រាជធានីភ្នំពេញ ៖ ពាក់ព័ន្ធរឿងដែលកំពុងធ្វើឱ្យមានការភ្ញាក់ផ្អើលនេះ ត្រូវបាននាយក្រិនបានអះអាងប្រាប់កោះសន្តិភាពនៅថ្ងៃទី៣០ តុលា នេះថា អ្វីដែលលោកបង្ហោះនោះគឺជារឿងពិត ប៉ុន្តែលោកមិនអធិប្បាយចំពោះរឿងរ៉ាវ ដែលនៅពីក្រោយនាំអោយមានដំណឹងការបែកបាក់នេះឡើយ ។ គួរបញ្ជាក់ថា តារាកំប្លែងមាឌល្អិតនាយក្រិន ត្រូវបានភរិយារបស់ផិតក្បត់ ដោយទុកឱ្យលោកទទួលរ៉ាប់រងកូនទាំង៣នាក់ក្នុងបន្ទុក ដែលដំណឹងពីការបែកបាក់គ្រួសារនេះ ត្រូវបាននាយក្រិនទម្លាយឱ្យដឹងតាមបណ្តាញសង្គមហ្វេសប៊ុក កំពុងបង្កភ្ញាក់ផ្អើលយ៉ាងខ្លាំងពីមហាជន និងអ្នកគាំទ្រ ។
យ៉ាងណា នៅមិនទាន់ដឹងទេថា មូលហេតុនៅពីក្រោយរឿងរ៉ាវនៃការបែកបាក់គ្រួសាររបស់តារាកំប្លែងមាឌល្អិតនេះ ដោយសារអ្វីនោះឡើយ ។ ប៉ុន្តែតាមអ្វីដែលនាយក្រិនបង្ហោះសារដោយភ្ជាប់ជាមួយរូបកូនប្រុសទាំង២នោះ បញ្ជាក់យ៉ាងច្បាស់ពីការបែកបាក់ក្នុងរង្វង់គ្រួសារពីតារាកំប្លែងរូប។
នាយក្រិនបានសសេរបង្ហោះថា «ស៊ូនៅជាមួយប៉ា ស្រវ៉ា អោបបង ម៉ាក់ផិតប៉ាម្ដងហើយម្ដងទៀត កូនជូនពរម៉ាក់សុខផ្លូវកាយ»។ «ខ្ញុំយំព្រោះខឹង ម្ដាយខ្លួនជាមនុស្ស អារម្មណ៍ជាសត្វ» ។ តាមរយៈសារដែលបង្ហោះទាំងអស់នេះ នាំឲ្យមហាជនដាក់ការសង្ស័យថា តារាកំប្លែងមកពីខេត្តបាត់ដំបងរូបនេះទំនង កំពុងមានបញ្ហានៅក្នុងគ្រួសារ។
នាយក្រិនត្រូវបានគេដឹងថា មានប្រពន្ធ២ និងមានកូនចំនួន៤នាក់ ដោយនៅក្នុងនោះមាន ប្រុស២ស្រី២ និងកូនប្រពន្ធដើមប្រុស ១នាក់ដែលបច្ចុប្បន្នកំពុងរស់នៅជាមួយអតីតប្រពន្ធដើមនៅឯនៅឯខេត្តព្រះសីហនុ។
ក្រោយមក នាយក្រិនបានរៀបការជាមួយភរិយាទី២ ក្នុងអំឡុងឆ្នាំ ២០១៣ ដែលមកដល់ពេលនេះ មានរយៈពេលប្រមាណជាង៦ឆ្នាំមកហើយ ដោយទទួលបានកូន៣នាក់ ជាចំណងដៃ។ កូនទី១ ជាមួយភរិយាក្រោយ គឺជាកូនប្រុស មានវ័យជិត៥ឆ្នាំ កូនទី២ ស្រី មានវ័យជាង២ឆ្នាំ និងកូនទី៣ គឺជាកូនស្រីអាយុប្រមាណ១ឆ្នាំហើយ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ