ខេត្តកំពង់ចាម ៖ គ្រប់បណ្ដាអង្គភាពពាក់ព័ន្ធ និងស្ថាប័នជំនាញបានធ្វើការប្ដេជ្ញាចិត្តថា នៅក្នុងឆ្នាំ២០២៥ខាងមុខធ្វើយ៉ាងណាកាត់បន្ថយអត្រានៃការឆ្លងមេរោគអេដស៍ឱ្យបានជាអតិបរមា ដោយបានដើរដង្ហែជាក្បួននាព្រឹកថ្ងៃទី០៤ ខែធ្នូ ឆ្នាំ២០១៩ ក្នុងទិវាពិភពលោកប្រយុទ្ធ និងជំងឺអេដស៍…
ខេត្តកំពង់ចាម ៖ គ្រប់បណ្ដាអង្គភាពពាក់ព័ន្ធ និងស្ថាប័នជំនាញបានធ្វើការប្ដេជ្ញាចិត្តថា នៅក្នុងឆ្នាំ២០២៥ខាងមុខធ្វើយ៉ាងណាកាត់បន្ថយអត្រានៃការឆ្លងមេរោគអេដស៍ឱ្យបានជាអតិបរមា ដោយបានដើរដង្ហែជាក្បួននាព្រឹកថ្ងៃទី០៤ ខែធ្នូ ឆ្នាំ២០១៩ ក្នុងទិវាពិភពលោកប្រយុទ្ធ និងជំងឺអេដស៍ ១ ធ្នូ ក្រោមប្រធានបទទាំងអស់គ្នាចូលរួមជាចចរន្តជាតិមួយក្នុងការទប់ស្កាត់ការីករាលដាលនៃមេរោគអេដស៍ និងជំងឺអេដស៍នៅមន្ទីរសុខាភិបាលខេត្តកំពង់ចាម ដោយមានការចូលរួមកម្លាំងប្រដាប់អាវុធទាំង៣ប្រភេទមន្ត្រីរាជការ សិស្សានុសិស្សរាប់រយនាក់ ។ ជាមួយនោះក៏មានការដើរដង្ហែក្បួនចម្ងាយជាង១គីឡូម៉ែត្រដើម្បីផ្ញើសារទៅដល់មហាជនទូទៅឱ្យមានការប្រុងប្រយ័ត្នពីជំងឺអេដស៍ផងដែរ ។
លោកវេជ្ជបណ្ឌិត គីម សួរភិរុណ ប្រធានមន្ទីរសុខាភិបាលខេត្តបានគូសបញ្ជាក់ថា នៅរៀងរាល់ថ្ងៃទី១ ធ្នូ ដោយប្រើប្រាស់សាររួមគ្នាក្នុងគោលបំណងបង្ហាញពីសុឆន្ទៈលើការចូលរួមជាមួយពិភពលោកក្នុងការទប់ស្កាត់ការរីករាលដាលមេរោគអេដស៍ដោយមានការយកចិត្តទុកដាក់លើការថែទាំ និងការព្យាបាលអ្នកជំងឺអេដស៍ការគាំទ្រសង្គមទៅដល់អ្នករងគ្រោះដោយសារជំងឺអេដស៍ និងកាត់បន្ថយការរើសអើងទៅលើអ្នកផ្ទុកមេរោគអេដស៍ និងជំងឺអេដស៍ឱ្យកាន់តែមានប្រសិទ្ធភាពខ្ពស់បន្ថែមទៀត ។
លោកប្រធានមន្ទីរសុខាភិបាលខេត្តបន្តថា ទាំងអស់គ្នាចូលរួមជាចរន្តជាតិ១ក្នុងការទប់ស្កាត់ការីករាលដាលនៃមេរោគអេដស៍ និងជំងឺអេដស៍ ។ លើសពីនេះទៅទៀតអ្នកផ្ទុកមេរោគអេដស៍អ្នកជំងឺអេដស៍កុមារកំព្រា និងកុមារងាយរងគ្រោះដោយជំងឺអេដស៍នៅក្នុងខេត្តកំពង់ចាម តែងតែទទួលបាននូវការគាំទ្រសង្គមសេដ្ឋកិច្ច ជាពិសេសតាមរយៈការងារមនុស្សធម៌ដែលមិនចេះនឿយហត់ និងមិនចេះរីងស្ងួតនៅក្រោមការដឹកនាំរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងជាមគ្គទេសក៍ឆ្នើមប្រចាំតំបន់អាស៊ីប៉ាស៊ីហ្វិកក្នុងការប្រយុទ្ធនឹងជំងឺអេដស៍ ។
លោក ហាន កុសល អភិបាលរងខេត្តបានឱ្យដឹងថា កន្លងមកនេះកម្ពុជាយើងបានឆ្លងមេរោគអេដស៍ក្នុងអំឡុងឆ្នាំ១៩៩១ដែលបានរកឃើញនៅមជ្ឈមណ្ឌលជាតិផ្ដល់ឈាមតាមរយៈការផ្ដល់ឈាមដោយស្ម័គ្រចិត្ត ។
តាមការសិក្សានៃការឆ្លងមេរោគអេដស៍តាមរយៈឈាមតាមការរួមភេទ និងសារឆ្លងមេរោគអេដស៍ពីម្ដាយទៅកូន ។ ជាមួយនេះកម្ពុជាយើងបានឆ្លងខ្ពស់នៅឆ្នាំ២០០០ ដែលមានអត្រារហូតដល់១.៨ភាគរយ ក្នុងចំណោមប្រជាជនទូទៅ ។ ដោយមើលឃើញស្ថានភាពបែបនេះការប្រើប្រាស់ស្រោមនៅតែជាការសំខាន់សម្រាប់លុបបំបាត់ការឆ្លងមេរោគអេដស៍ ៕
កែសម្រួលដោយ ៖ សំណាង
ចែករំលែកព័តមាននេះ