ADផ្ទាំងផ្សព្វផ្សាយពាណិជ្ជកម្ម

Picture

ពុទ្ធោ​មើលចុះ​! បុក​រះ​​តូប​លក់ដូរ ទាំង​​ម៉ូតូ​​កៀប​ជាប់​ក្រោម​ឡាន​… ចុះ​មនុស្ស​វិញ

4 ឆ្នាំ មុន
  • ភ្នំពេញ

ខេត្ត​ព្រះ​សីហ​នុ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា មាន​ករណី​គ្រោះថ្នាក់​ចរាចរណ៍​មួយ​កើតឡើង​រវាង​រថយន្ត​ដឹក​សំរាម​បុក​រះ​នឹង​តូប​លក់ដូរ​អាជីវករ រួច​ក៏​ជ្រុល​ចង្កូត​ទៅ​បុក​ប៉ះ​នឹង​ម៉ូតូ​២​គ្រឿង​ផ្សេង​ទៀត​កៀប​ជាប់​ក្រោម​រថយន្ត បង្ក​ឱ្យ​មានការ​ការ​ភ្ញាក់ផ្អើល​កាលពី​ម៉ោង​ជិត​០៨​យប់ ថ្ងៃ​ទី​១៧ ខែតុលា ឆ្នាំ​២០១៩​នេះ ស្ថិត​នៅ​ភូមិ​០២…

ខេត្ត​ព្រះ​សីហ​នុ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា មាន​ករណី​គ្រោះថ្នាក់​ចរាចរណ៍​មួយ​កើតឡើង​រវាង​រថយន្ត​ដឹក​សំរាម​បុក​រះ​នឹង​តូប​លក់ដូរ​អាជីវករ រួច​ក៏​ជ្រុល​ចង្កូត​ទៅ​បុក​ប៉ះ​នឹង​ម៉ូតូ​២​គ្រឿង​ផ្សេង​ទៀត​កៀប​ជាប់​ក្រោម​រថយន្ត បង្ក​ឱ្យ​មានការ​ការ​ភ្ញាក់ផ្អើល​កាលពី​ម៉ោង​ជិត​០៨​យប់ ថ្ងៃ​ទី​១៧ ខែតុលា ឆ្នាំ​២០១៩​នេះ ស្ថិត​នៅ​ភូមិ​០២ សង្កាត់​០៤ ក្រុង​/​ខេត្ត​ព្រះ​សីហ​នុ​។

យោង​តាម​ប្រភព​ពី​កន្លែង​កើតហេតុ​បានឱ្យ​ដឹង​ថា នៅ​មុន​ពេល​កើតហេតុ គេ​ឃើញ​រថយន្ត​ដឹក​សំរាម​ខាងលើ​គ្មាន​ផ្លា​ក​លេខ​បើកបរ​ក្នុង​ល្បឿន​លឿន​ពី​លិចទៅ​កើត លុះ​មក​ដល់​ចំណុច​ខាង​លើ​ក៏​បត់​ឆ្វេង តែ​ចៃដន្យ​ជ្រុល​ចង្កូត​ទៅ​បុក​រះ​តូប​របស់​អាជីវករ​លក់ដូរ​នៅ​ក្រោយ​ជាប់​ផ្សា​រលើ​អស់​ចំនួន​៥​តូប បណ្តាល​ឱ្យ​រង​ការ​ខូចខាត​ទ្រ​សម្បត្តិ​ផងដែរ។

ប្រភព​ដដែល​បន្ត​ថា មិន​ត្រឹមតែ​ប៉ុណ្ណោះ​រថយន្ត​មិន​ទាន់​អស់​ល្បឿន​ក៏​ជ្រុល​ចង្កូត​ទៅ​បុក និង​ប៉ះ​ម៉ូតូ​ចំនួន​២​គ្រឿង​ផ្សេង​ទៀត ដោយ​មួយ​គ្រឿង​ម៉ាក Honda Dream ស៊េរី​ឆ្នាំ​២០១៩ គ្មាន​ផ្លា​ក​លេខ និង​មួយ​គ្រឿង​ទៀត​ម៉ាក Honda Dream ស៊េរី​ឆ្នាំ​២០០៥ ពាក់​ផ្លា​ក​លេខ កណ្តាល 1j-2082 បណ្តាល​ឱ្យ​ម៉ូតូ​កៀប​ជាប់​ក្រោម​រថយន្ត​តែ​ម្តង​។

បើ​តាម​សមត្ថកិច្ច​បាន​បញ្ជាក់​ថា ក្រោយ​ពេល​កើតហេតុ ជន​រង​គ្រោះ​ម្នាក់​ជា​តៃកុង​រថយន្ត​ត្រូវ​បាន​បញ្ជូន​យក​ទៅ​សង្គ្រោះ​បន្ទាន់​នៅ​មន្ទីរពេទ្យ និង​២​នាក់​ទៀត​រង​របួសស្រាល​រង់ចាំ​ភាគី​បង្ក​មក​ដោះស្រាយ រីឯ​វត្ថុ​តាង​ម៉ូតូ និង​រថយន្ត ត្រូវ​សមត្ថកិច្ច​បាន​យក​ទៅ​រក្សា​ទុក​រង់ចាំ​ការ​ដោះស្រាយ​តាម​នីតិវិធី​ច្បាប់​នៅ​ពេល​ក្រោយ ។ (​កែសម្រួល​ដោយ ៖ បុប្ផា​)

អត្ថបទសរសេរ ដោយ

កែសម្រួលដោយ