រាជធានីភ្នំពេញ ៖ សាលាដំបូងរាជធានីភ្នំពេញ កាលពីថ្ងៃទី២ មិថុនា ២០១៤ នេះ បានសម្រេចចេញដីកាឃុំខ្លួនក្រុមអាតឿ ដែលល្បីឈ្មោះខាងចែកចាយគ្រឿងញៀន និងមានអាវុធនៅក្នុងរាជធានីភ្នំពេញ ។
រាជធានីភ្នំពេញ ៖ សាលាដំបូងរាជធានីភ្នំពេញ កាលពីថ្ងៃទី២ មិថុនា ២០១៤ នេះ បានសម្រេចចេញដីកាឃុំខ្លួនក្រុមអាតឿ ដែលល្បីឈ្មោះខាងចែកចាយគ្រឿងញៀន និងមានអាវុធនៅក្នុងរាជធានីភ្នំពេញ ។
ប្រភពបានឱ្យដឹងថា ជនសង្ស័យដែលត្រូវឃុំខ្លួននោះម្នាក់ឈ្មោះកែវ វុទ្ធធឿន ហៅអាតឿ ហៅដៃ១ពាន់ អាយុ២៦ឆ្នាំ ជាជនជាតិវៀតណាម ស្នាក់នៅផ្ទះលេខ១០៧ ផ្លូវ១០៨ សង្កាត់បឹងត្របែក ខណ្ឌចំការមន ជាដើរលក់ថ្នាំញៀនតាមក្លិប និងរង្គសាល ។ ម្នាក់ទៀតឈ្មោះប្រាក់ ចំរើន អាយុ៣២ឆ្នាំ មានទីលំនៅជាមួយគ្នា ។
គួរបញ្ជាក់ថា កាលពីថ្ងៃទី៣០ ឧសភា ២០១៤ កន្លងមក សមត្ថកិច្ចមន្ទីរប្រឆាំងគ្រឿងញៀនក្រសួងមហាផ្ទៃបានស៊ើបអង្កេត និង ស្រាវជ្រាវរហូតឈានដល់ការឃាត់ខ្លួនក្រុម (អាតឿ) ២នាក់ ព្រមទាំងដកហូតនូវសារធាតុញៀនមួយចំនួន, អាវុធខ្លីម៉ាកកា៥៤១ដើម និងម៉ូតូ២គ្រឿង ។ ថ្នាំញៀនដែលសមត្ថកិច្ចដកហូតបានមានម្សៅក្រាមពណ៌ផ្កាឈូក៣កញ្ចប់ធំ និង១កញ្ចប់តូច ម្សៅពណ៌ក្រម៉ៅ២កញ្ចប់ធំ ម៉ាទឹកកក១កញ្ចប់តូច ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ