ក្រុងប៉ោយប៉ែត ៖ យ៉ាងហោចណាស់មានប្រជាពលរដ្ឋខ្មែរ ដែលជាជនចំណាកស្រុកលួចឆ្លងដែនដោយខុសច្បាប់ ចំនួនជាង១.០០០នាក់ ត្រូវទាហានឈុតខ្មៅថៃ ប្រចាំការនៅចំណុចផ្សាររុងក្លឿ ស្រុកអារញ្ញ ខេត្តស្រះកែវ ប្រទេសថៃ ឃាត់ខ្លួនកាលពីថ្ងៃទី២៦ មេសា និង បញ្ជូនទៅកាន់លុងផាក ដែលជាពន្ធនាគារធំមួួយ ក្នុងស្រុកអារញ្ញ ។
ក្រុងប៉ោយប៉ែត ៖ យ៉ាងហោចណាស់មានប្រជាពលរដ្ឋខ្មែរ ដែលជាជនចំណាកស្រុកលួចឆ្លងដែនដោយខុសច្បាប់ ចំនួនជាង១.០០០នាក់ ត្រូវទាហានឈុតខ្មៅថៃ ប្រចាំការនៅចំណុចផ្សាររុងក្លឿ ស្រុកអារញ្ញ ខេត្តស្រះកែវ ប្រទេសថៃ ឃាត់ខ្លួនកាលពីថ្ងៃទី២៦ មេសា និង បញ្ជូនទៅកាន់លុងផាក ដែលជាពន្ធនាគារធំមួួយ ក្នុងស្រុកអារញ្ញ ។
តាមប្រភពព័ត៌មានពីប្រជាពលរដ្ឋខ្មែរ នៅផ្សាររុងក្លឿ បានប្រាប់អ្នកយកព័ត៌មានឱ្យដឹងថា ប៉ុន្មានថ្ងៃចុងក្រោយនេះ គេសង្កេតឃើញមានក្រុមពលករខ្មែរជាច្រើនរយនាក់សម្រុកចូលប្រទេសថៃ យ៉ាងភ្លូកទឹកភ្លូកដី ដូចគេហែកឋិន ដែលជាហេតុធ្វើឱ្យអាជ្ញាធរថៃចាត់វិធានការទប់ស្កាត់ ។ ប្រភពបន្តទៀតថា កាលពីថ្ងៃទី២៥ និង២៦ មេសា ក្រុមទាហានឈុតខ្មៅថៃ បានចេញប្រតិបត្តិការយ៉ាងក្តៅគគុក ដោយបានចាប់ខ្លួនពលករខ្មែរប្រុសស្រី ដែលនាំគ្នាលាក់ខ្លួន នៅតាមតូប និងច្រកផ្លូវឌឿងហែម ក្នុងផ្សាររុងក្លឿ ខណៈដែលក្រុមពលករទាំងនោះ សំចតរង់ចាំឱកាសមេខ្យល់យករថយន្តមកទទួលនាំយកទៅរកការងារធ្វើ ។
ក្រុមពលករចំណាកស្រុកខុសច្បាប់ទាំងនោះ ត្រូវទាហានថៃប្រមូលដាក់រថយន្តដូចសត្វ រួចដឹកបញ្ជូនទៅដាក់ក្នុងគុកធំ តែគេមិនដឹងថាជោគវាសនារបស់ក្រុមពលករទាំងនោះ នឹងទទួលទណ្ឌកម្មបែបណាឡើយ ។ ជុំវិញបញ្ហាខាងលើនេះ មិនអាចសុំការបំភ្លឺពីមន្ត្រីអគ្គកុងស៊ុលខ្មែរ ប្រចាំនៅក្នុងប្រទេសថៃបានឡើយ ។
គួរកត់សម្គាល់ថា ក្រុមពលករខ្មែរចំណាកស្រុក ដែលលួចឆ្លងដែនចូលប្រទេសថៃដោយខុសច្បាប់ ពួកគាត់ប្រឈមនឹងបញ្ហាគ្រប់បែបយ៉ាង ហើយជារឿយៗក្រុមពលករស្លាប់នៅក្នុងទឹកដីថៃ ដែលអ្នកខ្លះស្លាប់ដោយគ្រោះថ្នាក់ចរាចរណ៍ ខ្លះដើរជាន់មីន ខ្លះទៀតត្រូវទាហានថៃបាញ់សម្លាប់ និងចាប់វាយធ្វើបាបយ៉ាងព្រៃផ្សៃ និងបន្តយកទៅដាក់គុកច្រវាក់ទៀតផង ៕
ចែករំលែកព័តមាននេះ