ប្រទេសកូរ៉េខាងត្បូង ៖ របាយការណ៍មួយគូសបញ្ជាក់កាលពីថ្ងៃទី១០ធ្នូថា កូរ៉េខាងត្បូងអាចជាអ្នករងការប៉ះពាល់ខ្លាំងបំផុត ក្នុងចំណោមប្រទេសមានសេដ្ឋកិច្ចរីកចម្រើនសំខាន់ៗ ដោយសារទំនាស់ពាណិជ្ជកម្មអូសបន្លាយ រវាងសហរដ្ឋអាមេរិកនិងចិន មកពីការចំណុះយ៉ាងខ្លាំងរបស់ខ្លូនចំពោះការនាំចេញឆ្ពោះទៅកាន់ប្រទេសទាំង២នោះ។ របាយការណ៍នេះរបស់វិទ្យាសា្ថនWOORI FINANCE…
ប្រទេសកូរ៉េខាងត្បូង ៖ របាយការណ៍មួយគូសបញ្ជាក់កាលពីថ្ងៃទី១០ធ្នូថា កូរ៉េខាងត្បូងអាចជាអ្នករងការប៉ះពាល់ខ្លាំងបំផុត ក្នុងចំណោមប្រទេសមានសេដ្ឋកិច្ចរីកចម្រើនសំខាន់ៗ ដោយសារទំនាស់ពាណិជ្ជកម្មអូសបន្លាយ រវាងសហរដ្ឋអាមេរិកនិងចិន មកពីការចំណុះយ៉ាងខ្លាំងរបស់ខ្លូនចំពោះការនាំចេញឆ្ពោះទៅកាន់ប្រទេសទាំង២នោះ។
របាយការណ៍នេះរបស់វិទ្យាសា្ថនWOORI FINANCE RESEARCHបន្តថា សហរដ្ឋអាមេរិកនិងចិនជាអ្នកនាំចូលធំជាងគេបំផុតលើពិភពលោក នៃផលិតផលកូរ៉េខាងត្បូង ហើយការបញ្ជូនទំនិញទៅកាន់ប្រទេសទាំង២នេះ តំណាងឲ្យជាង១ភាគ៤នៃការនាំចេញសរុបរបស់កូរ៉េខាងត្បូងកាលពីឆ្នាំទៅមិញ។ ក្នុងឆ្នាំ២០១៨ការនាំចេញទៅកាន់ចិនតំណាងឲ្យ២៦,៨%នៃការនាំចេញសរុបរបស់កូរ៉េខាងត្បូង ទល់នឹង១៩,៥%សម្រាប់ជប៉ុន ៧,១%សម្រាប់អាល្លឺម៉ង់និង៤,២%សម្រាប់បារាំង។
អាស្រ័យហេតុនេះហើយបានជាការនាំចេញរបស់ប្រទេសបានធ្លាក់ចុះ៩,៨% ក្នុងអំឡុងពេលពីខែមករាមកខែកញ្ញា ដែលនោះជាការធ្លាក់ចុះខ្លាំងបំផុត ក្នុងចំណោមប្រទេសពាណិជ្ជកម្មសំខាន់១០នៃពិភពលោក។ ការនាំចេញរបស់អង់គ្លេសបានចុះថយ៦,៣%ក្នុងដំណាក់កាលដូចគ្នានេះ។ ចំណែកការនាំចេញរបស់អាល្លឺម៉ង់ទៅកាន់បរទេសចុះថយ៥,១%និងការនាំចេញរបស់ជប៉ុនចុះថយ៤,៤%។
ទោះបីយ៉ាងណារបាយការណ៍នេះលើកឡើងថា ដោយសារការខិតខំប្រឹងប្រែងរបស់កួរ៉េខាងត្បូង ការនាំចេញរបស់ប្រទេសអាចងើបឡើងវិញដោយរហ័ស ប្រសិនបើក្រុងវ៉ាស៊ិនតោននិងក្រុងប៉េកាំង សម្រេចបានកិច្ចព្រមព្រៀងដំបូងក្នុងការចរចាពាណិជ្ចកម្មរបស់ពួកគេដែលកំពុងធ្វើ៕ (កែសម្រួលដោយ ៖ បុប្ផា)
ចែករំលែកព័តមាននេះ