រាជធានីភ្នំពេញ ៖ បើតាមប្រភពព័ត៌មានបានឱ្យដឹងនៅថ្ងៃទី២៩ មេសា ២០១៤ នេះថា សាកសពស្រ្តីជនជាតិហូឡង់ ដែលត្រូវឃាតករមិនស្គាល់មុខចាក់សម្លា.ប់នៅក្នុងផ្ទះជួល ត្រូវបាននាំទៅតម្កល់ទុកនៅមន្ទីរពេទ្យមិត្តភាពខ្មែរ-សូវៀត ព្រោះប្តីជាប់រវល់យកកូនទៅសង្គ្រោះនៅមន្ទីរប្រទេសថៃ ។
រាជធានីភ្នំពេញ ៖ បើតាមប្រភពព័ត៌មានបានឱ្យដឹងនៅថ្ងៃទី២៩ មេសា ២០១៤ នេះថា សាកសពស្រ្តីជនជាតិហូឡង់ ដែលត្រូវឃាតករមិនស្គាល់មុខចាក់សម្លាប់នៅក្នុងផ្ទះជួល ត្រូវបាននាំទៅតម្កល់ទុកនៅមន្ទីរពេទ្យមិត្តភាពខ្មែរ-សូវៀត ព្រោះប្តីជាប់រវល់យកកូនទៅសង្គ្រោះនៅមន្ទីរប្រទេសថៃ ។
ប្រភពបានបន្តថា លោក oele joris ត្រូវជាប្តី កាលពីយប់ថ្ងៃទី២៨ មេសា ២០១៤ បានយកកូនចេញពីមន្ទីរពេទ្យគន្ធបុប្ផា ទៅសង្គ្រោះបន្ទាន់នៅប្រទេសថៃបាត់ទៅហើយ ។ បានជាឪពុករូបនេះ នាំកូនទៅព្យាបាលនៅប្រទេសថៃ ដោយអាការរបួសកូនធ្ងន់ធ្ងរពេក និងសន្លប់បាត់ស្មារតីតាំងពីពេលម៉ោងកើតហេតុមកម្ល៉េះ ។
គួរបញ្ជាក់ថា កាលពីវេលាម៉ោង៩ និង២៨នាទីព្រឹកថ្ងៃទី២៩ មេសា មានការភ្ញាក់ផ្អើលនៅក្នុងផ្ទះលេខ១៧២Z2 ផ្លូវច្រកឌឿងហែម សង្កាត់ទន្លេបាសាក់ ខណ្ឌចំកាមន រាជធានីភ្នំពេញ ដែលការភ្ញាក់ផ្អែលនោះ គឺជាអំពើឃាតកម្មចាក់សម្លាប់លើស្ត្រីជនជាតិហូឡង់ នឹងកូនស្រីម្នាក់ឱ្យរងរបួងក្នុងថ្លុកឈាម ខណៈបុរសជាប្តីបានចេញទៅធ្វើការនៅខេត្តព្រះសីហនុ ។
ប្រភពព័ត៌មានបានឱ្យដឹងទៀតថា បើទោះបីឃាតករគេចខ្លួនបាត់ស្រមោលក៏ពិតមែន តែការស្រាវជ្រាវបាននឹងកំពុងបន្តធ្វើ ដើម្បីវែកមុខរកជនដៃដល់មកផ្តន្ទាទោសឱ្យខាងតែបាន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ