សមត្ថកិច្ចសម្រេចវាស់កម្ពស់បុគ្គល K01 ហើយ និងកំពុងកសាងសំណុំរឿងបញ្ជូនទៅតុលាការ
- ភ្នំពេញ
រាជធានីភ្នំពេញ ៖ ក្រោយមានការបែកធ្លាយឃ្លីបវីដេអូ លោក ឃឿន សុឡា ហៅ KO1 បង្ហោះលើបណ្តាញសង្គមអំពីសកម្មភាពប្រើអំពើហិ.ង្សាលើយុវជនម្នាក់ បង្ហាញចរិតឬកពារលើសពីការអប់រំ កាលពីថ្ងៃទី២៩ ខែមិថុនា ឆ្នាំ២០២៦ បានធ្វើឲ្យមតិមហាជនជាច្រើនរិះគន់យ៉ាងខ្លាំងចំពោះទង្វើអសីលធម៌នេះ ។
ភ្លាមៗនោះ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក៏មានប្រតិកម្មដែរ ដោយលោកបានបង្ហោះក្នុងហ្វេសប៊ុកផ្ទាល់ខ្លួនលោកដែលមានខ្លឹមសារថា (ធ្វើលើសហើយ) «ខ្ញុំបានចាត់បញ្ជូនករណីនេះទៅលោក ប៊ុន សត្យា ស្នងការរងទទួលផែននគរបាលព្រហ្មទណ្ឌ អនុវត្តលើករណីបន្ទាន់ (ទោះបីជនរងគ្រោះមិនប្ដឹងក៏នគរបាលយុត្តិធម៌ដើរតួនាទីជាដើមបណ្ដឹង) សូមអញ្ជើញលោក K 01 ចូលមកបំភ្លឺនៅស្នងការនគរបាលរាជធានីភ្នំពេញ វេលាម៉ោង០៨,០០នា ទីព្រឹកថ្ងៃទី៣០ ០៦ ២៦ នៅជាន់ទី៣ ផែននគរបាលព្រហ្មទណ្ឌ (លេខលោកស្នងការរង 012718171)។
សំដីមាសរបស់លោកឧត្តមសេនីឯក ស្នងការនគរបាលរាជធានីភ្នំពេញ កំណត់ឲ្យលោក KO1 ចូលខ្លួនមកកាន់ផែននគរបាលព្រហ្មទណ្ឌ នៅព្រឹកថ្ងៃទី៣០ ខែមិថុនា ឆ្នាំ២០២៦ ដើម្បីបំភ្លឺករណីប្រើអំពើហិ.ង្សាលើអ្នកដទៃ លោក KO1 បានចូលតាមការកំណត់ ។
ការចូលខ្លួនទៅបំភ្លឺគឺបានធ្វើឡើងនៅចំពោះមុខមន្ត្រីនគរបាលយុត្តិធម៌ នៃការិយាល័យនគរបាលព្រហ្មទណ្ឌកម្រិតស្រាលរាជ ធានីភ្នំពេញ KO1 បានបញ្ជាក់អំពីសកម្មភាពដែលខ្លួនបានប្រព្រឹត្ត ដែលការបំភ្លឺគឺនោះ មានភាពស៊ីសង្វាក់ពាក់ពន្ធបទល្មើសព្រហ្មទណ្ឌយ៉ាងច្បាស់ ដូច្នោះមន្ត្រីនគរបាលយុត្តិធម៌ក៏បានសម្រេចវាស់កម្ពស់លោក ឃឿន សុឡា ហៅKO1 និងកសាងសំណុំរឿងត្រៀមរៀបបញ្ជូនទៅសាលាដំបូងរាជធានីភ្នំពេញ ដើម្បីបន្តនីតិវិធី បើសិនគ្មានការកែប្រែនោះទេ៕
ចែករំលែកព័តមាននេះ