ខេត្តសៀមរាប ៖ ស្រ្តីជនជាតិអូស្រ្តាលីម្នាក់បានរងរបួសស្រាលក្នុងករណីគ្រោះថ្នាក់ចរាចរណ៏បុកគ្នារវាងរថយន្តកាមម៉ាជាមួយម៉ូតូធុនធំម៉ាកTOIAREFSខណះស្រ្តីជនបរទេសរូបនេះកំពុងរៀនបើកម៉ូតូដែលបង្រៀនដោយបុរសម្នាក់។ ហេតុការណ៏នេះកើតឡើងវេលាម៉ោង៥និង៣០នាទី ថ្ងៃទី២៦ មេសា ២០១៤ នៅចំណុច ផ្លូវបេតុងជាប់ប្រលាយខាងត្បូងសាលាសង្កាត់សាលា
ខេត្តសៀមរាប ៖ ស្រ្តីជនជាតិអូស្រ្តាលីម្នាក់បានរងរបួសស្រាលក្នុងករណីគ្រោះថ្នាក់ចរាចរណ៏បុកគ្នារវាងរថយន្តកាមម៉ាជាមួយម៉ូតូធុនធំម៉ាកTOIAREFខណះស្រ្តីជនបរទេសរូបនេះកំពុងរៀនបើកម៉ូតូដែលបង្រៀនដោយបុរសម្នាក់។ ហេតុការណ៏នេះកើតឡើងវេលាម៉ោង៥និង៣០នាទីល្ងាច ថ្ងៃទី២៦ មេសា ២០១៤ នៅចំណុច ផ្លូវបេតុងជាប់ប្រលាយខាងត្បូងសាលាសង្កាត់សាលាកំរើក ស្ថិតនៅក្នុងភូមិសាលាកំរើក សង្កាត់សាលាកំរើក ក្រុង-ខេត្តសៀមរាប។
ជនរងគ្រោះ ជនជាតិអូស្រ្តាលី ភេទស្រី អាយុជាង២០ឆ្នាំ ជាភ្ញៀវទេសចរណ៍ រងរបួសជើងខាងឆ្វេងស្រាល ស្នាក់នៅក្នុងសណ្ឋាគារ Hoset ។ចំណែកបុរស ដែលបង្រៀនបើកម៉ូតូធុនធំនេះ ឈ្មោះ ឃុន ស៊ីណាត ភេទប្រុស អាយុ២២ឆ្នាំ រស់នៅភូមិទ្រាំង សង្កាត់ស្លរក្រាម ខេត្តសៀមរាប ។ បុរសបើករថយន្តកាមម៉ាមានឈ្មោះ សាយ សាន ភេទប្រុស អាយុ២៧ឆ្នាំ រស់នៅភូមិបាគង ឃុំអំពិល ស្រុកប្រាសាទបាគង ខេត្តសៀមរាប ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញរថយន្តកាមម៉ា ពណ៌ស អត់មានស្លាកលេខជារបស់ក្រុមហ៊ុនកូរ៉េសាទីងដែលនៅពីលើផ្ទៃមុខនៃរថយន្តមានបិទឡូហ្គោ (អង្គរផារ៉ាដាយ ខូអិលធីឌី)ដែលក្នុងរថយន្តនេះជិះគ្នា៣០នាក់ស្រី- ប្រុស ជាកម្មកររបស់ក្រុមហ៊ុនកូរ៉េ បានបើកក្នុងទិសដៅពីកើតទៅលិច ស្រាប់តែមកដល់ចំណុចកើតហេតុក៏បានបុកម៉ូតូធុនធំ ម៉ាកTOIAREF ពណ៌ក្រហម អត់មានស្លាកលេខចំពីមុខពេញទំហឹងខណះពេល ដែលបុរសម្នាក់កំពង់តែបង្រៀនស្រ្តីជនជាតិអូស្រា្តលីឱ្យចេះបើក។ ករណីរថយន្តបុកម៉ូតូធុនធំនេះគឺបានធ្វើឱ្យម៉ូតូវិលមកអែបខាងស្តាំរថយន្តវិញនិងបណ្តាលឱ្យស្រ្តីជនជាតិអូស្រ្តាលី រងរបួសស្រាល។
នៅក្រោយពេលកើតហេតុសមត្ថកិច្ចបានចុះមកវាស់វែង ហើយបាននាំទាំងរថយន្តនិងម៉ូតូទៅគោលដៅគល់ស្ពានព្រះអង្គចេកព្រះអង្គចម ដើម្បីធ្វើការសម្រួលគ្នា ដោយនៅចុងក្រោយសមត្ថកិច្ចសម្រួលឱ្យភាគីរថយន្តនិងម៉ូតូគឺស្មើគ្នា ហើយតាមច្បាប់គឺជនបរទេសមិនអាចធ្វើការបើកបរបានទេ ។
សូមបញ្ជាក់ថា ម៉ូតូធុនធំម៉ាកTOIAREFSជារបស់ក្រុុមQUAD ADVENTURE CAMBODAI គឺជួលឱ្យប្រើក្នុងមួយថ្ងៃ៣០ដុល្លារ ។
ចែករំលែកព័តមាននេះ