ចាប់បានចោរចិនឆក់ទូរស័ព្ទ តែ​នាំដល់​ស្នង​ការរត់បាត់ !


ខេត្តកំពង់ស្ពឺ ៖ ជនសង្ស័យ​ជា​ជនជាតិ​ចិន​ម្នាក់ ​ត្រូវ​បាន​ឃាត់ខ្លួន​ក្នុង​ករណី​ឆក់​ទូរ​សព្ទ័​ដៃ ហើយ​ត្រូវ​បា​ន
នាំ​យក​ទៅ​សួរនាំ ​ស្រាប់តែ​យប់​ឡើង​ សង្ស័យ​មាន​ស្លាប​ហោះ​ទៅ​បាត់​ស្រមោល​ឈឹង ​។ ​តែមជ្ឈដ្ឋាន​ខ្លះ​សង្ស័យ​ថា​ នគរបាល​ខេត្ត​ធ្វើការ​ដោះ​លែង​ស្ងាត់​ៗ​ទៅ​វិញ​ ជា​ថ្នូរ​នឹង​លាភសក្ការ​មួយ​ចំនួន​ធំ ​។

តាម​ការ​បង្ហើបឱ្យដឹង​ពី​មន្ត្រី​នគរបាល​ស្រុក​ថា​ ជនសង្ស័យ​ជនជាតិ​ចិន​រូប​នោះ ​ត្រូវ​បាន​ឃាត់ខ្លួន​នៅ​ចំណុច​មុខ​ផ្សារ​ត្រពាំង​អំពិល​ កាលពី​ល្ងាច​ថ្ងៃ​ទី​១០​ ធ្នូ ឆ្នាំ​២០១៩​កន្លង​ទៅ ក្នុង​ឃុំ​ត្រពាំង​គង ស្រុក​សំរោង​ទង ខេត្ត​កំពង់ស្ពឺ​។ ​ជនសង្ស័យបាន​ធ្វើ​សកម្មភាព​ឆក់​ទូរ​ស័ព្ទ ហើយ​ត្រូវ​បាន​កម្លាំង​នគរបាល​សន្តិសុខ​ឃាត់​យក​មក​សួរនាំ​នៅ​អធិការដ្ឋាន​នគរបាល​ស្រុក​សំរោង​ទង​រួច​ហើយ ​ក៏​បញ្ជូន​ទៅ​កាន់​ស្នងការដ្ឋាន​នគរបាល​ខេត្តកំពង់ស្ពឺ​ទៀត ។

ក្នុង​នោះ​ សមត្ថកិច្ច​ដកហូត​បាន​សម្ភារ​បំរើ​ការ​លួច​មួយ​ចំនួន​ធំ​ទៀត​ផង​។ ​ក្រោយ​ឃាត់ខ្លួន​ហើយ ព្រឹក​​ឡើង​ថ្ងៃ​ទី​១១​​ ធ្នូ ​ជនសង្ស័យ​ខាងលើ បាន​បាត់​ខ្លួន​យ៉ាង​អា​ថ៌កំ​បាំងបំផុត​។ ការ​បាត់​ខ្លួន​ជនសង្ស័យ​នេះ ​ធ្វើ​ឱ្យ​មជ្ឈដ្ឋាន​មហាជន​ដែល​ដឹង​រឿងលើក​ឡើង​ថា ​ទោះ​ជន​នេះ​មាន​ស្លាប​ហើរ​ក៏​ហើរ​មិន​រួច​ដែរ​ ព្រោះ​​ឃុំខ្លួន​បណ្តោះអាសន្ន​ស្នងការដ្ឋានខេត្ត​រឹង​មាំ​ល្អ​ណាស់ ។

ដោយឡែក ​អ្នកខ្លះ​លើក​ឡើង​ថា ​ទាល់តែ​មាន​អ្នក​ដោះ​លែង​ទើប​ជនសង្ស័យ​មានឱកាស​រត់គេច​ខ្លួន​បាន​។​ការ​បាត់​ខ្លួន​ជនសង្ស័យ​ចោរ​ជនជាតិ​ចិន​នេះ នគរបាល​ខេត្ត​ព្យាយាម​លាក់បាំង​រឿង​នេះ​ដែរ​ ប៉ុន្តែ​នៅ​តែ​បែកធ្លាយ​ដល់​អ្នក​សារព័ត៌មាន​ទា​លើ​តែ​បាន​ ។

មន្ត្រី​នគរបាល​ព្រហ្មទណ្ឌកំ​រឹត​ធ្ងន់​មួយ​រួប​បាន​បង្ហើប​ថា​ ការ​បាត់​ខ្លួន​ជនសង្ស័យ​ជនជាតិ​ចិន​ខាងលើ​នេះ ​គឺ​ជនសង្ស័យ​បាន​ហែក​ចំរឹង​ទ្វារ​កន្លែង​ឃុំឃាំង​២៤​ម៉ោង​រត់គេច​ខ្លួន​។ តែ​ទោះជា​យ៉ាងណា​ មហាជន​មិន​បាន​ជឿ​ថា ​ជនសង្ស័យ​ហែក​ចំរឹង​គុក​រត់​បាន​នោះ​ទេ ។

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ