ក្នុងពេលថ្មីៗនេះ លោកនាយកប្រតិបត្តិ ធីម ឃុក (Tim Cook) របស់ក្រុមហ៊ុន Apple ទទួលបានសំណួរមួយក្នុងកំឡុងពេលបទសម្ភាសន៍ថា តើតម្លៃក្នុងជីវិតដែលសំខាន់ជាងគេក្នុងជីវិតលោកគឺជាអ្វី?…
ក្នុងពេលថ្មីៗនេះ លោកនាយកប្រតិបត្តិ ធីម ឃុក (Tim Cook) របស់ក្រុមហ៊ុន Apple ទទួលបានសំណួរមួយក្នុងកំឡុងពេលបទសម្ភាសន៍ថា តើតម្លៃក្នុងជីវិតដែលសំខាន់ជាងគេក្នុងជីវិតលោកគឺជាអ្វី?
លោក ឃុក បានលើកឡើងពីរឿងដែលលោកបានជួបប្រទះទាក់ទិននឹងការខិតខំរកគោលដៅក្នុងជីវិតរបស់លោក ។ ពេលដែលលោកនៅវ័យក្មេង គោលដៅក្នុងជីវិតរបស់លោកគឺទាក់ទិននឹងជំនាញដែលលោកបានជ្រើសរើសនៅសាកលវិទ្យាល័យ ។ តែមិនយូរប៉ុន្មានលោកក៏ដឹងថាវាមិនមែនជាអ្វីដែលលោកពិតជាប្រកាន់ខ្ជាប់ឡើយ ។
បន្ទាប់មក លោកបានស្វែងរកវាទៀតនៅក្នុងការងារ អាពាហ៍ពិពាហ៍ និងកូន ប៉ុន្តែលោកនៅតែមិនពេញចិត្ត ។ រហូតដល់ពេលដែលលោកមានវ័យ ៣០ឆ្នាំក្រាស់ទើបលោកបានប្រទះឃើញថា មូលហេតុដែលមនុស្សរស់នៅមានជីវិត គឺដើម្បីជួយមនុស្សម្នាក់ទៀត ។ លោកបានបន្ថែមថា «អ្នកមានវត្តមាននៅទីនេះដើម្បីបម្រើដល់អ្នកដទៃ ។ វាមិនមែនសម្រាប់តែអ្នកជារៀងរាល់ពេលទេ» ។
ការប្រទះឃើញនេះបានផ្លាស់ប្តូរជីវិតរបស់លោកយ៉ាងខ្លាំង និងជួយឲ្យលោកធ្វើការសម្រេចចិត្តបានដោយងាយស្រួលជាងមុនផងដែរព្រោះពាក្យសម្តី ឬសកម្មភាពដែលលោកនឹងធ្វើអាចជួយឬមិនអាចជួយអ្នកដទៃបាន ។ គោលដៅ ឬតម្លៃក្នុងជីវិតជាកត្តាសំខាន់មួយសម្រាប់មនុស្សម្នាក់ៗ ព្រោះវាជាអ្វីដែលជះឥទ្ធិពលលើសកម្មភាព និងការសម្រេចចិត្តរបស់យើង ។ វាជាអ្វីដែលយើងជឿជាក់លើ និងមិនអាចតវ៉ាបានមិនថាអ្នកដទៃនិយាយយ៉ាងណា ។
ប្រសិនបើអ្នកទទួលបានសំណួរដូចលោកឃុក តើអ្នកអាចឆ្លើយបានទេ? សំណួរនេះមានសារៈសំខាន់ណាស់ព្រោះវាទាក់ទិននឹងសំណួរថា តើអ្នកកំពុងតែរស់នៅដោយប្រកាន់ខ្ជាប់តម្លៃក្នុងជីវិតជារៀងរាល់ថ្ងៃទេ? មានតែពេលអ្នកឆ្លើយសំណួរទាំងពីរនេះចេញទេទើបអ្នកអាចរកឃើញការងារ ឬអាជីវកម្មដែលអ្នកពិតជាស្រលាញ់ និងមានចិត្តប្តេជ្ញាខិតខំធ្វើឲ្យខ្លួនជោគជ័យ ៕ កែសម្រួលដោយ ៖ សុឃាក់
ចែករំលែកព័តមាននេះ