យើងមិនដឹងអំពីជីវិតដំបូងរបស់គាត់ទេ ប៉ុន្តែវាសមហេតុផលក្នុងការស្មានថា ក្នុងវ័យកុមារភាពរហូតក្លាយជាយុវជន គាត់ប្រហែលជាត្រូវបានរស់នៅក្នុង បរិយាកាសដ៏លំបាកនៃជីវិតពនេចរ ខណៈកុលសម្ព័ន្ធនីមួយៗត្រូវតស៊ូប្រយុទ្ធ ស៊ីសាច់ហុតឈាមគ្នាក្នុងភ្លើងសង្គ្រាម ។ នៅអាយុ៩ឆ្នាំ តេមូឈីន…
យើងមិនដឹងអំពីជីវិតដំបូងរបស់គាត់ទេ ប៉ុន្តែវាសមហេតុផលក្នុងការស្មានថា ក្នុងវ័យកុមារភាពរហូតក្លាយជាយុវជន គាត់ប្រហែលជាត្រូវបានរស់នៅក្នុង បរិយាកាសដ៏លំបាកនៃជីវិតពនេចរ ខណៈកុលសម្ព័ន្ធនីមួយៗត្រូវតស៊ូប្រយុទ្ធ ស៊ីសាច់ហុតឈាមគ្នាក្នុងភ្លើងសង្គ្រាម ។
នៅអាយុ៩ឆ្នាំ តេមូឈីន បានភ្ជាប់ពាក្យជាមួយនាង ប័រតេ(Börte) ដែលជាកូន ស្រីអាយុ១០ឆ្នាំរបស់លោក ដៃ សេជិន (Dai Sechen) មេដឹកនាំកុលសម្ព័ន្ធ Jungirat។ អ្នកនិពន្ធសៀវភៅ លោក Haqqi ជឿជាក់ថា តេមូឈីន រស់នៅជាមួយឪពុកក្មេកមួយរយៈ ទោះបីជានេះជាប្រភពនៃការជជែកវែកញែកក្នុងចំណោមអ្នកប្រាជ្ញក៏ដោយ ។ នៅពេលមួយនោះឪពុករបស់ តេមូឈីន បានស្លាប់ (សង្ស័យដោយការបំពុលក្នុងអាហារ) ហើយតេមូឈីន ក៏បានវិលត្រឡប់ទៅផ្ទះវិញដើម្បីស្វែងរកឪពុករបស់គាត់ដែលបានបាត់បង់ជីវិត ។ អំណាចរបស់ក្រុមគ្រួសារគាត់បានរសាត់ឆ្ងាយ ខណៈអ្នកដើរតាមឪពុកគាត់ជាច្រើនបានបោះបង់ចោលពួកគេ ។
ក្រុមគ្រួសារ តេមូឈីន និងអ្នកដែលនៅសេសសល់ត្រូវបានបង្ខំឲ្យចិញ្ចឹមជីវិតនៅលើវាលស្មៅតូចមួយ ដោយត្រូវប្រយុទ្ធគ្នាជាមួយចោរ និងគូប្រជែងចាស់របស់ឪពុកលោកដោយពួកគេសង្ឃឹមថានឹងសម្លាប់គ្រួសាររបស់គាត់ឲ្យខានតែបាន ។ នៅអាយុ១៤ឆ្នាំតេមូឈីន ត្រូវបានគេនិយាយថាបានសម្លាប់បងប្អូនពោះមួយរបស់គាត់ឈ្មោះ Bektor។
ជិនហ្គិស ខាន ឡើងកាន់អំណាចដោយវិធីណា ?
ពីរបីឆ្នាំកន្លងផុតទៅ តេមូឈីន មានអារម្មណ៍ថាគាត់រឹងមាំគ្រប់គ្រាន់ក្នុងការវិល ត្រឡប់
ទៅកាន់កុលសម្ព័ន្ធ Dai Sechen ហើយចាប់ដៃនាង Borte ក្នុងអាពាហ៍ពិពាហ៍ ។ គាត់បានឲ្យ
តម្លៃកម្លាំងកងទ័ពខ្លួនឯងខ្ពស់ពេករហូតធ្វើឲ្យភរិយារបស់គាត់ត្រូវបានគេចាប់ជម្រិតក្រោមការវាយឆ្មក់ពីកុលសម្ព័ន្ធ Merkit ។ តេមូឈីន ត្រូវស្វែងរកជំនួយពីមិត្តភក្តិរបស់គាត់ គឺ Jamuqa និង Toghrul ដើម្បីជួយរំដោះនាងមកវិញ (ពួកគេទាំងពីររីករាយក្នុងការជួយដូចដែលពួកគេស្អប់កុលសម្ព័ន្ធ Merkit ខ្លាំងណាស់) ។
ប្រភពប្រវត្តិសាស្ត្រចិននិយាយថា ពេលមួយនោះ តេមូឈីន ត្រូវបានចាប់ខ្លួនដោយរាជវង្ស ជិន (គ្រប់គ្រងផ្នែកខ្លះនៃប្រទេសចិន) ហើយត្រូវបានគេឃុំនៅទីនោះអស់រយៈពេលជាច្រើនឆ្នាំ ។ ថាតើរឿងនេះពិតប្រាកដ ឬអត់ គឺគ្មានអ្នកដឹងច្បាស់លាស់នោះទេ ។កំណត់ត្រាបានបង្ហាញថា កុលសម្ព័ន្ធរបស់តេមូឈីន ប្រហែល១២០០នាក់ បានចងសម្ព័ន្ធភាពជាមួយកុលសម្ព័ន្ធ Toghrul ដើម្បីចាប់ផ្តើមយុទ្ធនាការប្រឆាំងនឹងកុលសម្ព័ន្ធ Tatars ដែលពួកគេបានយកឈ្នះនៅឆ្នាំ១២០២ ។ ក្រោយមក ដៃគូកុលសម្ព័ន្ធទាំងពីរនេះក៏ឈ្លោះគ្នា ហើយចុងក្រោយកុលសម្ព័ន្ធ Toghrul ត្រូវបានកម្ចាត់ដោយកុលសម្ព័ន្ធ តេមូឈីន ។ បន្ទាប់មក តេមូឈីន ក៏បានប្រយុទ្ធនឹងកុលសម្ព័ន្ធ Jamuqa ហើយទីបំផុតគាត់ក៏ឈ្នះទៀត ។ រឿងនេះនឹងមានផ្សាយជូននៅវគ្គបន្តទៀត ៕
បញ្ជាក់ ៖ វគ្គទី១ អធិរាជ ជិនហ្គិស ខាន ឬ ហ្សង់ស៊ី ខាន់ស្ថាបនិកនៃចក្រភពម៉ុងហ្គោល
ចែករំលែកព័តមាននេះ