រាជធានីភ្នំពេញ ៖ ស្ត្រី២នាក់បានរងរបួសជើងធ្ងន់ ត្រូវគេបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវរថយន្តដឹកធុងទឹកកកបើកបុក និងកិន កាលពីវេលាម៉ោង២ និង០៥នាទីរសៀល ថ្ងៃទី១១ ឧសភា ២០១៤ នៅតាមផ្លូវបេតុង ស្ថិតក្នុងភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ។
រាជធានីភ្នំពេញ ៖ ស្ត្រី២នាក់បានរងរបួសជើងធ្ងន់ ត្រូវគេបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវរថយន្តដឹកធុងទឹកកកបើកបុក និងកិន កាលពីវេលាម៉ោង២ និង០៥នាទីរសៀល ថ្ងៃទី១១ ឧសភា ២០១៤ នៅតាមផ្លូវបេតុង ស្ថិតក្នុងភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ។
ស្ត្រីរងគ្រោះទាំង២នាក់មិនត្រូវបានគេស្គាល់អត្តសញ្ញាណទេ ។ ប្រភពបានឱ្យដឹងថា មុនពេលកើតហេតុគេឃើញរថយន្តដឹកធុងទឹកកកម៉ាកហ៊ីយ៉ាន់ដាយ ពណ៌ស ពាក់ស្លាកលេខ៣C៣៣៦៣ ធ្វើដំណើរពីជើងទៅត្បូង ចំណែកស្ត្រីរងគ្រោះទាំង២នាក់ជិះម៉ូតូម៉ាកឌ្រីមសេ១២៥ ពណ៌ខ្មៅ ពាក់ស្លាកលេខ១O៤៤៩៨ ធ្វើដំណើរតាមផ្លូវលំក្នុងទិសដៅពីលិចទៅកើត ។ ខណៈម៉ូតូស្ត្រីរងគ្រោះកំពុងជិះឡើងមកលើថ្នល់ គាប់ជួនរថយន្តដឹកធុងទឹកកកបើកមកដល់ដែរចាប់ហ្វ្រាំងមិនទាន់បានជ្រុលទៅបុក និងកិនស្ត្រីរងគ្រោះពេញទំហឹងបណ្តាលឱ្យរបួសធ្ងន់តែម្តង។
ក្រោយកើតហេតុអ្នកបើករថយន្តបានរត់គេចខ្លួនបាត់ស្រមោល៕
ចែករំលែកព័តមាននេះ