ខេត្តមណ្ឌលគិរី ៖ ទីបំផុតទៅមកដល់ម៉ោង៩និង៣០នាទីព្រឹកថ្ងៃទី២៨ មេសា ២០១៤ តំណាងអាជ្ញាធរខេត្តបានស្នើឲ្យតំណាងជនជាតិភាគតិច១០នាក់ ចូលជួបពិភាក្សារកដំណោះស្រាយហើយ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងនៅប៉ុន្មាននាទីមុននេះដែរថា បន្ទាប់ពីមានការស្នើសុំជួបពិភាក្សានោះរួចមក ក្រុមប្រជាពលរដ្ឋជនជាតិភាគតិចបាននំាគ្នាធ្វើដំណើរពីរង្វង់មូលគោព្រៃ ស្ថិតក្នុងក្រុងសែនមនោរម្យ ឆ្ពោះមកកាន់សាលាខេត្តមណ្ឌលគិរី រង់ចំាលទ្ឋផលនៃការពិភាក្សារកដំណោះស្រាយ ។
សូមរំលឹកថា ចាប់តំាងពីព្រឹកថ្ងៃទី២៨ មេសា ២០១៤នេះ ក្រុមប្រជាពលរដ្ឋនិងជនជាតិភាគតិចជាង១០០នាក់ មកពីស្រុកនិងក្រុងទំាង៥របស់ខេត្ត បានប្រមូលផ្តុំគ្នានៅចំណុចរង្វង់មូលគោព្រៃ ស្ថិតក្នុងក្រុងសែនមនោរម្យ ប្រយោជន៏ដើម្បីទាមទារឲ្យអាជ្ញាធរដោះស្រាយផលប៉ះពាល់ពីការវិនិយោគរបស់ក្រុមហ៊ុននានា ដែលទទួលបានដីសម្បទានសេដ្ឋកិច្ចពីរាជរដ្ឋាភិបាល ។
ការតវ៉ារបស់ក្រុមប្រជាពលរដ្ឋដែលភាគច្រើនជាជនជាតិភាគតិចរស់នៅក្នុងខេត្តមណ្ឌលគិរីនាពេលនេះ បានធ្វើឡើងបន្ទាប់ពីពួកគាត់មានការលំបាកក្នុងការប្រកបរបររកស៊ីប្រចំាថ្ងៃដែលពឹងអាស្រ័យផលទៅលើព្រៃឈើ ឬ ចំការវិលជុំរបស់សហគមន៏ពួកគាត់ ដោយសាររាជរដ្ឋាភិបាលបានប្រគល់ដីសម្បទានវិនិយោគឲ្យទៅក្រុមហ៊ុនឯកជននោះ ៕
ចែករំលែកព័តមាននេះ