មនុស្សដែលជោគជ័យ និងមានទ្រព្យសម្បត្តិស្តុកស្តម្ភភាគច្រើនជាមនុស្សដែលមានទស្សនៈ និងគំនិតដែលជួយរកលុយដល់ពួកគេ ។ មានន័យថា ពួកគេបោះបង់ចោលនូវរាល់គំនិតដែលទប់ស្កាត់មិនឲ្យពួកគេធ្វើសកម្មភាពអ្វីមួយ និងមើលទៅពិភពលោកដោយវិជ្ជមាន ។ តើអ្នកត្រូវធ្វើយ៉ាងដូចម្តេច ដើម្បីមានទស្សនៈទាំងនេះដែរ ? ទាំងនេះជាជំហានដែលអ្នកគួរតែសាកល្បង ៖
១. រៀនសូត្រពីអ្នកដែលមានទស្សនៈទាំងនេះ៖
វិធីដែលងាយជាងគេដែលអ្នកអាចទទួលបានទស្សនៈខាងលើបានគឺការឧស្សាហ៍នៅជិតអ្នកដែលមានទស្សនៈ និងគំនិតទាំងនេះ ហើយមិនយូរប៉ុន្មាន អ្នកនឹងមើលឃើញខ្លួនឯងចាប់ផ្តើមប្រកាន់ខ្ជាប់គំនិត និងគុណសម្បត្តិរបស់អ្នកទាំងនោះដែរ ។
២. និយាយជាមួយខ្លួនឯងជារៀងរាល់ថ្ងៃ៖
ជាដំបូងអ្នកត្រូវរកពាក្យសម្តីមួយចំនួនដែលអ្នកចង់និយាយប្រាប់ខ្លូនឯងជារៀងរាល់ថ្ងៃសិនដែលជួយជំរុញទឹកចិត្តអ្នកនិងស្របទៅនឹងគោលដៅដែលអ្នកចង់សម្រេ ច។ ឧទាហរណ៍ដូចជា ប្រ សិនបើអ្នកធំដឹងក្តីមកដោយប្រកាន់គំនិតថា លុយជាធនធានដែលខ្វះខាតហើយមានតែមនុស្សមួយចំនួនប៉ុណ្ណោះដែលមានសមត្ថភាពក្នុងការរកវា នោះអ្នកគួរតែនិយាយប្រាប់ខ្លួនជារៀងរាល់ថ្ងៃថា លុយមិនមានដែនកំណត់ទេលើលោកនេះ ហើយអ្នកកំពុងតែរកលុយជារៀងរាល់ថ្ងៃ ។ ដើម្បីរំឭកខ្លួនឯង អ្នកអាចសរសេរវានិងបិទលើកញ្ចក់ ឬតុធ្វើការដើម្បីអាចជំរុញទឹកចិត្តក៏ជាជម្រើសល្អ ។
៣. បោះបង់គំនិតអវិជ្ជមាន៖
មានដឹងទេថា មនុស្សទូទៅចំណាយពេល ៩៥% សម្រាប់ការរអ៊ូរទាំ? វាជាវិធីដែលងាយជាងគេក្នុងការស្គាល់មនុស្សម្នាក់ ហើយក៏ជួយសម្រាលសម្ពាធផងដែរ មិនថាប្រធានបទទាក់ទិននឹងការងារ ស្នេហា លុយ ឬសុខភាពទេ ។ ប្រសិនបើអ្នកស្ថិតក្នុងចំណោមអ្នកដែលចូលចិត្តរអ៊ូរទាំនោះចូរផ្អាកនិងគិតឡើងវិញ ។ អ្នកមិនអាចដោះសារ និងផ្លាស់ប្តូរស្ថានការរបស់ខ្លួនក្នុងពេលតែមួយទេ ។ ប្រសិនបើអ្នកអនុញ្ញាតឲ្យខ្លួនមានគំនិតអវិជ្ជមានជាច្រើននោះអ្នកមានតែជំរុញឲ្យខ្លួនអាណិតខ្លួនឯងប៉ុណ្ណោះ ហើយអ្នកនឹងមិនធ្វើអ្វីដើម្បីផ្លាស់ប្តូរស្ថានការខ្លួនឡើយ ។ រំឭកខ្លួនឯងជារៀងរាល់ថ្ងៃថាអ្នកមិនគួររអ៊ូរទាំឡើយមិនថាអ្នកជួបប្រទះនឹងបញ្ហាអ្វីទេ ។ ផ្ទុយមកវិញព្យាយាមមើលវាជាបញ្ហាមួយដែលអ្នកអាចរកដំណោះស្រាយបានដោយងាយស្រួល ៕ កែសម្រួលដោយ ៖ សុឃាក់
ចែករំលែកព័តមាននេះ