អគ្គិភ័យលេបត្របាក់​​ចម្ការ​​អំពៅ​អស់ជាង​២​០ហិកតា​


ខេត្តស្វាយរៀង ​៖ ​មាន​ករណី​​អគ្គី​ភ័យឆាបឆេះ​ចំការ​អំពៅ​អស់​ចំនួន​២២​ហិ​កតា ត្រូវ​បាន​​សមត្ថកិច្ច​ដាក់​ការ​សង្ស័យ​ថា មាន​មនុស្ស​លួច​ដុត​ ។ ​

​ហេតុការណ៍​ខាងលើ​នេះ​កើតឡើង​កាលពី​​វេលា​ម៉ោង​៦​និង​៤៥​នាទី​យប់​ថ្ងៃ​ទី​២ ធ្នូ​ ឆ្នាំ​​២០១៩​ នៅ​ចំណុច​ចម្ការ​អំពៅ​​ជា​កម្ម​សិទ្ធ​ិរបស់​ក្រុមហ៊ុន​សុ​ផាត​សំណាង​ ស្ថិត​ក្នុង​​ភូមិ​សង្គម ​ឃុំ​គគីរ​សោម​ ស្រុក​ស្វាយ​ទាប​ ខេត្តស្វាយរៀង​ ។

​បើ​តាម​សមត្ថកិច្ច​បាន​ឲ្យ​ដឹង​ថា ​អគ្គិភ័យ​បាន​​ឆាបឆេះ​ចំការ​អំពៅ​​ខាងលើ​មាន​រយៈពេល​ជាង​២​ម៉ោង​ គឺ​ឆេះ​ចាប់ពី​ម៉ោង​៦​និង​៤៥​នាទី​យប់​រហូត​ដល់​​វេលា​ម៉ោង​៨និង​៥៩​នាទី​យប់​ថ្ងៃ​ដដែលទើប​ពន្លត់​បាន​រលត់​។​

បើ​តាម​ការ​សន្និដ្ឋាន​របស់​សមត្ថកិច្ច​គឺ​មូលហេតុ​មាន​ជន​មិន​ស្គាល់​មុខ​លួច​ដុត​ ​បន្ទាប់​ពី​សមត្ថកិច្ច​ចុះ​ទៅ​ពិនិត្យ​កន្លែង​កើតហេតុ​ រួម​មាន​កម្លាំង​នគ​បាល​ប៉ុ​ស្ត​ិ៍​រដ្ឋបាល​ឃុំ​គគីរ​សោម​សហការ​ជាមួយ​នគ​បាល​វរៈ​ការពារ​ព្រំដែន​ប៉ុ​ស្តិ៍​ព្រៃ​តា​អីចុះ​ស្រាវជ្រាវ​ដើម្បី​ចាប់​ជនសង្ស័យ​យក​មក​ផ្តន្ទាទោស​តាម​ច្បាប់​។​

​តាម​ប្រភព​ពី​សមត្ថកិច្ច​​​បាន​ឲ្យ​ដឹង​ទៀត​ថា​ អំពៅ​ដែលត្រូវភ្លើង​​ឆេះ​អស់​ទាំង​២២​ហិ​កតា​ខាងលើនេះ ​គឺ​នឹង​ត្រូវ​កាប់​ប្រមូល​ផល​នៅ​ថ្ងៃ​ទី​៥ ​ធ្នូ​ ឆ្នាំ​២០១៩​ខាង​មុខ​នេះ ​ដោយ​ក្រុមហ៊ុន​បាន​យក​រថយន្ត​ធុន​ធំ​មក​ដាក់​នៅ​ក្បែ​ចំការ​អំពៅ​សម្រាប់​ត្រៀម​ដឹក​អំពៅ​ចេញ​ទៅ​ប្រទេស​វៀតណាម​ ។​

ទាក់ទិន​​នឹង​ករណី​​អគ្គិភ័យ​ឆាប​​ឆេះ​ចំការ​អំពៅ​​ខាងលើ​នេះ​ដែរ ​មន្ត្រី​នគ​បាលរ​វៈ​ការពារ​ព្រំដែន​ម្នាក់​សុំ​មិន​បញ្ចេញ​ឈ្មោះ​បាន​បង្ហើប​ឲ្យ​ដឹង​ថា ករណី​ភ្លើង​ឆេះ​ចំការ​អំពៅ​២២​ហិ​កតា​នេះ​គឺ​សង្ស័យ​ជា​ល្បិច​ណាមួយ​របស់​ក្រុមហ៊ុន​វៀតណាម គឺ​រាល់​ឆ្នាំ​នៅ​ពេល​អំពៅ​ដល់​ពេល​ប្រមូល​ផល ហើយ​ក្រុមហ៊ុន​កំណត់​ថ្ងៃ​ប្រមូល​ផល​គឺ​តែងតែមាន​ករណី​មនុស្ស​លួច​ដុត​អំពៅ ហើយ​ការ​ដុត​នេះ​ទៀត​សោ​ធ​គឺ​ដុត​ចំ​តែ​ឡូ​តិ៍​ដែល​បម្រុង​កាប់​ប្រមូល​ផល​។​

សមត្ថកិច្ច​ដដែល​សង្ស័យ​ថា​ជា​ល្បិច​ដើម្បី​ងាយស្រួល​ក្នុង​ការ​សុំ​ច្បាប់​អនុញ្ញាតពី​អាជ្ញាធរ​ខេត្ត​នាំ​អំពៅ​ចេញ​ទៅ​ប្រទេស​វៀតណាម ដោយ​អំពៅ​ដែល​ឆេះ​ទុក​បាន​តែ​៧​ថ្ងៃ​វា​នឹង​ធ្លាក់​កម្រិត​ស្ករ​បាត់​ទិន្នផល​ស្ករ​ ។ ​ដូច្នេះ​អាជ្ញាធរ​ត្រូវ​តែ​ចេញ​ច្បាប់​អនុញ្ញាតជា​បន្ទាន់​ដើម្បី​កុំ​ឲ្យ​ខូច​អំពៅ ហើយ​នេះ​គ្រាន់តែ​ការ​សន្និដ្ឋាន​ក្រៅផ្លូវការ​ទេ​៕​ (កែសម្រួលដោយ ៖ ធីតា​)

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ