ខេត្តព្រះសីហនុ ៖ សេចក្តីរាយការណ៍បឋមលើករណីជនជាតិចិន៣នាក់ ប៉ុនប៉ងលួចយករថយន្តនៅក្នុងបរិវេណសាលាក្រុងព្រះសីហនុ កាលពីវេលាម៉ោង១និង៣០នាទីថ្ងៃទី១០ ឧសភា ត្រូវបានកម្លាំងសមត្ថកិច្ចចាប់ខ្លួនបាន មាន១ឈ្មោះ Chen ChangHai ភេទប្រុស អាយុ៤៥ឆ្នាំ ជនជាតិចិន កាន់លិខិតឆ្លងដែនលេខៈ EH4225865 ស្នាក់នៅភូមិ៤ សង្កាត់៤ ក្រុង-ខេត្តព្រះសីហនុ ។ ២-ឈ្មោះ Shi QuanQian ភេទប្រុស អាយុ៣៧ឆ្នាំ ជនជាតិចិន កាន់លិខិតឆ្លងដែនលេខៈ EG4197019 ស្នាក់នៅភូមិ៤ សង្កាត់៤ ក្រុង-ខេត្តព្រះសីហនុ និង៣-ឈ្មោះ Zhang YouChun ភេទប្រុស អាយុ៤៥ឆ្នាំ ជនជាតិចិន កាន់លិខិតឆ្លងដែនលេខៈ EH4224696 ស្នាក់នៅភូមិ៤ សង្កាត់៤ ក្រុង-ខេត្តព្រះសីហនុ ។
ដោយឡែក ជនរងគ្រោះជាម្ចាស់ មានឈ្មោះ ថោ សុធារិន ភេទប្រុស អាយុ២៨ឆ្នាំ មុខរបរជាប្រជាការពារសាលាក្រុងព្រះសីហនុ មានទីលំនៅភូមិ៥ សង្កាត់លេខ៤ ក្រុង-ខេត្តព្រះសីហនុ ។ សេចក្តីរាយណ៍បន្តថា នៅថ្ងៃកើតហេតុ (វេលាម៉ោងខាងលើ) នៅចំណុចបរិវេណសាលាក្រុងព្រះសីហនុ មានប្រជាការពារមា្នក់បានរាយការណ៍ថា ពេលគាត់កំពុងយាមកាម ស្រាប់តែឮសូរសំលេងក្តុងក្តាំងក្បែររថយន្តចតទុក ។
ភ្លាមនោះ គាត់បានស្ទុះទៅមើល ស្រាប់តែឃើញមានជនសង្ស័យ៣នាក់ (សុទ្ធតែជាជនជាតិចិន) ពាក់ម៉ាស់បិទមុខ ពាក់មួក និងពាក់ស្រោមដៃគ្រប់គ្នា កំពុងធ្វើសកម្មភាពបម្រុងលួចយករថយន្ត ដែលចតនៅក្នុងបរិវេណសាលាក្រុងនោះ ។ ឃើញដូច្នោះ គាត់បានឃាត់ និងឆែកឆេរចិន៣នាក់នោះ ក៏ឃើញមានឧបករណ៍មួយចំនួន ដែលអាចធ្វើសកម្មភាពលួចកាច់កយករថយន្តនោះ ។ បន្ទាប់មក គាត់បានរាយការណ៍ទៅកម្លាំងសមត្តកិច្ចជំនាញ នៃអធិការដ្ឋាននគរបាលក្រុងព្រះសីហនុ ដើម្បីធ្វើការឃាត់ខ្លួនតែម្តង ។
សមត្ថកិច្ចបាន បានដកហូតវត្ថុតាង ៖
-ស្រោមដៃចំនួន៣គូរ
-ម៉ាស់ចំនួន២
-មួកចំនួន៣
-ក្រណាត់រុំមុខចំនួន៣
-ទូរស័ព្ទដៃ២គ្រឿង
-លិខិតឆ្លងដែនចំនួន៣ក្បាល
-អាវធំ ចំនួន ២
-ទល់រឺវ៉ីស ចំនួន ២
-ឧបករណ៍សំរាប់កាត់ដែក១
-ពិលតូច ចំនួន១ ។
ចែករំលែកព័តមាននេះ