រាជធានីភ្នំពេញ ៖ សិស្សឆ្នើមស្រីកម្ពុជាចំនួន៣រូប ប្រឡងជាប់ទទួលបានអាហារូបបករណ៍ទៅបន្តការសិក្សានៅប្រទេសសិង្ហបុរី រយៈពេល៤ឆ្នាំ តាមរយៈស្ថានទូតសិង្ហបុរីប្រចាំនៅកម្ពុ ជា ។ ថ្លែងក្នុងពិធីជួបជុំសិស្សដែលទទួលបានអាហារូបករណ៍ទាំង៣នាក់ កាលពីល្ងាចថ្ងៃទី២៤…
រាជធានីភ្នំពេញ ៖ សិស្សឆ្នើមស្រីកម្ពុជាចំនួន៣រូប ប្រឡងជាប់ទទួលបានអាហារូបបករណ៍ទៅបន្តការសិក្សានៅប្រទេសសិង្ហបុរី រយៈពេល៤ឆ្នាំ តាមរយៈស្ថានទូតសិង្ហបុរីប្រចាំនៅកម្ពុ ជា ។ ថ្លែងក្នុងពិធីជួបជុំសិស្សដែលទទួលបានអាហារូបករណ៍ទាំង៣នាក់ កាលពីល្ងាចថ្ងៃទី២៤ ខែតុលា នៅស្ថានទូតសិង្ហបុរី ។
លោក Michael Tan ឯកអគ្គរដ្ឋទូតសិង្ហបុរីប្រចាំនៅកម្ពុជា បានលើកឡើងថា អាហារូបករណ៍អាស៊ានត្រូវបានប្រគល់ឲ្យបេក្ខជនដោយផ្អែកលើលក្ខណៈវិនិច្ឆ័យយ៉ាងតឹងតែង និងច្បាស់លាស់ និងត្រូវបានវាស់ស្ទង់ដោយលទ្ធផលនៃការសិក្សារបស់បេក្ខជនអាស៊ាននៅក្នុងឆ្នាំសិក្សានោះ ។ ជ័យលាភីអាហារូបករណ៍នេះ ត្រូវបានប្រគល់ឲ្យបេក្ខជនដោយផ្អែកលើសមត្ថភាពរបស់បេក្ខជនផ្ទាល់ ។ លោកបន្តថា សិង្ហបុរីបានប្តេជ្ញាចិត្តថា នឹងបន្តភាពជាដៃគូរបស់ខ្លួនជាមួយនឹងកម្ពុជាលើការកសាងសមត្ថភាព ជាពិសេសការកសាងធនធានមនុស្ស និងវិស័យអប់រំ ។ ហើយនេះគ្រាន់ជាកិច្ចប្រតិបត្តិការទ្វេភាគីលើវិស័យមួយក្នុងចំណោមកិច្ចសហប្រតិបតិ្តការទេ្វភាគីលើវិស័យជាច្រើនទៀត ។
លោកបញ្ជាក់ថា«អាហារូបករណ៍អាស៊ាន គឺគន្លឹះមួយសម្រាប់ឈានទៅរកឱកាសនៃភាពជោគជ័យ ។ ការសិក្សារបស់បេក្ខជននាពេលអនាគតនឹងពិតជាមានឧបសគ្គច្រើនដែលតម្រូ វឲ្យបេក្ខជនត្រូវតែខិតខំរៀនសូត្រ ដើម្បីប្រកួតប្រជជែងជាមួយសិស្សពូកែៗនៅក្នុងថ្នាក់របស់ពួកគេក៏ដូចនៅក្នុងជំនាន់ជាមួយពួកគេផ្ទាល់ ។ បេក្ខជនទាំងអស់ត្រូវតែធ្វើយ៉ាងណាឲ្យខ្លួនឯងជាពិសេសមាតាបិតា ឬអណាព្យាបាលមានមោនភាពចំពោះជំនឿចិត្ត ការលះបង់ និងការប្តេជ្ញាចិត្តទៅបេក្ខជន» ។
ចំណែក លោក យក់ ង៉ុយ រដ្ឋលេខាធិការក្រសួងអប់រំ យុវជន និងកីឡា បានលើកឡើងថា ការជាប់ជ័យលាភីអាហារូបករណ៍អាស៊ាន ឆ្នាំ២០២០ ទៅសិក្សានៅសិង្ហបុរី របស់យុវតីកម្ពុជាទាំង០៣រូប គឺជាការសិក្សាមួយឆ្លើយតបនឹងសម័យបដិវត្តន៍ឧស្សាហកម្ម៤.០ ឬការសិក្សាសម័យទំនើបជឿនលឿន ។ លោកយល់ថា ការអប់រំបែបទំនើប និងធ្វើឲ្យសិស្សកាន់តែពូកែ ហើយនៅពេលដែលសិស្សពូកែ មានប្រជាពលរដ្ឋល្អ ដែលនឹងធ្វើឲ្យសេដ្ឋកិច្ចជាតិកាន់តែរីកចម្រើនផងដែរ ។
លោករំពឹងថា យុវតីទាំង០៣រូបនឹងក្លាយជាទំពាំងដ៏ល្អសម្រាប់ជាតិមិនខានឡើយ ។ លោករដ្ឋលេខាធិការក្រសួងអប់រំបានបញ្ជាក់យ៉ាងដូច្នេះថា ៖«ដូចយើងដឹងស្រាប់ហើយថា សម័យនេះជាសម័យបដិវត្តន៍ឧស្សាហកម្ម៤.០ ដែលវិទ្យាសាស្ត្រនេះឡើងគ្រប់បែបយ៉ាង ហើយពិសេសការបណ្តុះបណ្តាលក៏ត្រូវមានការផ្លាស់ប្តូរ ដើម្បីធ្វើឲ្យខឿនសេដ្ឋកិច្ចយើងដែរទាន់ការផ្លាស់ប្តូរនៃបច្ចេកវិទ្យានេះ ។ ការអប់រំដើរតួរសំខាន់ព្រោះធនធានមនុស្សជាមូលដ្ឋាននៃការអភិវឌ្ឍសេដ្ឋកិច្ច បើធនធានមនុស្សយើងខ្សោយការអភិវឌ្ឍសេដ្ឋកិច្ចយើងក៏ខ្សោយដែរ» ។
ក្នុងឱកាសនោះដែរ លោករដ្ឋលេខាធិការក៏បានចូលរួមអបអរសាទរជាមួយនឹងគ្រួសារ សិស្ស ដែលបានប្រឡងជាប់អាហារូបករណ៍នេះ ។ លោកបន្តថា ក្រសួងអប់រំក៏សូមអរគុណចំពោះឪពុកម្តាយ និងអាណាព្យាបាលដែលបានជួយទំនុកបម្រុងកូនឲ្យខិតខំរៀនសូត្របានពូកែបែបនេះ ។ ប្អូនស្រី ហូត ឈីវហ្កិច មកពីខេត្តតាកែវ ដែលជាប់អាហារូបករណ៍នេះបានឲ្យដឹងថា ប្អូន ស្រីបានដាក់ពាក្យប្រឡងក្នុងចំណោមបេក្ខជន២៣នាក់ ដោយប្អូនបានមើលឃើញការការប្រឡងយកអាហាររូបករណ៍នេះតាមផេកក្រសួងអប់រំ យុវជន និងកីឡា រួចហើយក៏ទិញពាក្យដាក់ប្រឡង ។
ប្អូនស្រីថា ការប្រឡងអាហាររូបករណ៍នេះ គេប្រឡងបីមុខវិជ្ជា គឺគណិតវិទ្យា ភាសាអង់គ្លេស និងចំណេះដឹងទូទៅ ពេលជាប់ដំបូងគេធ្វើកិច្ចសម្ភាសបន្ទាប់មករយៈពេលប្រមាណ៣សប្តាហ៍ ទើបគេប្រាក់ថា ប្អូនស្រីជាប់បានអាហាររូបករណ៍ទៅរៀននៅសិង្ហបុរី ។
សូមជម្រាបថា សិស្សដែលជាប់អាហាររូបករណ៍ទៅរៀននៅប្រទេសសិង្ហបុរីមាន ៖ កញ្ញា ជៀប ជាលីនដា កញ្ញា ហួត ឈីវហ្កិច កញ្ញា ម៉ាក់ ហេងគង្គារ ៕ កែសម្រួលដោយ ៖ សុឃាក់
ចែករំលែកព័តមាននេះ