រឿងក្រុមហ៊ុនផ្តាច់មុខ…ប្រមូលសំរាមនៅក្រុងភ្នំពេញ…ដូចតេជោសែន នាយករដ្ឋមន្ត្រីថ្លែងថ្មីៗនេះ…«ហួសដេឡេ» ប្រើប្រាស់ហើយ…ខូចគុណភាពវាយូរណាស់មកហើយ…ការថ្នាំងថ្នាក់ខឹងមិនពេញចិត្ត…ក៏វាយូរយាណាស់ដែរ…គិតតែពីប្រមូលលុយតាមវិក័យបត្រភ្លើង…អត់មានការឯកភាព ការយល់ព្រមពីអតិថិជនមួយសរសៃមមិះណាសោះ ។
ទស្សនៈមហាជនក្នុងក្រុងភ្នំពេញនិយាយថា…កាលបោះឆ្នោតថ្នាក់ជាតិឆ្នាំ២០១៣…ភ្នំពេញចាញ់បក្សប្រឆាំង…កក្តាធំបំផុតនោះគឺតម្លៃសេវាកម្មប្រមូលសំរាម…ក្តៅក្រហាយចង់១ពាន់អង្សា…អត់មានថ្នាក់ណាដោះស្រាយទេ…បើដោះស្រាយមានតែតម្លើងថ្លៃ…ម្ល៉ោះហើយមានតែមិនបោះឆ្នោតឱ្យបក្សកាន់អំណាចតែប៉ុណ្ណោះ ទើបត្រជាក់ចិត្ត ។
ទស្សនៈដដែលនិយាយថា…មេកាន់អំណាចកំពូលចេះ «ដកថយទាន់ពេល»ល្អណាស់…បើទុកឱ្យមេកាន់អំណាច«ថ្នាក់ក្រោមៗ» ដោះស្រាយ…មានតែរឿងមួយ «ជាន់ករាស្ត្រថែម» តែប៉ុណ្ណោះ…គឺយកចិត្តក្រុមហ៊ុន «តម្លើងថ្លៃឈ្នួល»…ឯសំរាមនៅតែ «ស្អុយឈ្ងុយ» ដដែល…ព្រោះសមត្ថភាពទាបពេក…គ្រប់គ្រងធំមិនអស់ហើយពូកែគំរាមអតិថិជនយកប្រាក់តាមរយៈមេធាវីអន្តរជាតិទៀត…រឿងអីមិនឡើងកំដៅ១ពាន់អង្សាសេ ?
មេបក្សកាន់អំណាចរះមួយប្រាវនេះ…ពិតជាទទួលការគាំទ្រ «មួយភ្នំពេញ» តែម្តង…ប្រាវ៉ូ ! សម្តេចតេជោ។
ទស្សនៈមហាជនក្នុងរាជធានីបញ្ចេញជាទូទៅថា…រឿងសម្អាតទីក្រុងឱ្យមានប្រសិទ្ធភាព…មានតែ «ផ្លូវមួយ» ប៉ុណ្ណោះ…ប្រគល់ភារកិច្ចឱ្យ «ខណ្ឌ» ទទួលសម្អាតដោយខ្លួនឯង…ខណ្ឌណាសម្អាតខណ្ឌហ្នឹង…រួចដាក់ប្រឡងប្រណាំងយក «ស្នាដៃ» ប្រចាំឆ្នាំ…តើធ្វើបានដែរអត់ ? ខណ្ឌមួយៗមាន «មេរង» ច្រើនណាស់ខ្លះស្ទើរអត់មានភារកិច្ច…ម៉េចមិនប្រគល់ ?
ប៉ុន្តែយ៉ាងណាក៏ដោយ…លែងលះប្រពន្ធមុនដែល «មារយាទអន់»…ស្វែងរកប្រពន្ធថ្មីម្តងទៀត…យ៉ាងហោចណាស់ក៏ «គ្រាន់បើ» ដែរ ទើបសម្រេចយក ។ បើ«យកថ្មី» នៅតែ «អន់ទៀត»…លែងចោលទៀតក៏មិនយឺតពេលដែរ…ឱ្យតែ«មារយាទល្អ»…យូរៗច្រើនដងទៅ…រឿងអីមិនប៉ះល្អ…េហ ! េហ !
ចែករំលែកព័តមាននេះ