អត់មុខ Ronaldo ថ្ងៃទទួលពាន Ballon d’Or ស្រាប់តែ Messi និយាយដូច្នេះ
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមប្រចាំក្រុម FC Barcelona កីឡាករ Lionel Messi…
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមប្រចាំក្រុម FC Barcelona កីឡាករ Lionel Messi…
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមប្រចាំក្រុម FC Barcelona កីឡាករ Lionel Messi បានឈ្នះពានរង្វាន់ Ballon d’Or លើកទី៦ របស់ខ្លួនកាលពីយប់ថ្ងៃចន្ទ ហើយឥឡូវនេះបានធ្វើការបកស្រាយអំពីការផ្តួលគូប្រជែងដ៏យូរអង្វែងរបស់គាត់ Cristiano Ronaldo។
Messi បានឈ្នះពានបាល់មាសទី ៦ របស់ខ្លួន បន្ទាប់ពីឈ្នះពានរង្វាន់នេះ៥ដងរួចទៅហើយ នៅក្នុងឆ្នាំ ២០០៩, ២០១០, ២០១១, ២០១២ និង ២០១៥ ខណៈដែល Ronaldo មិនបានចូលរួមក្នុងពិធីនោះទេ។ កីឡាករវ័យ៣២ឆ្នាំរូបនេះបាននិយាយថា គាត់នឹងរីករាយនៅមុនពេលផ្តោតលើការងារនាពេលអនាគត ។
នៅពេលទទួលបានពានរង្វាន់លោកបានមានប្រសាសន៍ថា៖ «ខ្ញុំនឹងរីករាយជាមួយគ្រួសារនៅពេលនេះ ពីព្រោះពេលវេលាដូចនេះមិនសូវជាមានច្រើនដងប៉ុន្មានទេ។ ចាប់ពីថ្ងៃស្អែកខ្ញុំនឹងត្រូវផ្តោតអារម្មណ៍ម្តងទៀតលើគោលដៅផ្សេងទៀត។ ខ្ញុំកំពុងផ្តោតអារម្មណ៍លើអនាគតហើយ។ ខ្ញុំមានមោទនភាពណាស់ ព្រោះវាផ្តល់ឱ្យខ្ញុំនូវកម្លាំងជាច្រើនដើម្បីបន្តការងាររបស់ខ្ញុំ»។
បន្ទាប់មក Messi ក៏បាននិយាយអំពី Ronaldo ថា៖«នៅពេលដែល Cristiano Ronaldo បានឈ្នះវា គឺដោយសារតែគាត់បានធ្វើបានយ៉ាងល្អរដូវកាល ដោយឈ្នះពានរង្វាន់ក្របខ័ណ្ឌ Champions League។ គាត់សមនឹងទទួលបានវានៅពេលនោះ។ តើខ្ញុំមានអារម្មណ៍អយុត្តិធម៌ទេ? វាអាស្រ័យលើអ្នក ដើម្បីប្រាប់ខ្ញុំថាតើពានរង្វាន់ Ballon d’Or ត្រូវបានផ្តល់ជូនកីឡាករល្អបំផុត ឬ អ្នកដែលលេងបានល្អក្នុងរដូវកាល»។
លោកបានបន្តថា៖«វាក៏អាស្រ័យលើការចូលចិត្តរបស់មនុស្សម្នាក់ៗដែរ។ អ្នកខ្លះចូលចិត្ត Cristiano អ្នកផ្សេងទៀតចូលចិត្តខ្ញុំ ឬ Neymar ឬ (Kylian) Mbappe ។ អ្នកទាំងអស់គ្នាមានសិទ្ធិជ្រើសរើសអ្វី ដែលអ្នកទាំងអស់គ្នាចូលចិត្តជាងគេ»៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ