ៉ាត ធ្លាប់ឈ្នះ១ចាញ់២មាន៥ពិន្ទុមកពីកងទ័ពជើងគោក។ គូទី៣ កីឡាករ តក់ សោភ័ណ្ឌ មកពីក្លិបអេភូថង ៣ប្រកួតមិនធ្លាប់ចាញ់សោះមាន៩ពិន្ទុ ត្រូវប្រកួតជាមួយកីឡាករ ឃឹម ពេជ្រចិន្តា មកពីក្លិបបុរីនាគរាជ មាន៧ពិន្ទុ ធ្លាប់ឈ្នះ២ ចាញ់១ ។ គូទី៤ កីឡាករ ឡុង ប៊ុនរ៉ាត់ មកពីក្លិបសាលវ័ន្តកីឡា ត្រូវប្រកួតជាមួយ ឡៅ ផានាថ មកពីក្លិបប្រដាល់រស្មីកុមារកំព្រា មាន៣ពិន្ទុ ។ គូទី៥ កីឡាករ នួន សេតសង់ មកពីក្រសួងការពារជាតិធ្លាប់ចាញ់១ ឈ្នះ២ មាន៧ពិន្ទុប្រកួតជាមួយកីឡាករ ផាន់ សុវណ្ណ មកពីក្លិបមិត្តប៉ូលិសដែល៣ប្រកួតកន្លងមកឈ្នះទាំងបីប្រកួតមានផពិន្ទុ និងគូទី៦ កីឡាករ ផាន់ សារុន មកពីក្លិបព្រះខ័នរាជ ប្រកួតកន្លងមកធ្លាប់ឈ្នះ១ ចាញ់២ មាន៥ពិន្ទុ ប្រកួតជាមួយកីឡាករ ឈិន ក្វាន់ង៉ុយ មកពីក្លិបមកុដរាជសីហ៍ដែលបីប្រកួតកន្លងមកឈ្នះទាំងបីមាន៩ពិន្ទុ៕
ចែករំលែកព័តមាននេះ