រាជធានីភ្នំពេញ ៖ លោក ម៉ម ប៊ុន អ្នកនាំពាក្យសមាជិក និងអ្នកនាំពាក្យព្រឹទ្ធសភាបានឲ្យដឹងថា ព្រឹទ្ធសភាបានខិតខំជំរុញឲ្យមានការអភិវឌ្ឍនៅតាមមូលដ្ឋានដែលជាគោលនយោបាយរបស់រាជរដ្ឋាភិបាល ហើយក៏ស្របពេលរាជរដ្ឋាភិបាលកំពុងតែធ្វើយ៉ាងសកម្ម ពោល គឺទំលាក់ថវិកាមួយទ្វេជាពីរ ។
លោក ម៉ម ប៊ុននាង បានឲ្យដឹងក្រោយកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នាព្រឹកថ្ងៃទី២១ ខែតុលានេះ ថា តាមការសង្កេតឃើញថា រាជរដ្ឋាភិបាលបានផ្តល់ថវិកាសម្រាប់ការអភិវឌ្ឍន៍មូលដ្ឋានមួយទ្វេជាពីរ ។ ឧទាហរណ៍ ពេលមុនផ្តល់១០០លាន ឥឡូវឡើង២០០លាន ឬពីមុន២០០លានដុល្លារ ឡើងដល់៤០០លានដុល្លារ ។
លោកបញ្ជាក់ថា អីញ្ចឹងមួយទ្វេពីរ ដើម្បីធ្វើការកែទម្រង់ ស្តា និងអភិវឌ្ឍន៍លើកហេដ្ឋារចនាសម្ព័ន្ធនៅតាមបណ្តាខេត្តនានា ជាពិសេសខេត្តនៅតាមព្រំដែន និងខេត្តដែលនៅតំបន់ដាច់ស្រយាល ដោយផ្គត់ផ្គង់ផ្លូវទឹក ភ្លើងតាមគម្រោងចាំបាច់ តាមមូលដ្ឋានស្នើឡើង» ។ លោកបានឲ្យដឹងទៀតថា សម្រាប់ការអភិវឌ្ឍន៍នៅតាមមូលដ្ឋាននេះនឹងត្រូវធ្វើឡើងជារៀងរាល់ឆ្នាំព្រោះថា ត្រូវចេញថ្លៃជាបន្តបន្ទាប់ ។ ការផ្តល់លើគម្រោងនេះមិនត្រូវបានគិតថា មូលដ្ឋាននេះផ្តល់ឲ្យមួយឬពីរដងទេ គឺបើមានការស្នើសុំពីមូលដ្ឋាននិងបន្តផ្តល់សម្រាប់ការអភិវឌ្ឍជានិច្ច ។
ទាក់ទិននឹងកិច្ចប្រជុំអចិន្ត្រៃយ៍ព្រឹទ្ធសភាវិញ លោក ម៉ម ប៊ុននាង បានលើកឡើងថា កិច្ចប្រជុំគណៈកម្មាធិការ ដើម្បីពិនិត្យបើករបាយការណ៍ចន្លោះសម័យប្រជុំលើកទី៣ និងលើកទី៤ នីតិកាលទី៤ ព្រឹទ្ធសភា ។ លោកបន្តថា កិច្ចប្រជុំបានកំណត់យករបៀបវារៈដាក់ក្នុងសម័យប្រជុំពេញអង្គព្រឹទ្ធសភា នៅថ្ងៃទី២៤ ខែតុលាខាងមុខនេះ ។
លោកបញ្ជាក់ថា«ខ្ញុំចង់បញ្ជាក់ថា ក្នុងសម័យប្រជុំលើកទី៣ និងទី៤នេះ សមាជិកព្រឹទ្ធសភាបានខិតខំធ្វើការរៀងៗខ្លួនប្រកបដោយស្មារតីទទួលខុសត្រូវខ្ពស់ ហើយសម្រេចលទ្ធផលផ្លែជាគុណប្រយោជន៍ជូនប្រជាពលរដ្ឋ» ។ លោកបន្តថា ក្នុងកិច្ចប្រជុំអចិន្ត្រៃយ៍ក៏បានសម្រួលនូវបារណ៍ក៏បានធ្វើការសម្រួលនូវចំណុចមួយចំនួនផងដែរ ។ លោកថា «អ្វីដែលជារបាយការណ៍របស់គណៈកម្មការនានាតាមសមត្ថកិច្ចយើងឃើញថា បានធ្វើវិមជ្ឈកា និងវិសហមជ្ឈការក្នុងការកែទម្រង់នៅតាមមូលដ្ឋានមានការសកម្មល្អ ។ ជាពិសេសនោះរដ្ឋាភិបាលសាធារណៈ គឺមានច្រកចេញចូលតែមួយច្រើន» ។
ជាមួយគ្នានោះដែរ លោក ម៉ម ប៊ុននាង ក៏បានដឹងថា អ្វីដែលពិសេសទៀតនោះ សមាជិកបានធ្វើការអនុវត្ត និងផ្សព្វផ្សាយច្បាប់ប្រឆាំងអំពើពុករលួយដល់ប្រជាពលរដ្ឋនៅតាមមូលដ្ឋានផងដែរ ។ ករណីទាំងនេះ គឺជាគោលការណ៍របស់រាជរដ្ឋាភិបាលដែលធ្វើការកែទម្រង់ស៊ីជម្រៅនៅតាមមូលដ្ឋាន ។ លោកគូសបញ្ជាក់ថា «នៅតាមមូលដ្ឋានបានចាប់ផ្តើមធ្វើកំណែទម្រង់យ៉ាងខ្លាំង ហើយទទួលបានលទ្ធផលជាផ្លែផ្កាច្រើន» ៕ កែសម្រួលដោយ ៖សុឃាក់
ចែករំលែកព័តមាននេះ