ខេត្តបន្ទាយមានជ័យ ៖ មាន់រស់ចំនួន៣៩០ក្បាលដឹកតាមរថយន្តកូរ៉េមួយគ្រឿងត្រូវបានមន្ត្រីជំនាញការិយាល័យបសុព្យាបាលខេត្ត សហរការជាមួយមន្ត្រីជំនាញការិយាល័យកសិកម្មក្រុងប៉ោយប៉ែតស្ទាក់ចាប់បានលើដងផ្លូវជាតិលេខ៥ ក្នុងភូមិនិមិ្មត សង្កាត់និម្មិត ក្រុងប៉ោយប៉ែតកាលពីវេលាម៉ោងជាង៩យប់ថ្ងៃ ទី២៨ ខែមេសា ឆ្នាំ២០១៤ចោទថានាំចូលតាមច្រករបៀងគ្មានច្បាប់។
ខេត្តបន្ទាយមានជ័យ ៖ មាន់រស់ចំនួន៣៩០ក្បាលដឹកតាមរថយន្តកូរ៉េមួយគ្រឿងត្រូវបានមន្ត្រីជំនាញការិយាល័យបសុព្យាបាលខេត្ត សហរការជាមួយមន្ត្រីជំនាញការិយាល័យកសិកម្មក្រុងប៉ោយប៉ែតស្ទាក់ចាប់បានលើដងផ្លូវជាតិលេខ៥ ក្នុងភូមិនិមិ្មត សង្កាត់និម្មិត ក្រុងប៉ោយប៉ែតកាលពីវេលាម៉ោងជាង៩យប់ថ្ងៃ ទី២៨ ខែមេសា ឆ្នាំ២០១៤ចោទថានាំចូលតាមច្រករបៀងគ្មានច្បាប់។
មាន់រស់ទាំងអស់ខាងលើមន្ត្រីជំនាញប្រាប់ថាជារបស់ឈ្មោះ សេង ស្រីនាង ភេទស្រី មានទីលំនៅក្នុងសង្កាត់និមិ្មត នាំចូល តាមច្រករបៀងមួយនៅក្រុងប៉ោយប៉ែត មានចំនួន៣៩០ក្បាលស្មើរនិង៣៩ទ្រុងជ័រ ដឹកតាមរថយន្តកូរ៉េមួយគ្រឿងគ្មានស្លាក លេខពណ៌ខៀវមន្ត្រីជំនាញបន្តថាមាន់រស់ទាំងនេះស្ទាក់ចាប់បានខណ:ពេលដែលឈ្មួញខាងលើកំពុងដឹកតាមដងផ្លូវជាតិ លេខ៥ ពីលិចទៅកើតក្នុងគោលដៅទៅរកទីផ្សារដើម្បីលក់។
លោកហ៊ុយ ទូច ប្រធានការិយាល័យបសុព្យាបាលខេត្ត ប្រាប់កោះសន្តិភាពតាមទូរស័ព្ទនៅ រសៀលថ្ងៃទី២៩នេះថាមាន់ទាំង នេះ និងរក្សាទុកដើម្បីយកសំណៅវិភាគផ្ញើរទៅឡាបូ និងនាយកដ្ឋានដើម្បីត្រួតពិនិត្យថាតើការនាំចូលនេះសត្វទាំងនោះ វា មានផ្ទុកមេរោគផ្សេងៗដូចជាជម្ងឺផ្ដាសាយបក្សីឬអាសន្នរោគដែរឬយ៉ាងណា? ដោយប្រធានការិយាល័យរូបនេះប្រាប់ថាការ ចាប់នេះលោកបានរាយការណ៍ជូនលោកព្រះរាជអាជ្ញាអមសាលាដំបូងខេត្តផងដែរ។
លោកហ៊ុយ ទូចបន្តថាក្រោយពីសំណៅវិភាគទទួលបានលទ្ធផលបើសត្វទាំងនោះពុំមានផ្ទុកមេរោគទេជំនាញនិងធ្វើតាមគោលការណ៍ផាកពិន័យដល់អ្នកនាំចូល។ ប៉ុន្តែប្រសិនបើសត្វមាន់ទាំងនេះមានផ្ទុកមេរោគវិញ និងធ្វើការផាកពិន័យអ្នកនាំចូលពី៥លានរៀលទៅ១០លានរៀលហើយនិងបញ្ជូនអ្នកនាំចូលសត្វមាន់នេះទៅតុលាការជាមួយវត្ថុតាងចាត់ការតាមផ្លូវច្បាប់។ ចំណែកសត្វមាន់ទាំងអស់និងសុំគោលការដុតកំទេចចោលទៀតផង។
ចែករំលែកព័តមាននេះ