រាជធានីភ្នំពេញ ៖ នៅពេលមនុស្សគ្រប់គ្នាសុទ្ធតែអាចបង្កើតវេបសាយ និងហ្វេសប៊ុកផេកបាន ការឃោសនាត្រូវបានគេយល់ថា កាន់តែងាយស្រួល។ ប៉ុន្តែអ្នកជំនាញនិយាយថា ការបង្កើតវេបសាយ និងហ្វេសប៊ុកគឺមិនពិតជាជោគជ័យក្នុងការផ្សព្វផ្សាយទូទៅទេនៅក្នុងសម័យកាលឌីជីថល កាលបើគេមិនមានជំនាញផលិតខ្លឹមសារដែលមានភាពទាក់ទាញគ្រប់គ្រាន់សម្រាប់ឱ្យមនុស្សចូលអាន…
រាជធានីភ្នំពេញ ៖ នៅពេលមនុស្សគ្រប់គ្នាសុទ្ធតែអាចបង្កើតវេបសាយ និងហ្វេសប៊ុកផេកបាន ការឃោសនាត្រូវបានគេយល់ថា កាន់តែងាយស្រួល។ ប៉ុន្តែអ្នកជំនាញនិយាយថា ការបង្កើតវេបសាយ និងហ្វេសប៊ុកគឺមិនពិតជាជោគជ័យក្នុងការផ្សព្វផ្សាយទូទៅទេនៅក្នុងសម័យកាលឌីជីថល កាលបើគេមិនមានជំនាញផលិតខ្លឹមសារដែលមានភាពទាក់ទាញគ្រប់គ្រាន់សម្រាប់ឱ្យមនុស្សចូលអាន ឬទស្សនានោះ។
លោក ងួន សេរ័ត្ន សាស្ត្រាចារ្យផ្នែកទំនាក់ទំនងសាធារណៈនៅ ដេប៉ាតឺម៉ង់ត៍ សារព័ត៌មាន និងសារគមនាគមន៍នៃសាកលវិទ្យាល័យភូមិនភ្នំពេញបាននិយាយថា វេបសាយ និងហ្វេសប៊ុក គឺគ្រាន់តែច្រកសម្រាប់បញ្ចេញព័ត៌មានប៉ុណ្ណោះ។ ដូច្នេះដើម្បីជោគជ័យនៅក្នុងការផ្សព្វផ្សាយ គេត្រូវចេះបង្កើតខ្លឹមសារព័ត៌មាន ( content) ឱ្យបានល្អ មានភាពទាក់ទាញ មានប្រយោជន៍ និងចំគោលដៅ។ លោកនិយាយថា នៅពេលដែលខ្លឹមសារល្អនៅក្នុងវេបសាយនិងហ្វេសប៊ុក ពេលនោះវានឹងធ្វើឱ្យមានអ្នកមើល និងអ្នកអានច្រើន។ ដូច្នេះអ្នកអាចជោគជ័យនៅក្នុងការផ្សព្វផ្សាយបាន។
លោកបានពន្យល់ថា បច្ចេកវិទ្យាបានបើកឱកាសកាន់តែច្រើនដល់មនុស្សគ្រប់រូបក្នុងការធ្វើការផ្សព្វផ្សាយអំពីផលិតផល និងសេវាកម្មរបស់ពួកគេនៅក្នុងការប្រកបរបរប្រចាំថ្ងៃ។ ប៉ុន្តែ ឧបសគ្គ គឺនៅតែមានសម្រាប់មនុស្សគ្រប់គ្នា។ នោះគឺការរកវិធីបង្កើតខ្លឹមសារឲ្យបានល្អ។ ហេតុដូច្នេះ ហើយបានជាគេនិយាយថា «ខ្លឹមសារគឺជាស្តេច» ។
ដូច្នេះដើម្បីជោគជ័យនៅក្នុងការផ្សព្វផ្សាយ គឺទីមួយ-ប្រើច្រកបញ្ចេញព័ត៌មានឲ្យបានត្រឹមត្រូវដែលអាចជាកាសែត ទូរទស្សន៍ វេបសាយ និងហ្វេសប៊ុកជាដើម។ បន្ទាប់មកគឺការផលិតខ្លឹមសារដែលមានភាពទាក់ទាញ និងមានប្រយោជន៍ ដល់អ្នកអាននិងអ្នកទស្សនា។ ដោយសារតែហេតុនេះហើយ គេឃើញថា ការផ្សព្វផ្សាយជាវីដេអូ និងអត្ថបទ ( PR stories and videos) កាន់តែពេញនិយមសម្រាប់ការផ្សព្វផ្សាយនាសម័យកាលនេះ។
សារព័ត៌មាន «កោះសន្តិភាព» បានបង្កើតសេវាកម្មនៃការផ្សព្វផ្សាយតាមរយៈការផលិតអត្ថបទ PR និងវីដេអូ បម្រើដល់អតិថិជនរបស់ខ្លួនដែលមានចំណូលចិត្តធ្វើការផ្សព្វផ្សាយតាមរយៈអត្ថបទ និងវីដេអូដែលមានភាពទាក់ទាញនេះតាមបណ្តាញទាំងអស់របស់ខ្លួន។ សេវាកម្មផ្សព្វផ្សាយតាមអត្ថបទ និងវីដេអូនោះរួមមាន ការផលិតអត្ថបទសម្រាប់ផ្សាយតាមកាសែត តាមវេបសាយ និងហ្វេសប៊ុក និងការផលិតវីដេអូផ្សព្វផ្សាយតាមរយៈទូរទស្សន៍អនឡាញរបស់កោះសន្តិភាព កម្មវិធីព័ត៌មាន 60 Buzz កម្មវិធីម្ហូបអាហារ FaceTaste កម្មវិធីព័ត៌មាន Softfeed និង កម្មវិធីជាច្រើនទៀតរបស់សារព័ត៌មានកោះសន្តិភាព។
ហេតុអ្វីបានជាអ្នកត្រូវជ្រើសរើសយក «កោះសន្តិភាព» សម្រាប់ការផ្សព្វផ្សាយតាមអត្ថបទ និងវីដេអូ?
អ្នកស្រី ថុង សុវណ្ណរង្សី នាយកផ្នែកលក់នៃសារព័ត៌មាន «កោះសន្តិភាព» បានពន្យល់ថា មុននឹងសម្រេចធ្វើការផលិតអត្ថបទ និងវីដេអូសម្រាប់ការផ្សព្វផ្សាយ យើងពិភាក្សា និងផ្តល់យោបល់ដល់អតិថិជនដើម្បីធ្វើយ៉ាងណាឱ្យអត្ថបទ ឬវីដេអូដែលផលិតមកមានអ្នកអាន និងអ្នកទស្សនាច្រើន។ ទីពីរនៅ «កោះសន្តិភាព» យើងមានអ្នកជំនាញច្បាស់លាស់នៅក្នុងផ្នែកសារព័ត៌មានទំនាក់ទំនងសាធារណៈដែលយល់ច្បាស់ពីយុទ្ធសាស្ត្រនៃការផ្សព្វផ្សាយតាមរយៈអត្ថបទ និងវីដេអូតាមបណ្តាញសង្គម។
អ្នកស្រី ថុង សុវណ្ណរង្សី មានប្រសាសន៍បន្ថែមថា ចំណុចទីបីនោះគឺ «កោះសន្តិភាព» មាន
បណ្តាញសារព័ត៌មានគ្រប់ទម្រង់ ដែលសុទ្ធតែមានប្រជាប្រិយភាពនៅកម្ពុជាដូចជាកាសែតកោះសន្តិភាព វេបសាយកោះសន្តិភាព ដែលមានអ្នកអានចំនួនពី៣០ទៅ៥០ម៉ឺននាក់ក្នុងមួយថ្ងៃ និងហ្វេសប៊ុកផេកដែលមានអ្នកគាំទ្រជិតបួនលាននាក់។ និយាយឱ្យខ្លីដើម្បីភាពជោគជ័យនៅក្នុងផ្សព្វផ្សាយផលិតផល ឬសេវាកម្មរបស់អតិថិជនអោយបានជោគជ័យ «កោះសន្តិភាព» នឹងផលិតចេញជាអត្ថបទ និងវីដេអូដែលធានាថា នឹងអាចមានអ្នកអាន និងទស្សនាដល់រាប់ម៉ឺននាក់តាមបណ្តាញសារព័ត៌មានដ៏ពេញនិយមទាំងអស់ដែលខ្លួនមាន។
សម្រាប់ព័ត៌មានលម្អិតទាក់ទងនឹងការផលិតអត្ថបទ និងវីដេអូអំពីផលិតផល និងសេវាកម្មរបស់លោកអ្នក សូមទំនាក់ទំនងមកកាន់លេខ ៖ 098 555-627/076 6868-000/023 987-118 ៕ ដោយសហការ
