សម្តេចព្រះឧត្តមវង្សា បណ្ឌិត គូ សុភាព ព្រះសមាជិក និងជាអគ្គលេខាធិការរង ថេរសភាព្រះពុទ្ធសាសនា បានមានថេរដីកាថា ចង់ជួយប្រទេសជាតិ គ្រាន់តែការចេះទុកចេះដាក់សំរាមឲ្យត្រឹមត្រូវក៏ជាការជួយជាតិមួយដែរ ។
ព្រះអង្គបានមានថេរដីកា ចែករំលែកនៅលើបណ្តាញសង្គម កាលពីថ្ងៃទី២៩ ខែមិថុនា ឆ្នាំ២០២៦ថា «ចំណុចតូច១ ដែលគ្រប់គ្នាអាចជួយស្រុកទេសយើងបាន គឺទុកដាក់សំរាមឱ្យបានត្រឹមត្រូវ » ។
ក្រោយពេលដែលព្រះអង្គបានមានថេរដីកាបែបនេះ ពុទ្ធបរិស័ទបានចែករំលែក ហើយបានបន្តថា អរគុណព្រះអង្គ យើងត្រូវនាំគ្នារក្សាអនាម័យ និងសណ្ដាប់ធ្នាប់ក្នុងគ្រួសារ និងសង្គមឲ្យបានប្រសើរឡើង ដើម្បីសុខភាពផង និងដើម្បីសេចក្ដីថ្លៃថ្នូរផង និងដើម្បីអភិវឌ្ឍន៍ខ្លួនយើង ឲ្យទៅជាពលរដ្ឋ ដែលជួយដល់សង្គមជាតិផង ។
អ្នកខ្លះថា សាធុ សាធុ គុណម្ចាស់ ផ្ដើមចេញពីចំនុចតូចនេះនឹងធ្វើអោយប្រទេសកម្ពុជា ជាទីក្រុងស្អាតគ្មានសំរាមតាមទីសាធារណៈ ។
អ្នកខ្លះក៏ចូលទៅបញ្ចេញយោបល់ថា រឿងសីលធម៌ពិបាកអប់រំណាស់គុណម្ចាស់ ការបើកបរលើដងផ្លូវក៏អីចឹងដែរ ឮសូរឡានសង្គ្រោះបន្ទាន់ ឡានពន្លត់អគ្គិភ័យ មិនត្រឹមមិនផ្តល់អាទិភាពទេ ថែមទាំងបើកប្រជែងទៀត ៕
ចែករំលែកព័តមាននេះ