រាជធានីភ្នំពេញ​ ៖ ​តុលាការកំពូល​របស់ប្រទេសកម្ពុជា​​ នៅថ្ងៃទី២៥​ មេសា ​២០១៤​ បានប្រកាស​សាលដីកា​សម្រេចមិនធ្វើបត្យាប័ន​បញ្ជូនសេដ្ឋីជនជាតិរុស្ស៊ី​ទៅកាន់ប្រទេស​រុស្ស៊ីតាមការ​ស្នើ​សុំរបស់​រដ្ឋាភិបាល​​សហព័ន្ឋរុស្ស៊ីឡើយ ។

ការសម្រេច​​របស់តុលាការ​កំពូលនៅថ្ងៃសុក្រនេះ​ ​បានធ្វើឡើងបន្ទាប់ពី​​សាលាឧទ្ឋរណ៏​កាលពី​ថ្ងៃទី១៣​ ​មករា ​២០១៤​ ​បានសម្រេចដោះលែង​​ជនជាប់ចោទ​​មហាសេដ្ឋី​ជនជាតិ​រុស្ស៊ីឈ្មោះ ​​ស៊ែរហ្សេ​ ប៉ូលុន​ស្គី ដែលរងការ​ចោទ​ពីបទពាក់ព័ន្ឋ​​ឆបោកលុយ​​រាប់លានដុល្លារ​​នៅក្នុងប្រទេសរុស្ស៊ី  ​។ ក្នុងបទល្មើសខាងលើនេះ ​លោក ស៊ែរហ្សេ ប៉ូលុនស្គី​ ត្រូវបានសមត្ថកិច្ចកម្ពុជា​ចា​ប់ខ្លួនកាលពីថ្ងៃទី១១​ វិច្ឆិកា ២០១៣ ។

គួរបញ្ជាក់ថា​ ​មហាសេដ្ឋីរូបនេះ​ ​ក៏ធ្លាប់ត្រូវបាន​​សមត្ថកិច្ច​​កម្ពុជា​ចោទប្រកាន់ផងដែរ​ ​ពីបទ​បង្ករបួសស្នាម​ដោយចេតនា​ ​និង​ ​បទឃុំឃំាងមនុស្ស​ខុសច្បាប់​ទៅលើកម្មករ​ទូកនេសាទ​៦នាក់ កាលពីចុងខែធ្នូ ២០១២ ​ប៉ុន្តែក្រោយមក​ជនរងគ្រោះ​ទំាងអស់ បានដកពាក្យបណ្តឹងវិញ ​បន្ទាប់ពីទទួលបានសំណង​ក្នុងម្នាក់ៗប្រមាណ២ម៉ឺនដុល្លារ ។

ព័ត៌មានលម្អិត​នឹងមានផ្សាយ​ជូននៅលើសារព័ត៌មាន​កោះសន្តិភាព ៕