រាជធានីភ្នំពេញ ៖ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានស្នើឲ្យអ្នកសារព័ត៌មានទាំងអស់ អភិវឌ្ឍខ្លួនដើរឲ្យទាន់ការរីកចម្រើននៃយុគសម័យបច្ចេកវិទ្យាឌីជីថល ទៅក្នុងបដិវត្តន៍ឧស្សាហកម្មទី៤(៤.០) ដើម្បីការផ្សព្វផ្សាយបានទាន់ហេតុការណ៍…
រាជធានីភ្នំពេញ ៖ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានស្នើឲ្យអ្នកសារព័ត៌មានទាំងអស់ អភិវឌ្ឍខ្លួនដើរឲ្យទាន់ការរីកចម្រើននៃយុគសម័យបច្ចេកវិទ្យាឌីជីថល ទៅក្នុងបដិវត្តន៍ឧស្សាហកម្មទី៤(៤.០) ដើម្បីការផ្សព្វផ្សាយបានទាន់ហេតុការណ៍ និងតាមតម្រូវការទស្សនិកជន ហើយអាចប្រកួត ប្រជែងលើទីផ្សារព័ត៌មាន ។
ថ្លែងនៅក្នុងវេទិកានិពន្ធនាយកសារព័ត៌មានលើកទី១៦ ស្តីពីប្រព័ន្ធផ្សព្វផ្សាយព័ត៌មានកម្ពុជាក្នុងយុគ សម័យ៤.០ ដែលបានប្រារព្ធធ្វើនៅភោជនីយដ្ឋានទន្លេបាសាក់២ នាព្រឹកថ្ងៃទី៦ ខែធ្នូ លោករដ្ឋមន្ត្រីក្រសួងព័ត៌មាន បានជំរុញដល់អ្នកសារព័ត៌មានឲ្យខិតខំពង្រីកចំណេះដឹងដើម្បីដើរឲ្យទាន់ការវិវត្តនៃបច្ចេកវិទ្យាក្នុងយុគសម័យរីកចម្រើននៃប្រព័ន្ធអុីនធើរណេត ។
អ្នកសារព័ត៌មាន ទាមទារឲ្យពង្រឹងសមត្ថភាពរបស់ខ្លួនបន្ថែមទៀត ដើម្បីឆ្លើយតបនឹងការរីកចម្រើននៃយុគសម័យបច្ចេកវិទ្យា៤.០ ។ លោក ប៉ែន បូណា ប្រធានក្លិបអ្នកសារព័ត៌មានកម្ពុជា បានលើកអំពីសកម្ម ភាពរបស់ក្លិបអ្នកកាសែតកម្ពុជា ដែលរៀបចំវគ្គបណ្តុះបណ្តាលដល់អ្នកសារព័ត៌មានកម្ពុជា គ្រោងនឹងជួលអ្នកជំនាញក្នុងស្រុកនិងពីបរទេសមកបង្រៀននៅក្នុងវគ្គបណ្តុះបណ្តាលដល់អ្នកសារព័ត៌មានកម្ពុជានាពេលខាងមុខ ដើម្បីស្របតាមការវិវត្តនៃប្រព័ន្ធផ្សព្វផ្សាយតាមអនឡាញ ។
លោក លាង ឌឺលុច នាយកប្រតិបត្តិការក្លិបអ្នកកាសែតកម្ពុជា បានលើកឡើងពីទំនោរឈានទៅប្រើប្រាស់បច្ចេកវិទ្យា គំនិតសិប្បនិម្មិតនៅក្នុងប្រព័ន្ធផ្សព្វផ្សាយព័ត៌មានអន្តរជាតិតាមរយៈរ៉ូបូត៍ ។ នៅក្នុងស្ថាប័នព័ត៌មានបរទេសធំៗមួយចំនួន គេបានប្រើប្រាស់គំនិតសិប្បនិម្មិត(រ៉ូបូត៍)សរសេររបាយការណ៍ព័ត៌មាននិងកត់ត្រាព័ត៌មាន ។
នៅក្នុងវេទិកានិពន្ធនាយកសារព័ត៌មានកម្ពុជានេះដែរ សម្តេចតេជោនាយករដ្ឋមន្ត្រី ហ៊ុន សែន បានផ្ញើសារលិខិតជូនចំពោះវេទិកានិពន្ធនាយកនេះ ដោយអំពាវនាវឲ្យអ្នកសារព័ត៌មានបង្កើនការស្វែងយល់ពីគុណសម្បត្តិនិងគុណវិបត្តិនៃបច្ចេកវិទ្យាក្នុងប្រព័ន្ធផ្សព្វផ្សាយរបស់យុគសម័យបដិវត្តន៍ឧស្សហកម្មជំនាន់ទី៤.០ ដើម្បីឲ្យប្រព័ន្ធផ្សព្វផ្សាយនេះចូលរួមថែរក្សាសុខសន្តិភាព ស្ថិរភាពនយោបាយ និងការអភិវឌ្ឍប្រទេស ។ សេចក្តីថ្លែងការណ៍រួមរបស់និពន្ធនាយកសារព័ត៌មាន ដែលមាន១៤ចំណុចដូចតទៅ ៖
ចែករំលែកព័តមាននេះ