ខេត្តកណ្តាល ៖ លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាល បានធ្វើការអះអាងថា លោកនឹងបើកការស៊ើបអង្កេតរកការពិត ក្នុងករណីរឿងក្តីរបស់មន្ត្រីប៉ូលិសផ្នែកបុគ្គលិកនៃស្នងការដ្ឋាននគរបាលខេត្តកណ្តាលម្នាក់ ត្រូវនារីជាប្រពន្ធបានដាក់ពាក្យបណ្តឹងប្តឹងពីបទមនុស្សឃាតដោយចេតនា និងហិង្សាមានស្ថានទម្ងន់ទោស (វាយនារីម្នាក់រហូតរលូតកូន) ។
មកទល់នៅថ្ងៃទី២១ តុលា នេះ មហាជនបាននិងកំពុងទន្ទឹងរង់ចាំមើលចំណាត់ការរបស់ថ្នាក់លើ តើនឹងចាត់ការបែបណាផងដែរ ។ មន្ត្រីនគរបាលដែលរងការចោទ ឈ្មោះជិន ជឿន បម្រើការនៅស្នងការខេត្តកណ្តាល ។ រីឯនារីរងគ្រោះ និងជាដើមបណ្តឹង ឈ្មោះស៊ាង ស្រីល័ក្ខ អាយុ២៧ឆ្នាំ នាងបានត្រូវបានរលូតកូនក្នុងផ្ទៃមានអាយុ៤ខែ ហើយនាងក៏ធ្វើការស្នើសុំដល់លោកស្នងការនគរបាលខេត្តជួយរកយុត្តិធម៌ និងចាត់វិធានតាមផ្លូវច្បាប់ជូននាង ។
សូមរំលឹកថា នារីរងគ្រោះខាងលើ បានដាក់ពាក្យបណ្តឹងទៅលោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាល សុំជួយរកយុត្តិធម៌ដល់រូបនាងផង លើករណីប្តីមិនទាន់រៀបការ ដែលជាមន្ត្រីប៉ូលិសផ្នែកបុគ្គលិកនៃស្នងការដ្ឋាននគរបាលខេត្តកណ្តាល ពីបទមនុស្សឃាតដោយចេតនា និងហិង្សាមានស្ថានទម្ងន់ទោស (វាយនាងរហូតរលូតកូនចេញពីផ្ទៃ)។
នេះបេីយោងតាមពាក្យបណ្តឹងរបស់នារីរងគ្រោះ ដែលភ្នាក់ងារកោះសន្តិភាព ទេីបទទួលបាននៅថ្ងៃទី១៩ តុលា នេះ ។យោងតាមពាក្យបណ្តឹងរបស់ឈ្មោះ ស៊ាង ស្រីល័ក្ខ អាយុ២៦ឆ្នាំ មានទីលនៅបច្ចុប្បន្នភូមិសុកុំផ្ញើ ឃុំគងជ័យ ស្រុកអូរាំងឪ ខេត្តត្បូងឃ្មុំ បានប្តឹងឈ្មោះ ជិន ជឿន ភេទប្រុស ជាមន្ត្រីបម្រេីការងារនៅស្នងការនគរបាលខេត្តកណ្តាល ផ្នែកបុគ្គលិក មានទីលំនៅភូមិកោះគរ ឃុំរកាខ្ពស់ ស្រុកស្អាង ខេត្តកណ្តាល ពីបទ ប៉ុនប៉ងមនុស្សឃាតដោយចេតនានិងហិង្សាមានស្ថានទម្ងន់ ។
តាមនារីរងគ្រោះរៀបរាប់ថា កាលពីថ្ងៃទី១៤ តុលា ឆ្នាំ២០១៩ វេលាម៉ោង១០ និង៣០នាទីយប់ ឈ្មោះ ជិន ជឿន ដែលជាប្ដីរស់នៅដំបូលផ្ទះតែមួយ (ដោយមិនទាន់បានរៀបការ) បានប៉ុនប៉ងធ្វើឃាត និងហិង្សាមានស្ថានទម្ងន់មកលេីនារីរងគ្រោះ បណ្តាលឱ្យរលូតកូននៅក្នុងផ្ទៃរបស់នាងខ្ញុំ ដែលកំពុងពរពោះ៤ខែ។ នារីរងគ្រោះ ស្នេីសុំលោកស្នងការដ្ឋាននគរបាល ខេត្តកណ្តាលមេត្តាជួយរកយុត្តិធម៌ និងចាត់វិធានការតាមផ្លូវច្បាប់ ។
ចែករំលែកព័តមាននេះ