ប្រទេសកម្ពុជាកំពុងទទួលបាននូវកំណើន និងការរីកចម្រើនយ៉ាងខ្លាំងនាពេលថ្មីៗនេះ។ យើងសម្បូររុងរឿងជាង យើងរស់នៅប្រសើរជាង ហើយយើងរស់នៅបានយូរជាង។ គ្មានពេលណា ប្រសើរជាងនេះដែលត្រូវចាប់ផ្ដើមគិតអំពីសុខភាពរបស់លោកអ្នកទេ ដោយសារវាគឺជាអ្វីមួយដែលប្រាក់មិនអាចទិញបាន។
ប្រទេសកម្ពុជាកំពុងទទួលបាននូវកំណើន និងការរីកចម្រើនយ៉ាងខ្លាំងនាពេលថ្មីៗនេះ។ យើងសម្បូររុងរឿងជាង យើងរស់នៅប្រសើរជាង ហើយយើងរស់នៅបានយូរជាង។ គ្មានពេលណា ប្រសើរជាងនេះដែលត្រូវចាប់ផ្ដើមគិតអំពីសុខភាពរបស់លោកអ្នកទេ ដោយសារវាគឺជាអ្វីមួយដែលប្រាក់មិនអាចទិញបាន។
ដោយសារការបំពុលកាន់តែច្រើននៅក្នុងចំណីអាហារដែលយើងទទួលទាន និងខ្យល់បរិយាកាសដែលយើង ដកដង្ហើម យើងចាំបាច់ត្រូវតែការពារខ្លួនយើងពីជំងឺមហារីក។ ជំងឺមហារីកសួត ពោះវៀនធំ ក្រពេញប្រូស្ដាត សុដន់ និងមាត់ស្បូន កំពុងកើតមានកាន់តែច្រើនឡើងៗ។ ប្រសិនបើត្រូវបានពិនិត្យឃើញឆាប់រហ័សគ្រប់គ្រាន់ ជំងឺទាំងនេះអាចព្យាបាលឱ្យជាសះស្បើយបាន។ ជំងឺមហារីកដែលត្រូវបានពិនិត្យឃើញយឺតពេលជាញឹកញាប់ មិនអាចព្យាបាលបានឡើយ ឬអាចទាមទារការព្យាបាលដោយគីមី និងការវះកាត់ធំ ដែលមានការឈឺចាប់ និងការចំណាយខ្ពស់។
នៅពេលយើងមានអាយុកាន់តែច្រើន យើងក៏ចាប់ផ្ដើមមានជំងឺរ៉ាំរ៉ៃ ដូចជា ជំងឺទឹកនោមផ្អែម សម្ពាធឈាមខ្ពស់ និងជាតិកូឡេស្ដេរ៉ូលខ្ពស់ ដែលប្រសិនបើទុកចោលមិនព្យាបាលនឹងបណ្ដាលឱ្យខូចផ្នែកផ្សេងទៀតជាច្រើននៃរាងកាយរបស់លោកអ្នក។ ឧទាហរណ៍ ជំងឺទឹកនោមផ្អែមអាចបណ្ដាលឱ្យពិការភ្នែក ខូចតម្រងនោម គាំងបេះដូង ដាច់សរសៃឈាមក្នុងខួរក្បាល ស្ពឹកដៃជើង និងឆ្លងរោគ។
លោកអ្នកអាចចាប់ផ្ដើមថែទាំសុខភាពរបស់លោកអ្នកបាន តាមរយៈការកែប្រែរបៀបដែលលោកអ្នករស់នៅ និងទទួលទាន។ ឧទាហរណ៍ ហានិភ័យនៃការកើតជំងឺបេះដូង ក៏ដូចជាជំងឺផ្សេងទៀតជាច្រើន អាចត្រូវបានកាត់បន្ថយតាមរយៈការទទួលទានអាហារត្រឹមត្រូវ បន្ថែមលើការហាត់ប្រាណគ្រប់គ្រាន់។ ត្រូវទទួលទានបន្លែ ផ្លែឈើ និងត្រីឱ្យបានច្រើនជាងមុន។ ចៀសវាងសាច់ក្រហម អាហារខ្លាញ់ និងចៀន បំពង។ ត្រូវកាត់បន្ថយទម្លាប់ជក់បារីរបស់លោកអ្នក។ ជំហានទាំងនេះ ក៏នឹងជួយលោកអ្នកកាត់បន្ថយហានិភ័យនៃការកើតជំងឺមហារីកផងដែរ។
ក្រៅពីការរស់នៅឱ្យមានសុខភាពល្អ ការពិនិត្យសុខភាពប្រចាំឆ្នាំ គឺជាវិធីល្អមួយក្នុងការបង្ការ និងស្វែងរកបញ្ហាសុខភាពឱ្យឃើញមុនពេលវាកើតឡើង។ មនុស្សភាគច្រើននឹងមិនបង្ហាញរោគសញ្ញាអ្វីឡើយ នៅដំណាក់កាលដំបូងៗនៃជំងឺរបស់ពួកគេ។ នៅពេលដែលលោកអ្នកចាប់ផ្ដើមមានអារម្មណ៍មិនស្រួសខ្លួន វាប្រហែលជាដំណាក់កាលធ្ងន់ធ្ងរទៅហើយនៃជំងឺរបស់លោកអ្នក។
ការពិនិត្យសុខភាពប្រចាំឆ្នាំ គឺជាការពិនិត្យវេជ្ជសាស្ដ្រពេញលេញមួយដែលជាធម្មតាត្រូវការរយៈពេលតែពីរបីម៉ោងប៉ុណ្ណោះ ដើម្បីធ្វើវា។ ការពិនិត្យសុខភាពរួមមានការសាកសួរប្រវត្ដិជំងឺពេញលេញ និងការពិនិត្យដោយវេជ្ជបណ្ឌិត ដែលមានការបណ្ដុះបណ្ដាលពេញលេញ បន្ទាប់មកនឹងណែនាំលោកអ្នកអំពីការធ្វើតេស្ដ ដែលនឹងមានប្រយោជន៍បំផុតចំពោះលោកអ្នក។ ការអង្កេត តាមដានអាចរួមបញ្ចូលទាំងការធ្វើតេស្ដឈាម ការថតកាំរស្មីអ៊ិច ការថតអេកូ និងវិធីផ្សេងទៀត ដែលអាចមានការចាំបាច់។ សម្ពាធឈាម កម្ពស់ និងទម្ងន់របស់លោកអ្នក ក៏នឹងត្រូវបានវាស់ផងដែរ ដើម្បីផ្ដល់ឱ្យលោកអ្នកនូវការពិនិត្យល្អិតល្អន់។
ជាមួយនឹងលទ្ធផលនៃការអង្កេតតាមដានរបស់លោកអ្នក វេជ្ជបណ្ឌិតរបស់លោកអ្នកនឹងអាចធ្វើរោគវិនិច្ឆ័យជូនលោកអ្នកអំពីជំងឺណាមួយដែលលោកអ្នកអាចមាន និងណែនាំលោកអ្នកថា តើការព្យាបាលអ្វីខ្លះអាចមានការចាំបាច់។ វេជ្ជបណ្ឌិត ក៏នឹងណែនាំលោកអ្នកអំពីវិធីប្រសើរបំផុត នៃការសម្រេចគោលដៅសុខភាពរបស់លោកអ្នកផងដែរ ដូចជា ទម្លាប់រស់នៅ និងដំបូន្មានអំពីរបបអាហារ។
សុខភាពរបស់លោកអ្នក គឺជាទ្រព្យសម្បត្ដិដ៏សំខាន់បំផុតរបស់លោកអ្នក ហើយនឹងកំណត់គុណភាពនៃជីវិតដែលលោកអ្នករស់នៅ។ ការពិនិត្យសុខភាពជាប្រចាំ គឺជាការវិនិយោគមួយទៅលើអនាគតផ្ទាល់ខ្លួនរបស់លោកអ្នកដែលអនុញ្ញាតឱ្យលោកអ្នកអាចការពារ និងលើកកម្ពស់សុខភាពរបស់លោកអ្នកបាន នឹងរួមចំណែកធ្វើឱ្យគុណភាពជីវិតកាន់តែប្រសើរ។
អត្ថបទនេះត្រូវបានសរសេរដោយវេជ្ជ Jonathan Yong
នាយកវេជ្ជសាស្ដ្រនៃ The Wellness Suite, មន្ទីរព្យាបាលមួយនៃ Singapore Medical Group (SMG)
វេជ្ជបណ្ឌិតរបស់យើង
វេជ្ជ Jonathan Yong, MB BCh BAO (NUI) LRCP & SI,សញ្ញាបត្រផ្នែកវេជ្ជសាស្ដ្រថែសម្ពស្ស (AAAM) សញ្ញាបត្រផ្នែកជំងឺសើស្បែកអនុវត្ដន៍ (Cardiff) វេជ្ជ Jonathan Yong បានបញ្ចប់ការសិក្សាដោយទទួលបានសញ្ញាបត្រវេជ្ជសាស្ដ្រពី Royal College of Surgeons ក្នុងប្រទេសអៀរឡង់ និងសាកលវិទ្យាល័យជាតិអៀរឡង់។
វេជ្ជ Yong បានចូលរួមជាទៀតទាត់ក្នុងបង្រៀន សិក្ខាសាលា និងការបណ្ដុះបណ្ដាលសំខាន់ៗ ដោយហេតុនេះគាត់ទទួលបានចំណេះដឹងថ្មីៗអំពីការរីកចម្រើនទាំងឡាយនៅក្នុងវិស័យវេជ្ជសាស្ដ្រ ដែលកំពុងមានការវិវត្ដន៍យ៉ាងឆាប់រហ័សនេះ។ ដោយបានបម្រើការងារនៅក្នុងមន្ទីរពេទ្យរដ្ឋជាច្រើន វេជ្ជ Yong មានបទពិសោធន៍ជាច្រើនឆ្នាំនៅក្នុងជំនាញវះកាត់ វេជ្ជសាស្ដ្រសង្គ្រោះបន្ទាន់ និងសណ្ដំ។
អំពី អេសអឹមជី -SMG (ស៊ីងហ្គាពួរមេឌីខលគ្រូប Singapore Medical Group)
អេសអឹមជី -(SMG) គឺជាអ្នកផ្ដល់ការថែទាំសុខភាព ឯកទេសឯកជនមួយដែលមានបណ្ដាញគ្រួពេទ្យ ឯកទេសចំនួន២២ ។ ក្រុមការងារនេះ ប្ដេជ្ញាចិត្ដបំពេញ ការសន្យារបស់ខ្លួនក្នុងការផ្ដល់ការថែទាំ និងបទពិសោធន៍ ផ្នែកវេជ្ជសាស្ដ្រដោយផ្ដោតលើអ្នកជំងឺដល់បុគ្គលគ្រប់រូប។
បច្ចុប្បន្ន ក្រុមការងារនេះ មានគ្លីនិកសរុបចំនួន១៤កន្លែង ដែលមានទីតាំងយុទ្ធសាស្ដ្រនៅក្នុងមជ្ឈមណ្ឌលឯកទេស Paragon មជ្ឈមណ្ឌលឯកទេស Mount Elizabeth Novena មជ្ឈមណ្ឌលវេជ្ជសាស្ដ្រ Novena និងមជ្ឈមណ្ឌលវេជ្ជសាស្ដ្រ Gleneagles ដែលមានបណ្ដាញគ្លីនិក SMGAssociates កាន់តែច្រើនឡើងៗ។
សម្រាប់ព័ត៌មានបន្ថែមសូមទំនាក់ទំនង
បុគ្គលិកខ្មែរប្រចាំ អេសអឹមជី (SMG)
ទូរស័ព្ទទំនាក់ទំនង២៤ម៉ោង ៖ +៦៥ ៩៨៤២ ៣៥៦០
អីុិម៉េល ៖ vanessa.sophors@smg.sg
ទីស្នាក់ការ អេសអឹមជី -SMG ប្រចាំនៅកម្ពុជា
ទូរស័ព្ទ ៖ 092 852 923/ 0977 668 266
អីុម៉េល ៖ enquiry@singaporemedical.sg
enquiry@medrefint.com
វែបសាយ ៖ www.singaporemedical.sg
ចែករំលែកព័តមាននេះ