ខេត្តសៀមរាប ៖ ពាក់ព័ន្ធជម្លោះព្រំដែនដែលបង្កើតឡើងដោយភាគីថៃ ដោយឯកតោភាគីនោះ នាយករដ្ឋមន្ត្រី កម្ពុជាបានកំពុងតែពិចារណាបិទច្រកព្រំដែនអានសេះមួយទៀតជាមួយថៃ ជាអចិន្ត្រៃយ៍តែម្តង បន្ទាប់ពីធ្វើការបិទផ្អាកព្រំដែនចំនួន២ នៅក្នុងខេត្តឧត្តរមានជ័យកន្លងមកនេះ ។…
ខេត្តសៀមរាប ៖ ពាក់ព័ន្ធជម្លោះព្រំដែនដែលបង្កើតឡើងដោយភាគីថៃ ដោយឯកតោភាគីនោះ នាយករដ្ឋមន្ត្រី កម្ពុជាបានកំពុងតែពិចារណាបិទច្រកព្រំដែនអានសេះមួយទៀតជាមួយថៃ ជាអចិន្ត្រៃយ៍តែម្តង បន្ទាប់ពីធ្វើការបិទផ្អាកព្រំដែនចំនួន២ នៅក្នុងខេត្តឧត្តរមានជ័យកន្លងមកនេះ ។
ថ្លែងឱកាសបិទកិច្ចប្រជុំគណៈកម្មាធិការកណ្តាលសហភាពសហព័ន្ធយុវជនកម្ពុជានៅខេត្តសៀមរាប នាព្រឹកថ្ងៃទី២៣ ខែមិថុនា ឆ្នាំ២០២៥ ពាក់ព័ន្ធនឹងច្រកអានសេះសម្តេចបវរធិបតី ហ៊ុន ម៉ាណែតនាយករដ្ឋមន្ត្រីបានលើកឡើងថា ភាគីថៃបានធ្វើការបើកច្រកព្រំដែនអានសេះមួយអាទិត្យបើក១ថ្ងៃ ហើយបើកតែ៣ម៉ោងតែប៉ុណ្ណោះ ។
សម្តេចបវរធិបតី បានគូសបញ្ជាក់ថា ៖«ឯកឧត្តម គឹម រិទ្ធី អភិបាលខេត្តព្រះវិហារ ថ្ងៃមុនមកសួរខ្ញុំដែរច្រកអានសេះថា គេបើកចុះបើកឡើងយ៉ាងម៉េចស្រេចតែគេ… ហើយឥលូវគេបើកមួយអាទិត្យតែ១ថ្ងៃ និងតែ៣ម៉ោងគត់ ។ ខ្ញុំប្រាប់ថា ទេអាហ្នឹង យ៉ាងម៉េចយ៉ាងណា បិទចោលអចិន្ត្រៃយ៍តែម្តងទៅ» ។
ជាមួយគ្នានោះដែរ សម្តេចបវរធិបតី បានលើកឡើងថា នៅពេលដែលកម្ពុជាសម្រេចបិទច្រកព្រំដែនហើយ គឺបិទផ្អាកទាំស្រុងតែម្តងរហូតដល់ព្រំដែនទូទាំងប្រទេសបើកទាំងអស់ឡើងវិញទើបបើកបាន ។
សម្តេចបវរធិបតី បានគូសបញ្ជាក់ថា ៖«មិនមែនយើងបើកព្រំដែនជប់គគី គេបើកហើយ យើងបើក ហើយគេបិទយើងបិទនោះទេ គឺយើងបិទ គឺបិទអចិន្ត្រៃយ៍ រហូតដល់អ្នកឯកបើកជាឯកតោភាគី ហើយបើកទូទាំងព្រំដែនដូចមុនថ្ងៃ៧ ខែមិថុនា ឆ្នាំ២០២៥ ទើបកម្ពុជាគិតគូរក្នុងការបើកកន្លែងបិទនោះឡើងវិញ» ។
សម្តេចធិបតី នាយករដ្ឋមន្ត្រី បានអះអាងថា កម្ពុជាមិនមែនលេងល្បែ.ងលឹបលនោះទេ ហើយលោ.តចុះលោ.តឡើងតាមចិត្តខ្លួននោះទេ ។ កម្ពុជាមិនរញ៉េរញ៉ៃលេងល្បែ.ងជាមួយអ្នកនោះទេ ប៉ុន្តែបើអ្នកឯងចង់លេងនោះយើងក៏កំដរ ។ បើចង់លេងល្បែ.ងសេដ្ឋកិច្ចយើងកំដរ ល្បែ.ង ជាតិនិយម អ្នកឯងបំផុស និងការបង្ហាញកងកម្លាំងប្រដា.ប់អាវុ.ធ មានបង្ហាញយន្តហោះដ្រូន មានដ្រូនដាក់គ្រា.ប់បែ.ក រថក្រោះ…។
ពាក់ព័ន្ធនឹងឯកឧត្តម ទៀ សីហា បានប្រាប់ថា កម្ពុជាគ្មានទេ មានតែអាវុធបា.ញ់រថក្រោះ និងអាវុធផ្សេងៗទៀត ។
ជាមួយគ្នានោះដែរ សម្តេចបវរធិបតី បានលើកឡើងថា ការដាក់កម្លាំងប្រដា.ប់អាវុ.ធ រួមនឹងអាវុ.ធនេះ ដើម្បីការពារទឹកដី ការពារជាតិ មិនមែនដាក់សម្រាប់ដណ្តើមទឹកដីអ្នកណានោះទេ ៕
ចែករំលែកព័តមាននេះ