គន្លឹះមាស ដើម្បីឆ្លងផុតគ្រោះចង្រៃក្នុងជំនួញ

ថ្ងៃទី ០៨ ខែ វិច្ឆិកា ឆ្នាំ ២០១៩

ម៉ោង ១៦:៣៧

បើតាមលោកមហាសេដ្ឋី វ៉ារេន បាហ្វេ (Warren Buffett) អាជីវកម្មឬក្រុមហ៊ុនអាចឆ្លងផុតគ្រោះភ័យបាន ដោយធ្វើតាម ជំហានខាងក្រោមនេះ៖

១. គិតពីស្ថានការខុសៗគ្នា ៖ អ្នកដឹកនាំដែលជោគជ័យតែងមានសមត្ថភាពក្នុងការរៀនចំខ្លួនសម្រាប់គ្រប់ស្ថានការ។ ពួកគេនឹងហៅក្រុមការងារ ទៅប្រជុំប៉ុន្មានថ្ងៃដើម្បីពិភាក្សាពីស្ថានការខុសៗគ្នាដែលអាចនឹងកើតឡើងក្នុងឆ្នាំក្រោយ និងមធ្យោបាយនៃ ការឆ្លើយតបដែលល្អបំផុតទៅនឹងស្ថានការទាំងនោះ។ ប៉ុន្តែកត្តាដែលសំខាន់គឺមនុស្សដែល ចូលរួមការប្រជុំគឺ សុទ្ធមានជំនាញខុសៗគ្នាដែលអាចផ្តល់គំនិតកាន់តែច្រើនក្នុងកិច្ចប្រជុំ។

២. រៀបចំផែនការសម្រាប់គ្រប់ស្ថានការណ៍ ៖ បន្ទាប់ពីអ្នកគិតហើយ អ្នកត្រូវតែរៀបចំផែនការច្បាស់លាស់សម្រាប់ស្ថានការនីមួយៗដែលអាចនឹងកើតឡើង។ ជំហាននេះគួរតែត្រូវបានចូលរួមដោយគ្រប់ផ្នែកនានាក្នុងអាជីវកម្ម ឬក្រុមហ៊ុនរបស់អ្នកដើម្បីដឹងច្បាស់ពី តួនាទីរបស់មនុស្សម្នាក់ៗរាល់ពេលដែលមានគ្រោះភ័យ។

៣. អនុវត្តផែនការ ៖ ផែនការដែលច្បាស់លាស់មិនចាំបាច់ត្រូវការមនុស្សស្រែកប្រាប់បុគ្គលិកគ្រប់គ្នាឲ្យអនុវត្តទេ គឺវាត្រូវបានអនុវត្តដោយ ស្វ័យប្រវត្តិពេលដែលមានគ្រោះភ័យកើតឡើង។ មនុស្សក្នុងក្រុមហ៊ុនមិនរត់ឆ្លេឆ្លា និងខ្ជះខ្ជាយធនធានឡើយ។ នៅពេលដែលគ្រោះភ័យមានវត្តមានឡើង មនុស្សទាំងអស់បានត្រៀមខ្លួនរួចជាស្រេចដើម្បីអនុវត្តវា ហើយមនុស្សម្នាក់ៗ ក៏ដឹងពីតួនាទីខ្លួនច្បាស់ដែរ។ ប្រែសម្រួលដោយ៖ ណៃ ដាលីន (កែសម្រួលដោយ ៖ បុប្ផា)

អត្រាប្តូរប្រាក់

អត្រាប្តូរប្រាក់ផ្សេងទៀត