កីឡាករចូលនិវត្តន៍ម្នាក់ថា ពិបាកយកឈ្នះ Messi ជាង Ronaldo
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមរបស់ក្រុម FC Barcelona កីឡាករ Lionel Messi…
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមរបស់ក្រុម FC Barcelona កីឡាករ Lionel Messi…
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមរបស់ក្រុម FC Barcelona កីឡាករ Lionel Messi និងខ្សែប្រយុទ្ធឆ្នើមរបស់ក្រុម Juventus កីឡាករ Cristiano Ronaldo តែងតែត្រូវបានគេប្រៀបធៀបគ្នាជានិច្ច ប៉ុន្តែអតីតកីឡាករបាល់ទាត់អន្តរជាតិ Micah Richards បានពន្យល់លម្អិតថា ហេតុអ្វីបានជាគាត់គិតថា អាហ្សង់ទីន Messi ជាគូប្រជែងពិបាកជាងខ្សែប្រយុទ្ធព័រទុយហ្កាល់ Ronaldo។
កីឡាករទើបចូលនិវត្តន៍ថ្មីៗនេះ Micah Richards ដែលធ្លាប់លេងឱ្យក្រុម Manchester City និងអង់គ្លេស បានឡើងប្រកួតជាមួយកំពូលតារាឆ្នើមទាំងពីរដង ក្នុងអាជីពរបស់គាត់ ហើយយល់ថា ការលេងតទល់នឹង Messi គឺពិបាកយកឈ្នះជាងការលេងជាមួយនឹង Ronaldo។
នៅក្នុងបទសម្ភាសន៍នាពេលថ្មីៗនេះ បុរសវ័យ៣១ឆ្នាំរូបនេះ បានបង្ហើបថា គាត់មិនអាចទាយដឹង Messi ទុកមុនបានទេ ហើយក៏មិនដឹងដោះស្រាយយ៉ាងដូចម្តេចដែរ។ តែសម្រាប់ Ronaldo វិញ គាត់អាចដោះស្រាយបាន។
Micah បានប្រាប់ទៅសារព័ត៌មាន Sport Bible ថា៖ «នៅពេលដែលត្រូវបានគេសួរថា គូរប្រជែងណាពិបាកយកឈ្នះជាងគេ ខ្ញុំនឹងឆ្លើយថា ជា Lionel Messi ។ នេះក៏ព្រោះតែខ្ញុំបានឡើងលេងជាមួយនឹង Ronaldo ដែរ តែខ្ញុំអាចចាត់ការគេបាន។
ខ្ញុំមិនគិតថា វាស្រួលនោះទេ។ ពួកយើងបានទៅប្រយុទ្ធនឹង Manchester United ហើយខ្ញុំលេងតទល់នឹងគេបានល្អ ខណៈដែលខ្ញុំពិបាកចាត់ការជាមួយនឹង Messi។ គេស្ថិតនៅកម្រិតមួយផ្សេងទៀត»។
គួរបញ្ជាក់ផងដែរថា Richards បានចំណាយពេលភាគច្រើននៃអាជីពរបស់គាត់ ក្នុងនាមជា City មុនពេលប្រកបអាជីពនៅឯ Fiorentina ក្នុងប្រទេសអ៊ីតាលី និង Aston Villa៕ (កែសម្រួលដោយ ៖ បុប្ផា)
ចែករំលែកព័តមាននេះ